କାଶୀପୁର : (ଅଞ୍ଜନ କୁମାର ନାଏକ ) ରାୟଗଡା ଜିଲ୍ଲା କାଶୀପୁର ବ୍ଲକ ସଦର ସରକାରୀ ଉଚ୍ଚ ବିଦ୍ୟାଳୟ ରେ ବ୍ଲକ ସହକାରୀ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀ ରେଙ୍ଗୁ ନାଏକଙ୍କୁ ଏକ ଭବ୍ୟ ବିଦାୟକାଳୀନ ସମ୍ବର୍ଦ୍ଧନା ର ଆୟୋଜନ କରାଯାଇଥିଲା l କାଶୀପୁର ବ୍ଲକ ଏକ ଦୁର୍ଗମ ଅଞ୍ଚଳ ହୋଇଥିବା ବେଳେ ଶିକ୍ଷା ବ୍ୟବସ୍ଥା ମଧ୍ୟ ଏହି ଅଂଚଳରେ ଅପହଞ୍ଚ ଥିଲା l କିନ୍ତୁ କିନ୍ତୁ ଶ୍ରୀ ନାଏକ ଅତିରିକ୍ତ ବ୍ଲକ ଶିକ୍ଷା ଅଧିକାରୀ ଭାର ସମ୍ଭାଳିବା ପରେ ବ୍ଲକ ର ଶିକ୍ଷକଙ୍କୁ ସଂଘଠିତ କରିବାରେ ସଫଳ ହୋଇଥିଲେ, ଯାହାଫଳରେ ଆଜି କାଶୀପୁର ଅଞ୍ଚଳରେ ଶିକ୍ଷକଙ୍କ କର୍ମତତ୍ପର ରେ ଆଗ୍ରହ୍ୟ ଦେଖାଦେଇଥିବା ପରିଲକ୍ଷିତ ହେଉଛି ଏବଂ ଦୁର୍ଗମ ଅଞ୍ଚଳରେ ଶିକ୍ଷାସେବା ର ଏକ ଗୁଣବତ୍ତା ଦେଖିବାକୁ ମିଳିଛି l ଏହି ସଭାରେ ରେ ଜିଲ୍ଲା ଶିକ୍ଷା ଅଧିକାରୀ ଶ୍ରୀ ପୂର୍ଣ୍ଣ ଚନ୍ଦ୍ର ବରିହାଙ୍କ ସମେତ ଶତାଧିକ ଶିକ୍ଷକଙ୍କ ଗହଣରେ କାଶୀପୁର ସହକାରୀ ଗୋଷ୍ଟି ଶିକ୍ଷା ଅଧିକାରୀ ଶ୍ରୀ ରେଙ୍ଗୁ ନାଏକଙ୍କର ଅଵସରକାଳୀନ ସମ୍ବର୍ଦ୍ଧନା ସମାରୋହ ଅନୁଷ୍ଠିତ ହେଇଯାଇଛି ।
ଏକଦା ରାଜ୍ୟ ତଥା ରାୟଗଡ଼ା ଜିଲ୍ଲାର ଅବହେଳିତ ଓ ଅନୁନ୍ନତ ବ୍ଲକ ମଧ୍ୟରେ କାଶୀପୁର ଅନ୍ୟତମ । ବ୍ଲକ ଆଦିବାସୀ ଅଧ୍ୟୁଷିତ ତଥା ପଛୁଆ ବର୍ଗ ର ବହୁଳତା ରହିଛି । ସେ ସମୟ ର ଶିକ୍ଷା ର ଗମନା ଗମନ ର ଘୋର ଅଭାବ ସ୍ଥିତିରେ ଶ୍ରୀ ନାୟକ ୪/୧୨/୧୯୮୬ ରେ ଜଣେ ପ୍ରାଥମିକ ଶିକ୍ଷକ ଭାବେ କାଶୀପୁର ଠାରେ ଯୋଗ ଦେଇ ଆଜି ପର୍ଯ୍ୟନ୍ତ ଶିକ୍ଷାର ପ୍ରସାର ଉପରେ ସମର୍ପିତ ଥିଲେ । ପରବର୍ତ୍ତୀ ସମୟରେ ବିଭିନ୍ନ ବିଦ୍ୟାଳୟ ରେ କାର୍ଯ୍ୟରତ ଥାଇ ଅଞ୍ଚଳ ର ଗରିବ ଓ ନିଷ୍ପେସିତ ଅଶିକ୍ଷିତ ପଛୁଆ ବର୍ଗ ର ପିଲା ଙ୍କୁ ଶିକ୍ଷିତ କରିବା କୁ ଅହରହ ଚେଷ୍ଟା ଜାରୀରଖି ଥିଲେ । ତଳ ଦିନରେ ତାଙ୍କ ଦ୍ୱାରା ଶିକ୍ଷା ଗ୍ରହଣ କରିଥିବା ଅନେକ ଛାତ୍ରଛାତ୍ରୀ ବର୍ତ୍ତମାନ ବିଭିନ୍ନ ସରକାରୀ ସ୍ତରରେ ଅଧିକାରୀ ଭାବେ କାର୍ଯ୍ୟରତ ଅଛନ୍ତି। କର୍ମ ଜୀବନ ରେ ଜଣେ ଉଛ ଶିକ୍ଷିତ , ଭଦ୍ର ବ୍ୟକ୍ତିତ୍ୱ ସହିତ ପରଉପକାର ପାଇଁ ଅଞ୍ଚଳର ସର୍ବଦା ପ୍ରସଙ୍ଗସା ସାଉଁଟିଥିବା ଦେଖିବା କୁ ମିଳିଛି। ଆଜିର ଉକ୍ତ କାର୍ଯ୍ୟକ୍ରମରେ ଭାବବିହଳ ଭାବେ ସି ଆର ସି ସି ଅରୁଣ ନାଏକ ସହିତ ଅନ୍ୟ ବକ୍ତା ତାଙ୍କର ବିଗତ ଦିନ ର ଶିକ୍ଷା ପ୍ରତି ଥିବା ଅତୁଳନୀୟ ସେବା ପୁଣି ଅବଶିଷ୍ଟ ଜୀବନ ର ଶୁଭ କାମନା ଜଣାଇଥିଲେ ।
