ଟିଟିଲାଗଡ଼:(ସଞ୍ଜୟ କୁମାର ନାୟକ)ରାଜ୍ୟପାଳ ପୁରସ୍କୃତ ଅବସରପ୍ରାପ୍ତ ଶିକ୍ଷକ ତଥା ଶିଶୁ ସାହିତ୍ୟକ ଶ୍ରୀଯୁକ୍ତ ବୃନ୍ଦାବନ କୁମ୍ଭାର ପିଲାଙ୍କ ନିମନ୍ତେ ଭ୍ରାମ୍ୟମାଣ ପାଠାଗାର ଦୀର୍ଘ ବର୍ଷ ହେଲା ଆୟୋଜନ କରିଆସୁଛନ୍ତି। ଶ୍ରୀ କୁମ୍ଭାର ବିଭିନ୍ନ ବିଷୟରେ ଶିକ୍ଷା ଦାନ କାର୍ଯ୍ୟକ୍ରମ ଏହି ପାଠାଗାର ମାଧ୍ୟମରେ ଅନୁଷ୍ଠିତ କରାଇଥାନ୍ତି।
ଏହି ପରିପ୍ରେକ୍ଷୀରେ ଟିଟିଲାଗଡ଼ ବ୍ଲକ ଚାଣ୍ଟି ପଲା ଗ୍ରାମରେ ପିଲାଙ୍କ ନିକଟରେ ଆଜି ବିଦ୍ୟା ଶ୍ରୀ ଭ୍ରାମ୍ୟମାଣ ପାଠାଗାର ପହଞ୍ଚି ଥିଲା, ଏଥିରେ ପ୍ରଥମରୁ ଦଶମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ। ଗାଁର ତାଲିମ ପ୍ରାପ୍ତ ଯୁବକ ଯୁବତୀ ମାନେ ପିଲାମାନଙ୍କୁ ଶିକ୍ଷା ଦାନ କରିଥିଲେ। ସେମାନଙ୍କ ମଧ୍ୟରୁ ମଞ୍ଜୁ ମହାନନ୍ଦ, ରଂଜନ ହରପାଲ,ପାୟଲ ଛତରଙ୍କ ଭୂମିକା ସ୍ୱତନ୍ତ୍ର ଥିଲା। କାର୍ଯ୍ୟ କ୍ରମକୁ ପାଠାଗାରର ଆବାହକ ବୃନ୍ଦାବନ କୁମ୍ଭାର ପରିଚାଳନା କରିଥିଲେ।
