ଟିଟିଲାଗଡ:(ସଞ୍ଜୟ କୁମାର ନାୟକ)ସହରର ପ୍ରତିଷ୍ଠିତ କୋସଲି ଭାସା ସୁରକ୍ଷା ସମିତି ପକ୍ଷରୁ କୋସଲି ସାହିତ୍ୟ ଆସର ଓ କବିତାର ଦୁଲଦୁଲି କାର୍ଯ୍ଯକ୍ରମ
ସ୍ଥାନୀୟ ପ୍ରଭାବତୀ ସ୍କୁଲ ପରିସରରେ ଅନୁଷ୍ଠିତ ହୋଇଯାଇଛି। ଏହି ପରିପ୍ରେକ୍ଷୀରେ ଏକ ଆଲୋଚନା ସଭା କରାଯାଇଥିଲା।ମୁଖ୍ୟ ଅତିଥି ଭାବେ ପଦ୍ମଶ୍ରୀ ନରସିଂହ ପ୍ରସାଦ ଗୁରୁ, ବିଶିଷ୍ଟ ଆଲୋଚକ ଭାବେ ପାଂଚଛକ ଚଙ୍ଗରିଆ କଲେଜର ସଭାପତି ସୁଶିଲ କୁମାର ଗୁରୁ, ବିଶିଷ୍ଟ ଶିକ୍ଷାବିତ୍ କ୍ଷୀରୋଦ ଷଡଙ୍ଗୀ, ବରିଷ୍ଠ ସାମ୍ବାଦିକ ଶ୍ରୀବତ୍ସ ବେହରା, ସାହିତ୍ୟିକ ଡ:ଯୁଗଳ କିଶୋର ଷଡଙ୍ଗୀ ,ସମିତିର ଅଧ୍ୟକ୍ଷ ଭିକାରୀ ଚରଣ ମିଶ୍ର, ଉପଦେଷ୍ଟା ନୀଳମଣି ସାହୁ ତଥା ସଭାପତି ଦିଲିପ କୁମାର ପସାୟତ ମଂଚାସୀନ ଥିଲେ।
କୋସଲି ଭାଷା ଦେଢକୋଟି ଲୋକଙ୍କ ମା ଓ ମାଟିର ଭାଷା ଭାବେ ହଜାର ହଜାର ବର୍ଷ ଧରି ବ୍ଯବହୃତ ହୋଇ ଆସୁଥିବାରୁ ସରକାର ଏହାକୁ ସମ୍ବିଧାନର ଅଷ୍ଟମ ପରିଚ୍ଛେଦରେ ସାମିଲ୍ କରିବା ପାଇଁ ଆଲୋଚକଗଣ ସ୍ବର ଉଠାଇଥିଲେ। ଏହାକୁ ପ୍ରାଥମିକ ଶିକ୍ଷାରେ ସାମିଲ କରିବା, ସ୍ବତନ୍ତ୍ର ଏକାଡେମୀ ପ୍ରତିଷ୍ଠା କରିବା ,କୋସଲି କବି ଲେଖକଙ୍ କୁ ପୁରସ୍କୃତ କରିବା ପ୍ରମୁଖ ଦାବୀ ଗୁଡିକୁ ସରକାର ମାନି ନେବାକୁ ବୁଦ୍ଧିଜୀବିଗଣ ନିଜନିଜ ବକ୍ତବ୍ଯରେ ସ୍ପଷ୍ଟ କରିଥିଲେ।ଏହି କ୍ରମରେ ସ୍ବତନ୍ତ୍ର କୋସଲ ରାଜ୍ଯ ଦାବୀର ଯଥାଯଥ ବିଚାର ରଖିବା ପାଇଁ ବୁଦ୍ଧିଜୀବିଗଣ ପରାମର୍ଶ ଦେବାକୁ ଅନୁରୋଧ କରାଯାଇଥିଲା।
ନୀଳମଣି ସାହୁଙ୍କ ପରିଚାଳନା କ୍ରମେ ସଭାର ପ୍ରାରମ୍ଭରେ ସମିତିର ଉପଦେଷ୍ଟା ସେବକ ଚରଣ ଦାଶଙ୍କ ଦ୍ବାରା ଅତିଥି ମାନଙ୍କୁ ଉତ୍ତରୀୟ ଦେଇ ସମ୍ବର୍ଦ୍ଧିତ କରାଯାଇଥିଲା। ବରିଷ୍ଠ ସଦସ୍ୟ ଘିନୁ ଆଡଯୁଆଡ ଅତିଥି ମାନଙ୍କ ପରିଚୟ ପ୍ରଦାନ କରିଥିବା ବେଳେ ଅଧ୍ୟକ୍ଷ ଭିକାରୀ ଚରଣ ମିଶ୍ର ଉଦ୍ଦେଶ୍ୟ ଗ୍ଯାଁପନ କରିଥିଲେ।ସଭାପତି ଦିଲୀପ କୁମାର ପସାୟତ ସମିତିର ଉଲ୍ଲେଖନୀୟ କାର୍ଯ୍ୟ ସଂପର୍କରେ ଆଲୋକପାତ କରିଥିଲେ। ଏହି ଅବସରରେ କୋସଲି ଭାଷା ସାହିତ୍ୟର ମୁଖପତ୍ର “ଝାଁପି”କୁ ପାଠକ ମାନଙ୍କୁ ଅର୍ପଣ କରାଯାଇଥିଲା।
ଦ୍ବିତୀୟ ପର୍ଯ୍ୟାୟରେ ନିମନ୍ତ୍ରିତ କବି ମଧୁସୂଦନ ଦାଶ,କ୍ଷିରସିନ୍ଧୁ ବିଶି,ପୁସ୍ତମ ଯୁଆଡି, ସୁଶାନ୍ତ ବାଗ, ମଧୁସୂଦନ ମହାନନ୍ଦ, ଲକ୍ଷ୍ମୀ ବଗର୍ତ୍ତୀ,,ସୁଜିତ ଶତପଥୀ, ବିନୟ ଦାଶ, ଦିଲ୍ଲୀପ କୁମାର ମିଶ୍ର, ରାଜମଣି ସାହୁ,ତରୁଣ ସିଂ ଦୀପ, ସବିତା ମହାରା,ଯଶୋବନ୍ତ ସାହୁ,ଆଦିମୂଳ ଶତପଥୀ, ପଂଚାନନ ତାଣ୍ଡି, ପୁଲସ୍ତି ବେହେରା, ସୁନିଲ ଅଗସ୍ତି, ଯମୁନା ଦାସ,ନରସିଂହ ସାହୁ, ଘନଶ୍ଯାମ ଖମାରୀ, ତପସ୍ବିନୀ ପସାୟତ, ଲିଲୁ ମୋହନ ପଧାନ, ପ୍ରମୋଦ ବୈଠାରୁ, ଚିତ୍ତ ରଂଜନ ଚାନ୍ଦ କବିତା ପାଠ କରିଥିଲେ। କବି ଭିକାରୀ ମିଶ୍ର ଧନ୍ୟବାଦ ଦେଇଥିଲେ ଓ ଦୁର୍ଗା ବେହେରା, ଶର୍ମିଷ୍ଠା ମିଶ୍ର, ଆୟୁଷି
ଚିତ୍ତ ରଂଜନ ଚାନ୍ଦ ପ୍ରମୁଖ ସହଯୋଗ କରିଥିଲେ।
