ବୌଦ୍ଧ:(ଚିତ୍ତରଞ୍ଜନ ସିଂହ )ଉପାନ୍ତ ଅଞ୍ଚଳ କୁହାଯାଉଥିବା ହରଭଙ୍ଗା ବ୍ଲକର ମହାଳିକପଡା ପଞ୍ଚାୟତ ନୂଆପଡା ଗ୍ରାମକୁ ବର୍ଷା ଦିନେ ଯିବାକୁ ହେଲେ ବାଧକ ସାଜିଥାଏ ଅସମ୍ପୂର୍ଣ୍ଣ ପୋଲ l କେବଳ ଏଥିପାଇଁ ଜନସାଧାରଣ ହିଁ ଅସୁବିଧା ରେ ସମ୍ମୁଖୀନ ହେଉଥିବେ ତାହା ନୁହେଁ ବର୍ଷା ଦିନ ରେ ଅଳ୍ପ ଟିକିଏ ବର୍ଷା ହେଲେ ପାହାଡ଼ ପର୍ବତ ର ପାଣି ନାଳରେ ମାଡି ଆସିଥାଏ ଯାହାକି ଉକ୍ତ ଗ୍ରାମର ପିଲାମାନେ ବିଦ୍ୟାଳୟ କୁ ଯିବା ପୁରା ବନ୍ଦ ହୋଇଥାଏ l ବେଳେ ବେଳେ ବିପଦ ଅବସ୍ଥାରେ ନାଳ ଅତିକ୍ରମ କରି ଯିବାକୁ ପଡ଼େ ବୋଲି ଅଭିଭାବକ ମାନେ ପ୍ରକାଶ କରନ୍ତି।
ସେହିପରି ଗତବର୍ଷ ଲଗାଣ ବର୍ଷା ରେ ଗ୍ରାମର ଏକ ଲୋକ ଭାସି ଯାଇ ମୃତ୍ୟୁ ବରଣ କରିଥିବା ଗ୍ରାମବାସୀ କହନ୍ତି l ସୂଚନା ଥାଉକି ଗ୍ରାମକୁ ଯିବାକୁ ହେଲେ ଉକ୍ତ ନାଳ ବାଧକ ସାଜୁଥିବାରୁ୨୦୦୯ ମସିହା ରେ ୧୦ ଲକ୍ଷ୍ ଟଙ୍କା ଅନୁଦାନ ରାଶି ପୋଲ ନିର୍ମାଣ ପାଇଁ ପ୍ରଶାସନ ପକ୍ଷରୁ ଯୋଗାଇ ଦିଆଯାଇଥିଲା l କିନ୍ତୁ ଠିକାଦାର ଓ ଯନ୍ତ୍ରୀ ମାଲେମାଲ ହୋଇ ସରକାରୀ ଅର୍ଥ କୁ ବାଟ ମାରଣ କରି ପୋଲ କାମ ସମ୍ପୂର୍ଣ କାର୍ଯ୍ୟ ନକରି ତାହା ଅସମ୍ପୂର୍ଣ୍ଣ ଭାବେ ଛାଡି ଦେଇଥିବା ବେଳେ ଆଜି ପର୍ଯ୍ୟନ୍ତ ପଡି ରହିଛି l
ଏପରିକି ଉକ୍ତ ପୋଲ ର ସମ୍ପୂର୍ଣ ପାଇଁ ଗ୍ରାମବାସୀ ବହୁ ଥର ପ୍ରଶାସନ ଆଗରେ ଗୁହାରି କରିଛନ୍ତି l କିନ୍ତୁ କୌଣସି ସୁଫଳ ମିଳି ପାରିନାହିଁ l ଯାହାକି ବର୍ଷା ଦିନ ଆସିଗଲେ ଗ୍ରାମବାସୀ ମାନେ ବିଭିନ୍ନ କ୍ଷେତ୍ର ରେ ସମସ୍ୟା ସମ୍ମୁଖୀନ ହେଉଥିବା ବେଳେ ଛାତ୍ର ଛାତ୍ରୀଙ୍କ ବିଦ୍ୟାଳୟ ଯିବା ଏକ ପ୍ରକାର ଠପ ହୋଇଯାଏ l ତେଣୁ ଅସମ୍ପୂର୍ଣ୍ଣ ପୋଲ କୁ ସମ୍ପୂର୍ଣ୍ଣ କାମ କରିବାକୁ ଗ୍ରାମର ମହେନ୍ଦ୍ର ନାଏକ, ବଜେନ୍ଦ୍ର ଗୁରୁ,ପ୍ରଦୀପ ଗୁରୁ ୱର୍ଡମେମ୍ବର, ବିଜୟ ନାଏକ, ପ୍ରମୁଖ ଅଭିଯୋଗ କରିଛନ୍ତି l
