ଭବାନୀପାଟଣା ବ୍ୟୁରୋ :(ନରେନ୍ଦ୍ର ନେଗୀ)ସମିତି ବୈଠକ କୁ ବାତିଲ କରିଥିଲେ।ଏବେ ବ୍ଳକ ର ସମସ୍ତ ସମିତି ସଭ୍ୟ ଙ୍କ ବୈଠକ ବର୍ଜନ ନେଇ ରାଜନୀତି ଜୋର ଧରିଲାଣି।ପଞ୍ଚାୟତ ସମିତି ବୈଠକରେ ମୁଖ୍ୟ ଅତିଥି ଭାବେ ଯୋଗ ଦେଇଥିବା ଜୟପୁର ବିଧାୟକ ତାରାପ୍ରସାଦ ବାହିନୀପତି କହିଥିଲେ ଯେ ନିର୍ବାଚିତ ବ୍ଳକ ଅଧ୍ୟକ୍ଷା ଓ ଉପାଧ୍ୟକ୍ଷ ବିଜେଡ଼ି ସମର୍ଥିତ।
ଏଣୁ ସେମାନଙ୍କ ଭାଗ ବଣ୍ଟା ନ ହେବା ଯୋଗୁଁ ସେମାନେ ସମିତି ବୈଠକ କୁ ଆସିଲେ ନାହିଁ।ଆଜି ବ୍ଳକ ଅଧ୍ୟକ୍ଷା ଦୀପ୍ତିମୟୀ ନାୟକ , ଉପାଧ୍ୟକ୍ଷ ରାଧାକାନ୍ତ ସାମନ୍ତରାୟ ଓ ଅନ୍ୟ ସମିତି ସଭ୍ୟ ସଭ୍ୟା ମାନେ ଏକ ସାମ୍ବାଦିକ ସମ୍ମିଳନୀ କରି ଜୟପୁର ବିଧାୟକ ଶ୍ରୀ ବାହିନୀପତି ଙ୍କ ବକ୍ତବ୍ୟ କୁ କଡା ଜବାବ ଦେଇଛନ୍ତି।ସ୍ଥାନୀୟ ଦୋରା କଲ୍ୟାଣ ମଣ୍ଡପ ରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ବ୍ଳକ ଅଧ୍ୟକ୍ଷା ଦୀପ୍ତିମୟୀ ନାୟକ କହିଛନ୍ତି ଯେ ବୋରିଗୁମ୍ମା ବ୍ଳକ ଏବେ ଦୁର୍ନୀତି ର ଗନ୍ତାଘର ପାଲଟିଛି।ବ୍ଳକ ରେ କାର୍ଯ୍ୟରତ ବିଡିଓ ପ୍ରଣୟ ରଞ୍ଜନ ବେହେରା ଓ ସହକାରୀ ଯନ୍ତ୍ରୀ ସତ୍ୟନାରାୟଣ ସେଠୀ ମନମୁତାବକ ଶାସନ ଚଳାଇଛନ୍ତି।
ବ୍ଳକ ର ଅଧ୍ୟକ୍ଷା ଙ୍କୁ ମଧ୍ୟ କୌଣସି କାର୍ଯ୍ୟ ରେ ପଚାରୁ ନ ଥିବା ଅଭିଯୋଗ କରିଛନ୍ତି।ଏଥି ସହ ବିଧାୟକ ଶ୍ରୀ ବାହିନୀପତି ଦେଇଥିବା ମନ୍ତବ୍ୟ କୁ ନିନ୍ଦା କରିବା ସହ ଆମେ ନିର୍ଦଳୀୟ ଭାବେ ନିର୍ବାଚିତ ହୋଇଛୁ।ଏଣୁ ଆମେ ବିଜେଡି କୁ ସମର୍ଥନ କରୁଛୁ ସତ କିନ୍ତୁ ବିଧାୟକ କହିଥିବା ଭାଗ ବଣ୍ଟା କଣ ବୋଲି ପ୍ରଶ୍ନ କରିଥିଲେ।ବିଡିଓ ଓ ସହକାରୀ ଯନ୍ତ୍ରୀ ବିଧାୟକ ଙ୍କ ଛାତ୍ରଛାୟା ରହି କାମ କରୁଛନ୍ତି।ଏଣୁ ଏହି ଦୁଇ ଅଧିକାରୀ ବ୍ଳକ ରେ କାମ ନ ହୋଇ ବିଲ କରି ଟଙ୍କା ହଡପ କରୁଥିବା ଅଭିଯୋଗ କରିଛନ୍ତି।କେବଳ ଏତିକି ନୁହେଁ ଦୀର୍ଘ ଚାରି ବର୍ଷ ରୁ ଉର୍ଦ୍ଧ୍ବ ହେବ ବିଡିଓ ବୋରିଗୁମ୍ମା ବ୍ଳକ ରେ କାର୍ଯ୍ୟ କଲେଣି।ଏଣୁ ବିଡ଼ିଓ ଓ ସହକାରୀ ଯନ୍ତ୍ରୀ ଉଭୟ ଙ୍କୁ ବ୍ଳକ ଅଧ୍ୟକ୍ଷା ତୁରନ୍ତ ବଦଳି ଦାବୀ କରିଥିଲେ।
ଉକ୍ତ ସାମ୍ବାଦିକ ସମ୍ମିଳନୀରେ ବ୍ଳକ ର ପ୍ରାୟ ୨୦ ରୁ ଉର୍ଦ୍ଧ୍ବ ସମିତି ସଭ୍ୟ ମାନେ ଉପସ୍ଥିତ ଥିଲେ।ଅନ୍ୟ ପଟେ ବିଜେପି ଆଜି ସମାନ ଢଙ୍ଗ ରେ ସାମ୍ବାଦିକ ସମ୍ମିଳନୀ କରି ବ୍ଳକ ପ୍ରଶାସନ ଓ ବିଧାୟକ ଙ୍କ ଉପରେ ବର୍ଷି ଥିଲେ।ବିଜେପି ନେତା ଗୌତମ ସାମନ୍ତରାୟ କହିଥିଲେ ଯେ ଜୟପୁର ନିର୍ବାଚନ ମଣ୍ଡଳୀ ରେ ଦୁର୍ନୀତି ହେଉଛି।ବୋରିଗୁମ୍ମା ବ୍ଳକ ଓଡିଶା ର ଏକ ନମ୍ବର ବ୍ଳକ ଭାବେ ପୁରସ୍କାର ପାଉଛି।କିନ୍ତୁ ବ୍ଳକ ର ବିକାଶ ସତ୍ତ୍ୱେ ଭୌଗୋଳିକ ଚିତ୍ର ପରିବର୍ତ୍ତନ ହେଉ ନାହିଁ।
ବ୍ଳକ ଅଧ୍ୟକ୍ଷା ,ଉପାଧ୍ୟକ୍ଷ ଏବଂ ସମିତି ସଭ୍ୟ ମାନେ ପଞ୍ଚାୟତ ସମିତି ବୈଠକ କୁ ବର୍ଜନ କରିବା ପ୍ରସଙ୍ଗ ରେ ଗୌତମ ସାମନ୍ତରାୟ ଭରପୁର ସମର୍ଥନ କରିଛନ୍ତି।ସେ କହିଛନ୍ତି ଯେ ସେମାନଙ୍କ ପାଖରେ ଯେଉଁ ସବୁ ଦୁର୍ନୀତି ର ପ୍ରମାଣ ରହିଛି,ସେହି ତଥ୍ୟ ଭିଜିଲାନ୍ସ ରେ ପ୍ରଦାନ କରନ୍ତୁ।ଏନେଇ ବିଧାୟକ ତାରାପ୍ରସାଦ ବାହିନୀପତି ଙ୍କ ମତାମତ ହଁନେବାରୁ ସେ କହିଥିଲେ ଯେ ଜୟପୁର ନିର୍ବାଚନ ମଣ୍ଡଳୀ ଦ୍ରୁତ ଗତିରେ ବିକାଶ କରୁଛି ଏବଂ ଆଗକୁ ବିକାଶ କରିବ।ଦୁଇ ଦଳ ଦେଇଥିବା ସାମ୍ବାଦିକ ସମ୍ମିଳନୀ ସମ୍ବନ୍ଧେ କୌଣସି ମତାମତ ଦେବାକୁ ମନା କରିଥିଲେ।
