ଟିଟିଲାଗଡ: (ସଞ୍ଜୟ କୁମାର ନାୟକ )ଟିଟିଲାଗଡ ସହରରେ ବହୁତ ଉନ୍ନତି ମୂଳକ କାର୍ଯ୍ୟ କରାଯାଉଛି। ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ପାଈଁ ପ୍ରସ୍ତାବ ମଧ୍ୟ ପାସ ହୋଇଛି, ପରିତାପର ବିଷୟ ରବିବାର ରାତିରେ ଅସରାଏ ବର୍ଷା ଯୋଗୁଁ ସହରର ବିଭିନ୍ନ ୱାର୍ଡ ଏବଂ ମୁଖ୍ୟ ରାସ୍ତା ମାନଙ୍କରେ ପାଣି ଜମା ହୋଇ ରହିଥିଲା ।
ସେ ଭିତରୁ ଜଲାରାମ୍ ଲଜ ଠାରୁ ରେଳ ଷ୍ଟେସନ ଯିବା ରାସ୍ତାରେ ପାଣି ଜାମ ହୋଇ ରହିଛି, ସେହିପରି ପୌର ପରିଷଦ ୱାର୍ଡ ନମ୍ବର ୧୪ ରେ ପାଣି ନିଷ୍କାସନ ନ ହେବା ଯୋଗୁଁ ଲୋକଙ୍କ ଘର ଆଗରେ ପାଣି ଜମା ହୋଇ ରହିଥିଲା,ଅଭିଯୋଗ ପାଇ ପୌର ଅଧ୍ୟକ୍ଷା ଶ୍ରୀମତୀ ମମତା ଦେବି ଜୈନ ଏବଂ ତାଙ୍କର ସମର୍ଥକଙ୍କ ସହ ଯାଇ ଘଟଣା ସ୍ଥଳ ପରିଦର୍ଶନ କରିବା ସହ ଦୁଃଖ ପ୍ରକାଶ କରିଥିଲେ।
ଅଦ୍ଧକ୍ଷାଙ୍କ କହିବାନୁଯାୟୀ ଏହି ସ୍ଥାନ ପରିଦର୍ଶନ ପାଇଁ ତାଙ୍କ ଯନ୍ତ୍ରୀଙ୍କୁ ଡାକିବାରୁ ସେ ଆସିବାକୁ ମନା କରିଦେଲେ। ସେଥିପାଇଁ ସେ ଆସି ସ୍ଥିତି ଅନୁଧ୍ୟାନ କରିବା ସହ ଯଦି ପୌର ନିର୍ବାହୀ ଯନ୍ତ୍ରୀ ସହଯୋଗ ନ କଲେ ପ୍ରଶାସନ ସହ ମିଶି ଏହି ଅସୁବିଧାର ସମାଧାନ ନିଶ୍ଚୟ କରିବି ବୋଲି ଅଧ୍ୟକ୍ଷା କହିଛନ୍ତି। ସରକାରଙ୍କ ଯୋଜନାକୁ ସଫଳ ରୂପାୟନ କରିବା ଜନ ପ୍ରତିନିଧିଙ୍କ ଦାୟିତ୍ଵ, ଲୋକ ଆମକୁ ଭୋଟ ଦେଇ ନିର୍ବାଚିତ କରିଛନ୍ତି, ଯଦି ଏହି ଲୋକ ମାନଙ୍କ ସମସ୍ୟାର ସମାଧାନ କରି ନ ପାରିବି ତାହେଲେ ସେମାନଙ୍କ ଭୋଟର କଣ ମୂଲ୍ୟ ରହିବ ବୋଲି କ୍ଷୋଭ ପ୍ରକାଶ କରିଥିଲେ।
