ଟିଟିଲାଗଡ:(ସଞ୍ଜୟ କୁମାର ନାୟକ)ଦିନକୁ ଦିନ ବଜାରରେ ନୂତନ ଫଳ ତଥା ନୂଆ ନୂଆ ପନିପରିବା ଚାଷୀ ଉତ୍ପାଦନ କରି ବଜାରରେ ବିକ୍ରି କରିବା ସହ ନିଜେ ରୋଜଗାରକ୍ଷମ ହୋଇ ପାରୁଛନ୍ତି। ସେମିତିବି ଇଛା ଶକ୍ତି ଓ ପରିଶ୍ରମ ବଳରେ ସବୁ କିଛି ସମ୍ଭବ ହୋଇ ପାରେ ବୋଲି ପ୍ରମାଣିତ କରିଛନ୍ତି ଟିଟିଲାଗଡ଼ର ଦୁର୍ଯ୍ୟୋଧନ ସାହୁ।
ଟିଟିଲାଗଡ ସର୍ଗିଗୁଡା ନିବାସୀ ଶ୍ରୀ ଦୁର୍ଯ୍ୟୋଧନ ସାହୁ ଗୁଲ୍ମୀ ନିକଟସ୍ଥ ସିଆଲ୍ ଯୁଡ଼ୁଙ୍ଗି ଗ୍ରାମରେ ଥିବା ନିଜର ଦେଢ଼ ଏକର ଜମି ଭିତରୁ ପ୍ରାୟ ଅଧା ଏକର ଜମିରେ ଏକ ବର୍ଷ ପୂର୍ବେ ଡ୍ରେଗନ ଫ୍ରୁଟ ଚାରା ପଡୋଶୀ ରାଜ୍ୟ ୱେଷ୍ଟ ବେଙ୍ଗଲ ଓ ଆସାନସୋଲରୁ ନିଜର ଜମିରେ ଲଗାଇଥିଲେ। ଏବେ ଦୁଇ ମାସ ଲଗାଇଥିବା ଗଛରେ ଫଳ ବାହାରିବାରେ ଲାଗିଛି। ୩୨ ପ୍ରକାର ଡ୍ରେଗାନ ଫ୍ରୁଟ୍ ଗଛ ଥିବା ବେଳେ ତାଙ୍କ ଜମିରେ ଚାରି ପ୍ରକାର ଗଛ ଲଗାଇଛନ୍ତି।
ଡ୍ରେଗନ ଫ୍ରୁଟର ରଙ୍ଗ ଯେପରି ଗୋଲାପି ହୋଇ ସୁନ୍ଦର ଦିଶୁଛି ସେହିପରି ଫଳ ଅତି ସୁସ୍ୱାଦୁ ମଧ୍ୟ ହୋଇଛି। ବଜାରରେ କିଲୋଗ୍ରାମ ପିଛା ୨୫୦ ଟଙ୍କାରୁ ଉର୍ଦ୍ଧ୍ବ ଦରରେ ବିକ୍ରୀ ହେଉଥିବା ବେଳେ ଶ୍ରୀ ସାହୁ ଏହାକୁ ୧୫୦ ଟଙ୍କାରେ ବଜାରରେ ଉପଲବ୍ଧ କରାଉଛନ୍ତି, ଫୋନ କଲେ ହୋମ ଡେଲିଭରି ସୁବିଧା ମଧ୍ଯ ଯୋଗାଉଥିବା ସେ କହିଛନ୍ତି। ନୂତନ ଯୁଗରେ ନୂତନ ପ୍ରଣାଳୀରେ ଏହି ଚାଷ କରି ଏବେ ସଫଳତାର ସ୍ଵାଦ ଚାଖିବା ସହ ନିଜ ଅଞ୍ଚଳରେ କମ ଦରରେ ବିକ୍ରୀ କରିବା ଗ୍ରାହକଙ୍କ ପାଇଁ ଖୁସିର ଖବର।
