ଟିଟିଲାଗଡ଼:(ସଞ୍ଜୟ କୁମାର ନାୟକ)ଜଗତର ନାଥ ପ୍ରଭୁ ଜଗନ୍ନାଥ, ମା ସୁଭଦ୍ରା, ବଡ଼ ଭାଇ ବଳଭଦ୍ରଙ୍କୁ ଶ୍ରୀ ଶ୍ରୀ ଦଧିବାମନ ମହାପ୍ରଭୁ ଓ ଶ୍ରୀ ଶ୍ରୀ ଧବଳେଶ୍ବର ଟ୍ରଷ୍ଟ ପକ୍ଷରୁ ଚଳିତ ବର୍ଷ ଘୋଷଯାତ୍ରା ଅନୁଷ୍ଠିତ ହୋଇଯାଇଅଛି। ପ୍ରଥମେ ମନ୍ଦିରରୁ ତିନି ଠାକୁରଙ୍କୁ ପହଣ୍ଡି ବିଜେ କରି ରଥ ଉପରକୁ ଆଣିଥିଲେ ସେବାୟତ। ତିନି ଠାକୁର ବିରାଜ ମାନ ହେବା ପରେ ଆରମ୍ଭ ହୋଇଥିଲା ରଥଟଣା। ରଥ ଟାଣିବା ପାଇଁ ଭକ୍ତ ମାନଙ୍କ ଖୁସି କହିଲେ ନ ସରେ,ରଥଯାତ୍ରା ଦେଖିବା ପାଇଁ ଲୋକଙ୍କ ପ୍ରବଳ ଭିଡ଼ ପରିଲକ୍ଷିତ ହୋଇଥିଲା।
ଶୃଙ୍ଖଳିତ ଭାବେ ଏହି ଘୋଷ ଯାତ୍ରା ସମ୍ପନ୍ନ କରିବା ପାଇଁ ବ୍ୟାପକ ପୋଲିସ ମୁତୟନ ହୋଇଥିବା ସହ ଉପଜିଲ୍ଲାପାଳ ଶ୍ରୀଯୁକ୍ତ ଦୟାମୟ ପାଢୀ ନିଜେ ପହଣ୍ଡି ବିଜେ ଠାରୁ ରଥ ଟଣା ସମ୍ପୂର୍ଣ ଯାଏଁ ରଥ ଉପରେ ଉପସ୍ଥିତ ଥିଲେ। ସହରର ବିଭିନ୍ନ ଅନୁଷ୍ଠାନ ପକ୍ଷରୁ ଶ୍ରଦ୍ଧାଳୁଙ୍କ ନିମନ୍ତେ ପ୍ରସାଦ ବଣ୍ଟନ କରାଯାଇଥିଲା।
ମାରୱାଡ଼ି ଯୁବା ମଞ୍ଚ ପକ୍ଷରୁ ଗଜା ଓ ଦହି ଛାଞ୍ଚ, ମାରୱାଡ଼ି ଯୁବା ମଞ୍ଚ ସେଣ୍ଟ୍ରାଲ ଶାଖା ତରଫରୁ ଅର୍ଣ୍ଣ ଭୋଗ ଓ ତରକାରୀ, ଦର୍ଜି ପରିବାର ପକ୍ଷରୁ କିଛି ଲୋକଙ୍କ ସ୍ମୃତିରେ ଛୁଆ ମାନଙ୍କ ପାଇଁ ବିସ୍କୁଟ ଓ କୁର କୁରେ, ଶେଷ ସାହୁଙ୍କ ଦ୍ବାରା ପାନୀୟ ଜଳ ବଣ୍ଟନ କରାଯାଇଥିଲା।
ଘୋଷ ଯାତ୍ରା ପରିଚାଳନା କମିଟିର ସଦସ୍ୟ ଏବଂ ସେବାୟତଙ୍କ ଦ୍ବାରା ସମସ୍ତ ବ୍ୟବସ୍ଥା କରାଯାଇଥିଲା।ସେହିପରି ଏସଡିପିଓ ଶ୍ରୀମତୀ ଅଙ୍କିତା କୁମ୍ଭାର, ତହସିଲଦାର ଡ ଲଳିତ ବାଗ, ଲୋକ ସମ୍ପର୍କ ସୁଚନା ଅଧିକାରୀ ଶ୍ରୀ ରାଜେନ୍ଦ୍ର ମାଝି, ଥାନାଧିକାରୀ ମନୋଜ ପ୍ରଧାନ ଏବଂ ବହୁତ ପୋଲିସ ବଳ ଉପସ୍ଥିତ ଥିଲେ। ଜଗନ୍ନାଥ ମନ୍ଦିର ଠାରୁ ରଥ ଟଣା ହୋଇ ପୁରୁଣା ବ୍ୟାଙ୍କ ଛକ ଯାଏଁ ରଥ ଗଡ଼ି ଥିଲା, ସେଠାରେ ରଥ ରହିବା ପରେ ବହୁତ ଭକ୍ତ ସେଠାକୁ ଯାଇ ଦର୍ଶନ ଲାଭ କରିବାର ସୌଭାଗ୍ୟ ଅର୍ଜନ କରିଛନ୍ତି।
