ଖପ୍ରାଖୋଲ: ୦୩/୦୫( ତାପସ ରଞ୍ଜନ ବେହେରା) ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ୍ ର ପ୍ରମୁଖ ପର୍ଯ୍ୟଟନ ସ୍ଥଳି ତଥା ପୁଣ୍ୟ କ୍ଷେତ୍ର ହରିଶଙ୍କର ଠାରେ ପୂର୍ବତନ ଅନ୍ତର୍ଜାତୀୟ କ୍ରିକେଟ ଖେଳାଳି ଦିନେଶ ମୋଙ୍ଗିଆ ବୁଧବାର ପହଞ୍ଚି ମନ୍ଦିର ଓ ଝରଣା ବୁଲି ଦେଖିଥିଲେ । ଭାରତୀୟ ଦଳରେ ତରଫରୁ କ୍ରିକେଟ ଖେଳି ସୁନାମ ଅର୍ଜନ କରିଥିବା ଭେଟେରାନ ଖେଳାଳି ଙ୍କୁ ଦେଖିବା କୁ ମଧ୍ୟ ଲୋକଙ୍କ ଭିଡ଼ ହୋଇଥିଲା ।
ବଲାଙ୍ଗିର କୁ କୌଣସି କ୍ରୀଡା ସମ୍ପର୍କିତ କାର୍ଯ୍ୟରେ ଆସିଥିବା ବେଳେ ହରିଶଙ୍କର ମନ୍ଦିର ଓ ଝରଣା ବୁଲି ଦେଖିଥିଲେ। ପ୍ରାକୃତିକ ସୌନ୍ଦର୍ଯ୍ୟ ଚିରସ୍ରୋତା ଝରଣା ଓ ପୁରାତନ ମନ୍ଦିର ଦର୍ଶନ କରି ପରିବେଶ କୁ ଭୂରି ଭୂରି ପ୍ରଶଂସା କରିଥିଲେ। ଏହି ଅବସରରେ ପ୍ରଶାସନ ତରଫରୁ ପୁଷ୍ପମାଲ୍ୟ ଦେଇ ସ୍ୱାଗତ କରାଯାଇଥିବା ବେଳେ ଖପ୍ରାଖୋଲ ପ୍ରେସ କ୍ଲବ ତରଫରୁ ହରିଶଙ୍କର ଠାକୁରଙ୍କ ଏକ ଫଟୋ ଚିତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା । ଏହି ଅବସରରେ ମନ୍ଦିର ପରିଚାଳକ ଗୁପ୍ତେଶ୍ୱର କୁଆଁର, ଅଭୟ ତ୍ରିପାଠୀ, ତାପସ ରଞ୍ଜନ ବେହେରା , ଉମାକାନ୍ତ ପଧାନ , ଜ୍ୟୋତି ରଞ୍ଜନ ପଣ୍ଡା , ବଳଭଦ୍ର ଦାସ , ମଧୁସୂଦନ ମାଝୀ , ପଞ୍ଚମ ପଧାନ , ନରସିଂହ ପୁଝାରୀ ପ୍ରମୁଖ ଉପସ୍ଥିତ ଥିଲେ।
