ହରଭଙ୍ଗା:(ଚିତ୍ତରଞ୍ଜନ ସିଂହ)ବୌଦ୍ଧ ଜିଲ୍ଲା ପୁରୁଣା କଟକ ଥାନା ଝାଡ଼ରାଜିଙ୍ଗ ଗ୍ରାମର ଜଙ୍ଗଲ ମଧ୍ୟରୁ ବୁଧବାର ଦିନ ହରଭଙ୍ଗା ଅବକାରୀ ଚଢ଼ାଉ କରି ମହୁଲ ପୋଚ, ଓ ଦେଶୀ ମଦ ଜବତ କରିଥିବା ବିଭାଗ ପକ୍ଷରୁ ଜଣାପଡିଛି l ମିଳିଥିବା ସୂଚନା ମତେ କୌଣସି ବିଶେଷ ସୂତ୍ର ରୁ ଖବର ପାଇ ହରଭଙ୍ଗା ଅବକାରୀ ଇନ୍ସପେକ୍ଟର ଅଞ୍ଜନ କୁମାର ଜେନା ଙ୍କ ନେତୃତ୍ୱ ରେ ଝାଡ଼ରାଜିଙ୍ଗ ଜଙ୍ଗଲ ଭିତରୁ ଦେଶୀ ମହୁଲ ପ୍ରସ୍ତୁତ ହେଉଥିବା ସ୍ଥାନକୁ ପହଁଚି ୭୦୦ ଲିଟର ମହୁଲ ପୋଚ ଓ ୨୨ ଲିଟର ଦେଶୀ ମଦ ଜବତ କରିଥିଲା l
କିନ୍ତୁ ଘଟଣା ସ୍ଥଳରୁ କୌଣସି ବ୍ୟକ୍ତି ଙ୍କୁ ଅବକାରୀ ଧରିନଥିବା ବେଳେ ମଦ ପାଇଁ ପ୍ରସ୍ତୁତି କରାଯାଉଥିବା ଆସାଵପାତ୍ର, ଡ୍ରମ, ମହୁଲ ପୋଚ, ମଦ ଜବତ କରି କେଶ ନମ୍ବର ୩୯/୨୩ ରେ ଏକ ମାମଲା ରୁଜୁ ହୋଇଥିବା ଜଣାପଡିଛି l ଏହି ଚଢ଼ାଉ ସମୟ ରେ ଅବକାରୀ ଇନ୍ସପେକ୍ଟର ଜେନା ଙ୍କ ସହ ଏ ଏସ ଆଇ ପବିତ୍ର ଜଗଦେବ,କନଷ୍ଟେବଲ ପ୍ରଫୁଲ ଭୋକ୍ତା,ସୁଜିତ ସାହୁ ପ୍ରମୁଖ ସାମିଲ ଥିଲେ l
