କେନ୍ଦୁଝର :ବଡବିଲ ସୁପର୍ ଲିଗ୍ ର ପ୍ରଥମ ସଂସ୍କରଣ ପାଇଁ ମ୍ୟାଚ ଆରମ୍ଭ ହୋଇଛି l ମ୍ୟାଚର ପ୍ରଥମ ଦିନ ଆରଏସିସି ଓ ୱାଇବିସିସି ରଣା ରେଞ୍ଜର ମଧ୍ୟରେ ଅନୁଷ୍ଠିତ ହୋଇଥିଲା l ଟୁର୍ଣ୍ଣାମେଣ୍ଟ ର ଉଦଘାଟନୀ ଉତ୍ସବରେ ମାଇନିଂ ଏରିଆ କ୍ରିକେଟ ଆସୋସିଏସନ (ମାକା) ର ଚେୟାରମ୍ଯାନ ଲାଲଟୁ ମହାନ୍ତ ମୁଖ୍ୟ ଅତିଥି, ସମ୍ମାନୀୟ ଅତିଥି ବଳଦେବ ସିଂ, ମକା ପ୍ରେସିଡେଣ୍ଟ ଲଛମନ ମହାନ୍ତ, ଭାଇସ ପ୍ରେସିଡେଣ୍ଟ ବିକାଶ ସାରୋଗୀ, ସମ୍ପାଦକ ସୁନୀଲ ସିହ୍ନା ଓ କୋଷାଧ୍ୟକ୍ଷ ଶ୍ରୀକାନ୍ତ ସାହୁ ପ୍ରମୁଖ ଉପସ୍ଥିତ ଥିଲେ l ଅମ୍ପାୟାର ସୁନୀଲ ଗୁପ୍ତା ଓ ଅବତାର ସିଂ ଖେଳ ପରିଚାଳନାରେ କରିଛନ୍ତି l
ୱାଇବିସିସି ରଣା ରେଞ୍ଜର ଟୋସ୍ ଜିତି ପ୍ରଥମେ କ୍ଷେତ୍ର୍ ରକ୍ଷଣ କରିବାକୁ ନିର୍ଣ୍ଣୟ ନେଇଥିଲେ l ଆରଏସିସି ପ୍ରଥମେ ବ୍ୟାଟିଂ କରି 15 ଓଭର ରେ 6 ୱିକେଟ ହରାଇ 146 ରନ୍ କରିବାରେ ସମର୍ଥ ହୋଇଥିଲା l ୱାଇବିସିସି ରଣା ରେଞ୍ଜର 147 ରନ୍ ଲକ୍ଷ ରଖି 15 ଓଭରରେ 9 ୱିକେଟ ହରାଇ 132 ରନ୍ କରିବାରେ ସକ୍ଷମ ହୋଇଥିଲେ l ଆରଏସିସି 14 ରନ୍ ବ୍ୟବଧାନରେ ୱାଇବିସିସି ରଣା ରେଞ୍ଜର କୁ ପରାସ୍ତ କରିଛି l ଆରଏସିସି ର ଅମିତ୍ ଜୁଏଡ 30 ବଲ ରୁ 91 ରନ୍ କରିଥିବାରୁ ମ୍ୟାନ୍ ଅଫ ଦି ମ୍ୟାଚ ଘୋଷାଣ କରାଯାଇଥିଲା l
