ଧର୍ମଗଡ:୧୫/୫(ହେମନ୍ତ କୁମାର ମାଝୀ)ଆଜି ଭୋର ସମୟରେ ଧର୍ମଗଡ ସହରାଞ୍ଚଳ ଦେଈ ଯାଇଥିବା ବିଜୁ ଏକ୍ସପ୍ରେସ ରାସ୍ତା କଡ ରୁ ଦୁଇ ଜଣ ସନ୍ଦିଗ୍ଧ ଲୁଟେରା ଙ୍କୁ ଭୀମ ଖୋଜ ପଡ଼ା ବାସୀ କାବୁ କରି ସ୍ଥାନୀୟ ପୁଲିସ କୁ ଜିମା ଦେଇଛନ୍ତି।ମିଳିଥିବା ସୂଚନା ଅନୁଯାୟୀ ଆଜି ଭୋର ସମୟରେ ଭିମଖୋଜ ପଡ଼ା ର ଜନୈକ ମହିଳା ଶୌଚ ପାଇଁ ଯାଇଥିବା ବେଳେ ଦୁଇ ଜଣ ଯୁବକ ମହିଳା ଙ୍କ ନିକଟ କୁ ଯାଇ ଥିଲେ । ଅଜଣା ଯୁବକ ଙ୍କୁ ଦେଖି ମହିଲା ଜଣକ ଚିତ୍କାର କରିବାରୁ ପଡ଼ା ର ଲୋକ ମାନେ ଦଉଡ଼ି ଯାଇ ଦୁଇ ଜଣ ଯୁବକ ଙ୍କୁ କାବୁ କରିଥିବା ବେଳେ ଜଣେ ଯୁବକ ଫେରାର ମାରିଥିଲେ ।
ପରେ ସ୍ଥାନୀୟ ପୁଲିସ କୁ ଖବର ଦେବା ସହ ଯୁବକ ଦ୍ବୟ ଙ୍କୁ ପୁଲିସ ଜିମା ଦେଇଥିଲେ । ଯୁବକ ଦ୍ବୟ ହେଲେ ପଡ଼ୋଶୀ ଛତିଶ ଗଡ଼ ରାଜ୍ୟ ଦେଭୋଗ ଥାନା ଅନ୍ତର୍ଗତ କେଣ୍ଟ ପଦର ଗ୍ରାମ ର କୁଞ୍ଜଲ ନାଗେଶ (୨୬ ବର୍ଷ) ଓ ହେମନ୍ତ ନେତମ (୨୭ ବର୍ଷ) l ତେବେ ଦେଭୋଗ ଥାନା ରେ ଉପରୋକ୍ତ ଅଭିଯୁକ୍ତ ଙ୍କ ବିରୋଧରେ ମାମଲା ରୁଜୁ ହୋଇଥିବାରୁ ସେମାନଙ୍କୁ ଛତିଶ ଗଡ଼ ପୁଲିସ କୁ ହସ୍ତାନ୍ତର କରା ଯାଇଥିବା ଧର୍ମଗଡ ପୁଲିସ ପକ୍ଷ ରୁ ସୂଚନା ଦିଆ ଯାଇଛି ।
