ଟିଟିଲାଗଡ଼:(ସଞ୍ଜୟ କୁମାର ନାୟକ)ଗତକାଲି ରାତିରେ ହୋଇଥିଲା ଝଡ ବର୍ଷା ଆଉ ବର୍ଷାରେ ଛିଣ୍ଡିପଡିଥିଲା ବିଦ୍ଯୁତ ତାର ଆଉ ସେହି ତାର ପାଇଁ ଜଣେ ୧୨ ବର୍ଷ ବାଳକ ଶକ୍ତି ସୁନାଙ୍କ ଚାଲିଯାଇଛି ଜୀବନ। ଘଟଣାଟି ଘଟିଛି ଟିଟିଲାଗଡ଼ ଥାନା ଅନ୍ତର୍ଗତ ମୁରିବାହାଲ ବ୍ଲକ ଅନ୍ତର୍ଗତ ଭୁଷଲାର୍ଡ ଗ୍ରାମରେ। ମିଳିଥିବା ସୂଚନା ଅନୁସାରେ ଶକ୍ତିଙ୍କ ବାପା ମାଁ ବାହାର ରାଜ୍ଯକୁ ଯାଇଛନ୍ତି ଦାଦାନ ଖଟି। ଶକ୍ତି ନିଜ ବଡ ଭଉଣୀଙ୍କ ସହ ଗାଁ ରେ ରହୁଥିଲେ।
ନିଜ ପଡୋଶି ଘର ବାଡିକୁ ପାଣି ମଟର ପାଇଁ ଯାଇଥିବା ବିଦ୍ଯୁତ ତାର ଗତ କାଲି ରାତିରେ ହୋଇଥିବା ଝଡ ବର୍ଷାରେ ଛିଣ୍ଡିପଡିଥିଲା ଫଳରେ ଆଜି ଭୋରରୁ ଉଠି ଶକ୍ତି ପରିସ୍ରା କରିବା ପାଇଁ ବାହାରକୁ ବାହାରି ଥିବା ବେଳେ ଉକ୍ତ ତାରର ସଂସ୍ପର୍ଶରେ ଆସି ଚେତାଶୂନ୍ଯ ହୋଇ ପଡିଯାଇଥିଲେ ପରେ ତାଙ୍କୁ ତାଙ୍କ ଖୁଡି ଦେଖି ଚିତ୍କାର କରି ସମସ୍ତଙ୍କୁ ଡାକିବା ସହ ଟିଟିଲାଗଡ ଡାକ୍ତରଖାନାକୁ ନିଆ ଯାଇଥିଲା। ସେଠାରେ ଡାକ୍ତର ମୃତ ଘୋଷଣା କରିଥିଲେ, ତେବେ ଦୁନିଆ ଦେଖିବା ଆଗରୁ ନିଷ୍ପାପ ବାଳକଟି ଆଖିବୁଜି ଦେଇଥିବାରୁ ତାଙ୍କ ଗାଁ ରେ ଶୋକାକୂଳ ପରିବେଶ ସୂଷ୍ଟି ହୋଇଛି ।
