କେସିଙ୍ଗା: ୩/୫(ପ୍ରିତେଶ ପଟେଲ୍) ବୁଧବାର ଦିନ ବିଦ୍ୟା ଭାରତୀ ଶିକ୍ଷା ବିକାଶ ସମିତି ଓଡିଶାଙ୍କ ଯୋଜନା ଅନୁସାରେ ଦକ୍ଷିଣ ସମ୍ଭାଗର ପ୍ରାଥମିକ ଆଚାର୍ଯ୍ୟ ପ୍ରଶିକ୍ଷଣ ସରସ୍ବତୀ ଶିଶୁ ବିଦ୍ୟା ମନ୍ଦିର କେସିଙ୍ଗା ଠାରେ ଉଦଘାଟିତ ହୋଇଯାଇଛି। ଏହି ଉଦଘାଟନ ସମାରୋହରେ ମୁଖ୍ୟ ଅତିଥି ଭାବେ ଶ୍ରୀ ନୃପରାଜ ଯାଦବ ନଗର ପାଳ ବିଜ୍ଞାପିତ ଅଞ୍ଚଳ ପରିଷଦ କେସିଙ୍ଗା, ମୁଖ୍ୟ ବକ୍ତା ଶ୍ରୀ ରୂପ ସିଂ ରାଉତ ଦକ୍ଷିଣ ସମ୍ଭାଗର ସଭାପତି, ଶ୍ରୀ ସୁବ୍ରତ କୁମାର ପଟ୍ଟନାୟକ କୋରାପୁଟ ବିଭାଗ ନିରୀକ୍ଷକ ଓ କ୍ଷେତ୍ର ବିଜ୍ଞାନ ସଂଯୋଜକ, ସ୍ଥାନୀୟ ବିଦ୍ୟା ମନ୍ଦିର ର ସଂପାଦକ ଶ୍ରୀ ଅଭୟ କୁମାର ଦେବତା ମଞ୍ଚାସୀନ ଥିଲେ ।
ଉକ୍ତ କାର୍ଯ୍ୟକ୍ରମରେ ଶ୍ରୀ ପ୍ରଦୀପ କୁମାର ମଲ୍ଲିକ ପ୍ରାନ୍ତ ଶିଶୁ ବାଟିକା ସଂଯୋଜକ ଓ କ୍ଷେତ୍ର ଶିଶୁ ବାଟିକା ସହ ସଂଯୋଜକ, ଶ୍ରୀ ସଞ୍ଜୟ କୁମାର ମିଶ୍ର ସହ ପ୍ରାନ୍ତ ଶାରୀରିକ ଶିକ୍ଷା ସଂଯୋଜକ, ଶ୍ରୀ ବିପିନ ବିହାରୀ ମିଶ୍ର କଳାହାଣ୍ଡି ବିଭାଗ ନିରୀକ୍ଷକ ଓ ପ୍ରାନ୍ତ ପ୍ରଶିକ୍ଷଣ ସଂଯୋଜକ, ଶ୍ରୀ ମାଧବ ସତପଥି କୋରାପୁଟ ସହ ବିଭାଗ ନିରୀକ୍ଷକ ପ୍ରାଧାନ ଆଚାର୍ଯ୍ୟ ଶ୍ରୀ ପ୍ରବୀଣ କୁମାର ବେହେରା ଉପସ୍ଥିତ ଥିଲେ। ଏହି ପ୍ରଶିକ୍ଷଣରେ ୯ ଜଣ ପ୍ରଶିକ୍ଷକ ୩ଜଣ ପ୍ରଶିକ୍ଷକା ସମେତ ୪୫ ଜଣ ଶିକ୍ଷାର୍ଥୀ ଭାଇ ଓ ୮୪ ଜଣ ଭଉଣୀ ଉପସ୍ଥିତ ଥିଲେ। କାର୍ଯ୍ୟକ୍ରମର ଶେଷରେ ଅଭୟ କୁମାର ଦେବତା ଧନ୍ୟବାଦ ଅର୍ପଣ କରିଥିଲେ। ଏହି ପ୍ରଶିକ୍ଷଣରେ ସ୍ଥାନୀୟ ବିଦ୍ୟାଳୟର ଗୁରୁଜୀ ଗୁରୁମା ଓ ସେବକ ସେବିକା ସହଯୋଗ କରିଥିଲେ ।
