ଟିଟିଲାଗଡ଼:(ସଞ୍ଜୟ କୁମାର ନାୟକ) ଟିଟିଲାଗଡ଼ ସହରର ମୁଖ୍ଯ ପରିଚୟ ହେଲା ଟିଟିଲାଗଡ଼ କୁମୁଡା ପାହାଡ ଉପରେ ଥିବା ପ୍ରଭୂ ଧବଳେଶ୍ୱର ମନ୍ଦିର। ଏହି ମନ୍ଦିରର ଉନ୍ନତି କରଣ ପାଇଁ ଟିଟିଲାଗଡ଼ର ବିଧାୟିକା ତଥା ମନ୍ତ୍ରୀ ଶ୍ରୀମତି ଟୁକୁନି ସାହୁ ସଦାବେଳେ ରାଜ୍ୟ ସରକାରଙ୍କ ଦୃଷ୍ଟି ଆକର୍ଷଣ କରିବା ସହ ଉନ୍ନତି କରଣ ପାଇଁ ଦାବି କରି ଆସୁଥିଲେ।
ଏହାକୁ ହୃଦୟଙ୍ଗମ କରି କୁମୁଡ଼ା ପାହାଡ଼ର ସୌନ୍ଦର୍ଯ୍ୟ କରଣ ପାଇଁ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକ ୧ କୋଟି ୮୮ ଲକ୍ଷ୍ୟ ଟଙ୍କା ଅନୁଦାନ ପ୍ରଦାନ କରିଛନ୍ତି, ଯାହାକି ଆଗାମୀ ଦିନରେ ଆସୁଥିବା ଗଣପର୍ବ ନୂଆଖାଇ ପାଇଁ ଭେଟି ସଦୃଶ ହୋଇଛି। ବିକଶିତ ଟିଟିଲାଗଡ଼ର ବିନ୍ଧାଣୀ ସାଜିଥିବା ଟିଟିଲାଗଡ଼ର ବିଧାୟିକା ଶ୍ରୀମତୀ ସାହୁଙ୍କୁ ଟିଟିଲାଗଡ଼ ବାସୀଙ୍କ ତରଫରୁ ଧନ୍ୟବାଦ ଜ୍ଞାପନ କରାଯାଇଛି।
ଏହା ପୁର୍ବରୁ ଟିଟିଲାଗଡ଼ର ବହୁ ପ୍ରତିକ୍ଷୀତ ରେଳ ଓଭରବ୍ରିଜ, ଭୂତଳ ପୋଲ, ମହାରାଜ ସାଗରରେ ନିର୍ମିତ ନୂତନ ପାର୍କ ଭଳି ଉନ୍ନୟନ ମୂଳକ କାର୍ଯ୍ୟର ଆରମ୍ଭ କରି ଉଦଘାଟନ କରିଛନ୍ତି। ନିଜ ଅଞ୍ଚଳର ବିକାଶ ପାଇଁ ମନ୍ତ୍ରୀ ଶ୍ରୀମତି ସାହୁଙ୍କ ସଫଳତାରେ ଆଉ ଏକ ପାହାଚ ଯୋଡ଼ି ହୋଇଗଲା। ଗୋଟିଏ ପଟେ ବିରୋଧୀ ଖାଲି ଚା ଖଟିରେ ବସି କେବଳ ଏହି ଉନ୍ନୟନ କାମର ସମୀକ୍ଷା ବୈଠକ କରିବା ସାର ହେଉଥିବା ବେଳେ ବିରୋଧୀଙ୍କୁ କଥାରେ ନୁହେଁ କାମରେ କରି ଦେଖାଉଛନ୍ତି ମନ୍ତ୍ରୀ। ଆଗାମୀ ନିର୍ବାଚନ ପାଇଁ ବିରୋଧୀଙ୍କୁ ମୁଦ୍ଦା ମିଳିବା କଷ୍ଟକର ହୋଇଗଲାଣି।
