କଣ୍ଟାବାଞ୍ଜି ବ୍ୟୁରୋ :(ନରେନ୍ଦ୍ର ନେଗୀ)ଦୀର୍ଘ ବର୍ଷ ରୁ ବନ୍ଦ ପଡ଼ିଥିବା ପ୍ରଧାନମନ୍ତ୍ରୀ ସଡ଼କ କାମ ଇତିମଧ୍ୟରେ ଆରମ୍ଭ ହୋଇଯାଇଛି । ସୂଚନା ଅନୁସାରେ ଆମ ଆଦମୀ ପାର୍ଟି କଣ୍ଟାବାଞ୍ଜି ନିର୍ବାଚନ ମଣ୍ଡଳୀ ର ସଭାପତି ସୁରଥ ବେହେରା ଙ୍କୁ ତୁରେକେଲା ବ୍ଲକ ଢୋଲମାଂଦଲ ପଞ୍ଚାୟତର ଜନସାଧାରଣ ବାହାବଲ ରୁ ଢୋଲମାଂଦଲ ପ୍ରାୟ ୩ କିଲୋମିଟର ରାସ୍ତା କୌଣସି କାରଣରୁ ପ୍ରଧାନମନ୍ତ୍ରୀ ସଡ଼କ କାମ ବନ୍ଦ ହୋଇଯାଇଛି ବୋଲି କହିଥିଲେ ।
ଯେହେତୁ ଏହି ପଞ୍ଚାୟତ କୁ ଗମନାଗମନ ର ବିଶେଷ ସୁବିଧା ନାହିଁ ତେଣୁ ଉକ୍ତ ରାସ୍ତା କାମଟି ସମ୍ପୂର୍ଣ୍ଣ ହେଲେ ଏହି ଗାଁ କୁ ଛାତ୍ର ଛାତ୍ରୀ ମାନେ ପାଠପଢିବା ଆସୁଥିବା ବେଳେ ଯେଉଁ ଅସୁବିଧା ର ସମ୍ମୁଖୀନ ହେଉଛନ୍ତି ତାହା ଦୂର ହେବା ସହ ଲୋକେ ସୁବିଧାରେ ଯାତାୟାତ କରିପାରନ୍ତେ।
ଏ ବାବଦରେ ଆପ୍ ନେତା ଶ୍ରୀ ବେହେରା ରାଜ୍ୟ ସରକାର ଏବଂ କେନ୍ଦ୍ର ସରକାର ଙ୍କ ଦୃଷ୍ଟି ଆକର୍ଷଣ କରିଥିଲେ । ପରେ ବଲାଙ୍ଗୀର ଜିଲ୍ଲାପାଳ ଢୋଲମାଂଦଲ ଗସ୍ତ କରି କାମ ଆରମ୍ଭ କରିବା ପାଇଁ ନିର୍ଦ୍ଦେଶ ଦେଇ ଥିବାରୁ ଏବେ କାମ ଆରମ୍ଭ ହୋଇଛି ବୋଲି ଢୋଲମାଂଦଲ ପଞ୍ଚାୟତ ର ପୂର୍ବତନ ସରପଞ୍ଚ ବିଶ୍ଵାମିତ୍ର ଛତ୍ରିଆ କହିଛନ୍ତି ।
