ପୋଖରୀ ଆୟତନ ଅନୁସାରେ ଅନୁଦାନ ରାଶି ଅଧିକ
ହରଭଙ୍ଗା: ୩/୭ (ଚିତ୍ତରଞ୍ଜନ ସିଂହ ) ସରକାର ଗ୍ରାମଞ୍ଚଳର ରାସ୍ତା, ଘାଟ, ପୋଖରୀ ଆଦି ବିଭିନ୍ନ ବିକାଶ କାର୍ଯ୍ୟ ର ଉନ୍ନତି ପାଇଁ ବିଭିନ୍ନ ଯୋଜନା ରେ ଅର୍ଥ ଯୋଗାଉଛନ୍ତି l କିନ୍ତୁ ଉକ୍ତ ଯୋଜନା ର ଅନୁଦାନ ରାଶି ଗୁଡିକ ତୃଣ ମୂଳ ସ୍ତର ରେ ବିଭିନ୍ନ ତରିକାରେ ହେର ଫେର ହେଇଥିବା ବେଳେ ଏଥିପ୍ରତି ନୀରବ ଦ୍ରଷ୍ଟା ସାଜିଛି ବ୍ଲକ ପ୍ରଶାସନ l ନା ଜାଣିଶୁଣି ଜ୍ଞ୍ୟାତ ସାର ରେ ଏଭଳି ଯୋଜନା ର ଅର୍ଥ ବାଟ ମାରାଣ ହେଉଛି ବୋଲି ସାଧରଣ ରେ ଏକ ଅଭିଯୋଗ ହେଉଛି l
ସୂଚନା ଥାଉକି ବ୍ଲକର ବାଣୀଭୂଷଣ ପୁର ପଞ୍ଚାୟତ ସିଙ୍ଗାଣିବିଡା ଗ୍ରାମ ରେ ଥିବା ଛୋଟ ଆୟତନ ବିଶିଷ୍ଟ ପୋଖରୀ କୁ ଉନ୍ନତି କରଣ ପାଇଁ ଚଳିତ ବର୍ଷ ଏମଜି ଏନ ଆର ଜି ଏସ ଅନୁଦାନ ରୁ୫ ଲକ୍ଷ୍ ଟଙ୍କା ଯୋଗାଇ ଦିଆଯାଇଥିଲା l ଉକ୍ତ ପ୍ରକଳ୍ପ ର ଯେଣୁ ତେଣୁ କାର୍ଯ୍ୟ ସାରି ବର୍ତମାନ ପର୍ଯ୍ୟନ୍ତ ୪ ଲକ୍ଷ୍ ୬୦ ହଜାର ଟଙ୍କା ମଞ୍ଜୁର ହୋଇଥିବା ବେଳେ ଅନଲାଇନ ରିପୋର୍ଟ ରେ ଉକ୍ତ ପ୍ରକଳ୍ପ ଟି ତ୍ୱରାନ୍ୱିତ ଦେଖାଉଥିବା ଏବଂ ଉକ୍ତ ପ୍ରକଳ୍ପ ଶେଷ ନହେବା ପୂର୍ବରୁ ପୁନର୍ବାର ପୋଖରୀ ର ଉନ୍ନତି କରଣ ପାଇଁ ସରକାର ଙ୍କ ଏସ ଏଫ ସି ଫଣ୍ଡ ରୁ ୧୦ ଲକ୍ଷ୍ ଟଙ୍କା ର ଅନୁଦାନ ଯୋଗାଇ ଦିଆଯାଇଛି l
ଯାହାକି ଗୋଟେ ପୋଖରୀ ରେ ଗୋଟିଏ ପ୍ରକଳ୍ପ ର କାର୍ଯ୍ୟ ନସରିବା ପୂର୍ବରୁ ଆଉ ଗୋଟେ ପ୍ରକଳ୍ପ ର ଅନୁଦାନ ରାଶି ସେହି ସମାନ କାମ ପାଇଁ କିପରି ଯୋଗାଇ ଦିଆଯାଉଛି ବୋଲି ସାଧରଣ ରେ ପ୍ରଶାସନ ର ସ୍ୱଚ୍ଛତା କାର୍ଯ୍ୟ ପାଇଁ ଏକ ପ୍ରଶ୍ନ ବାଚୀ ସୃଷ୍ଟି କରୁଛି l ଏପରିକି ଉକ୍ତ ପୋଖରୀ କାର୍ଯ୍ୟ ର କେତେଟଙ୍କା କେଉଁ ଅନୁଦାନ ରୁ କାର୍ଯ୍ୟ ହେଉଛି ସୂଚନା ଫଳକ ନଥିବାରୁ ଗ୍ରାମବାସୀ ଙ୍କୁ ଅନ୍ଧାର ରେ ରଖି ଜି ଆରଏସ ଠୁ ଆରମ୍ଭ କରି ଯନ୍ତ୍ରୀ, ଠିକାଦାର ସରକାରୀ ଅର୍ଥ ବାଟ ମାରଣା ରେ ଏକ ପ୍ରକାର ତରିକା ଆପେଣେଇ ଥିବା ସାଧରଣ ରେ ଚର୍ଚ୍ଚା ହେଉଛି l
ତେଣୁ ଉକ୍ତ ପୋଖରୀ ର ଆୟତନ କୁ ଦେଖିଲା ବେଳକୁ ଦୁଇଟି ପ୍ରକଳ୍ପ ର ସମାନ କାର୍ଯ୍ୟ ପାଇଁ ୧୫ ଲକ୍ଷ୍ ଟଙ୍କା ଅନୁଦାନ ରାଶି ଅଧିକ ହେଉଥିବା ବେଳେ ସରକାରୀ ଅର୍ଥ କୁ ବାଟ ମାରଣ ପାଇଁ ଏକ ଖୋରାକ ଯୋଗାଉଛି ବୋଲି କୁହାଯାଉଛି l ଏସମ୍ପର୍କ ରେ ହରଭଙ୍ଗା ବିଡ଼ିଓ ସ୍ୱପ୍ପନିତା ନାଏକ ଙ୍କୁ ବାରମ୍ବାର ଯୋଗାଯୋଗ କରିଥିଲେ ମଧ୍ୟ କୌଣସି ପ୍ରତିକ୍ରିୟା ମିଳିପାରି ନଥିବା ବେଳେ ଉକ୍ତ ପୋଖରୀ କାର୍ଯ୍ୟ ର ସଠିକ ତଦାରଖ ଓ ସୂଚନା ଫଳକ ଲଗାଇବାକୁ ସାଧାରଣ ରେ ଦାବି ହେଉଛି l
