ଯାଜପୁର :ପବିତ୍ର ସାବିତ୍ରୀ ବ୍ରତ ରେ ସଧବା ନାରୀ ଙ୍କ ପାଇଁ ସ୍ୱତନ୍ତ୍ର ଦିନ ଟିଏ। ଏଥିପାଇଁ ଯାଜପୁରର ଅଧିଷ୍ଠାତ୍ରୀ ଦେବୀ ମା ବିରଜା ମନ୍ଦୀରରେ ଶ୍ରଦ୍ଧାଳୁଙ୍କ ପ୍ରବଳ ଭିଡ ଦେଖିବାକୁ ମିଳିଛି ।
ମା ବିରଜା ସାବିତ୍ରୀ ବେଶ ରେ ଦର୍ଶନ ଦେଇଥିଲେ । ବଢି ଭୋର ରୁ ମା ଙ୍କ ସ୍ୱତନ୍ତ୍ର ନୀତିକାନ୍ତି ସମ୍ପନ୍ନ ହୋଇଛି।ଦିନରେ ସଧବା ନାରୀ ମାନେ ବ୍ରତ ପାଳନ କଲେ ପତି ପରମେଶ୍ୱରଙ୍କର ଦୀର୍ଘାୟୁ ହେବାର ବିଶ୍ୱାସ ରହିଛି ।
ସେଥିପାଇଁ ସକାଳୁ ମହିଳା ମାନେ ନୂତନ ଶାଢ଼ି ପିନ୍ଧି,ହାତରେ ଭୋଗ ଦୀପ ନୈବେଦ୍ୟ ନେଇ ମାଙ୍କ ଦର୍ଶନ ପାଇଁ ଘଂଟା ଘଂଟା ଧରି ଧାଡିରେ ଛିଡା ହୋଇଥିଲେ । ପ୍ରବଳ ଖରା ସତ୍ତ୍ୱେ ଶ୍ରଦ୍ଧାଳୁ ମାନେ ମା ଙ୍କୁ ଦର୍ଶନ ପାଇଁ ଲମ୍ବା ଧାଡି ରେ ଠିଆ ହୋଇଥିଲେ । ଏଥିପାଇଁ ଶ୍ରଦ୍ଧାଳୁଙ୍କ ଶୃଙ୍ଖଳିତ ଦର୍ଶନ ପାଇଁ ମନ୍ଦିର ଓ ପୋଲିସ ପ୍ରଶାସନ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଥିଲା ।
