ଟିଟିଲାଗଡ଼:(ସଞ୍ଜୟ କୁମାର ନାୟକ)ଟିଟିଲାଗଡ଼ ଉପଖଣ୍ଡରେ ଅବସ୍ଥିତ ପୁରାତନ କୀର୍ତ୍ତିରାଜି ଓ ପର୍ଯ୍ୟଟନସ୍ଥଳୀ କୁମୁଡା ପାହାଡ, ପ୍ରସିଦ୍ଧ ଶୈବପୀଠ ବାବା ଧବଳେଶ୍ଵର ମନ୍ଦିର ଭିତ୍ତିଭୂମିର ଉନ୍ନତିକରଣ ତଥା ସୌନ୍ଦର୍ଯ୍ୟକରଣ କାର୍ଯ୍ୟ ନିମନ୍ତେ ପର୍ଯ୍ୟଟନ ବିଭାଗ ତରଫରୁ ଏକ ବିଶେଷଜ୍ଞ ଦଳ ପରିଦର୍ଶନ କରିଛନ୍ତି । ଏହି ବିଶେଷଜ୍ଞ ମନ୍ଦିର ମୁଖଶାଳା, ମନ୍ଦିର ଚତୁପାର୍ଶ୍ୱରେ ରହିଥିବା ଛୋଟ ଛୋଟ ମନ୍ଦିରର ଉନ୍ନତି, ଧବଳେଶ୍ଵର ମନ୍ଦିର ପରିସରରେ ଆୟୁର୍ବେଦ ଔଷଧୀୟ ବଗିଚା ନିର୍ମାଣ, କୁମୁଡା ପାହାଡ ଉପରେ ଥିବା ପୋଖରୀର ସୌନ୍ଦର୍ଯ୍ୟକରଣ,ମନ୍ଦିର ପାଦଦେଶରେ ଥିବା ପୋଖରୀର ଉନ୍ନତିକରଣ, ପ୍ରମୋଦ ଉଦ୍ୟାନ ନିର୍ମାଣ, ସଂଗ୍ରହାଳୟ ନିର୍ମାଣ, ଦୂରଦୁରାନ୍ତ ରୁ ଆସୁଥିବା ଶ୍ରଦ୍ଧାଳୁଙ୍କ ପାଇଁ ପାନ୍ଥ ନିବାସ ନିର୍ମାଣ ଓ ସୁଲଭ ଶୌଚାଳୟ ନିର୍ମାଣ, ମିଶନ ଶକ୍ତି ତରଫରୁ ଏକ କାଫେ ନିର୍ମାଣ, ପର୍ଯ୍ୟଟନଙ୍କୁ ଆକୃଷ୍ଟ କଲାଭଳି ହେରିଟେଜ ଗ୍ୟାଲେରୀ ନିର୍ମାଣ ପ୍ରଭୃତି ରୂପରେଖା ନିମନ୍ତେ ବାବା ଧବଳେଶ୍ଵର ମନ୍ଦିର ପରିଚାଳନା କମିଟିର ସଭାପତି ଏବଂ ସଦସ୍ୟମାନେ ବିଶେଷଜ୍ଞ ଦଳ ସହ ପୁଙ୍ଖାନୁପୁଙ୍ଗ ଭାବେ ଆଲୋଚନା କରିଥିଲେ ।
ଏହି ବିଶେଷଜ୍ଞ ଦଳରେ ଥିଲେ ଶ୍ରୀ ରବୀନ୍ଦ୍ର କୁମାର ଦଳାଇ, ସହକାରୀ ନିର୍ଦ୍ଦେଶକ, ପର୍ଯ୍ୟଟନ ବିଭାଗ, ଶ୍ରୀ ସତ୍ୟମ ପଲାଇ, ପି.ଏମ.ୟୁ. ପର୍ଯ୍ୟଟନ ବିଭାଗ, ଭୁବନେଶ୍ଵର, ଶ୍ରୀ ବିଶ୍ଵଜିତ ମହାରଣା, କନିଷ୍ଠ ଯନ୍ତ୍ରୀ, ଓଟିଡ଼ିସି, ଓଡିଶା ଏବଂ ବାବା ଧବଳେଶ୍ଵର ମନ୍ଦିର କମିଟିର ସଭାପତି ତଥା ଉପଜିଲ୍ଲାପାଳ ଶ୍ରୀ ଦୟାମୟ ପାଢୀ, ଶ୍ରୀ ବିପିନ ବିହାରୀ ଦୀପ, ନିର୍ବାହୀ ଅଧିକାରୀ, ପୌରପରିଷଦ, ଟିଟିଲାଗଡ, ଶ୍ରୀ ଲିଙ୍ଗରାଜ ଭୋଇ, ରେଞ୍ଜ ଅଧିକାରୀ, ବନ ବିଭାଗ, ଟିଟିଲାଗଡ, ଶ୍ରୀ ରାଜେନ୍ଦ୍ର ନାରାୟଣ ମିଶ୍ର, ଶ୍ରୀ ଅରୁଣ ମିଶ୍ର, ଶ୍ରୀ ଅଲେଖ ଦଳବେହେରା, ଶ୍ରୀ ସଂଜୀବ କୁମାର ପାଢୀ, ଶ୍ରୀ ମାନସ ରଞ୍ଜନ ମହାନ୍ତି, ଶ୍ରୀ ଅଶୋକ ତ୍ରିପାଠୀ, ଶ୍ରୀ ସୀତାରାମ ସାହୁ, ଶ୍ରୀ ତ୍ରିନାଥ ସରାଫ, ଶ୍ରୀ ପ୍ରେମଚାନ୍ଦ ଜୈନ, ଶ୍ରୀ ସୀତାରାମ ସାହୁ, ଶ୍ରୀ ଧବଳେଶ୍ଵର ଦଳବେହେରା, ଶ୍ରୀ କମଳା କାନ୍ତ ସାହୁ, ଶ୍ରୀ ଅଶୋକ ପାଢୀ, ଶ୍ରୀ ପଙ୍କଜ ଅଗ୍ରୱାଲ, ଶ୍ରୀ ସୁରେନ୍ଦ୍ର କୁମାର ସାହୁ, ଶ୍ରୀ ପଞ୍ଚା ପାଢୀ, ଶ୍ରୀ ସୁନୀଲ କୁମାର ପଣ୍ଡା, ଶ୍ରୀ ଅରୁଣ ବାଗ, ଶ୍ରୀ ଭୂପତି ବାରିକ, ଶ୍ରୀ ଦୁର୍ଯ୍ୟଧନ ସାହୁ କର୍ମକର୍ତ୍ତା ପ୍ରମୁଖ ଅଂଶଗ୍ରହଣ କରିଥିଲେ ।
