ବାରିକେଡ଼ କୁ ଧକା ଦେଲା କାର , ଚାଳକ ଗୁରୁତର

ହରଭଙ୍ଗା : (ଚିତ୍ତରଞ୍ଜନ ସିଂହ) ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଚାରିଛକ -କୁସଙ୍ଗ ପୂର୍ତ୍ତ ରାସ୍ତା ର କୁସଙ୍ଗ ବଡଜୋର ନାଳରେ ରବିବାର ଏକ ଇଣ୍ଡିଗୋ କାର ଦୁର୍ଘଟଣା ହୋଇଛି ! ସୂଚନା ମତେ କାର ଟି ଆଠମଲ୍ଲିକ (କୁସୁମ କୁହୁରି )ଗ୍ରାମରୁ ବାହାରି ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ମହାଳିକପଡା ପଂଚାୟତର ନୂଆପଡା ଗ୍ରାମଅଭିମୁଖେ ଯାଉଥିଲା l ନିଜେ ଚାଳକ ସିପୁନ ସେଠି ନାମକ ବ୍ୟକ୍ତି ଜଣକ ଡ୍ରାଇଭିଂ କରି ଉକ୍ତ ଗ୍ରାମର ଏକ ବାହାଘର ଭୋଜି କାର୍ଯ୍ୟକ୍ରମ ରେ ଯୋଗଦେବା ପାଇଁ ଯାଉଥିବା ବେଳେ କାର ଟି ବଡଜୁର ବ୍ରିଜ ବୁଲାଣି ରାସ୍ତା କାଟି ନ ପାରି ଭାରସାମ୍ୟ ହରାଇ ରାସ୍ତା କଡରେ ଦିଆଯାଇଥିବା ଲୁହା ବାରିକେଡ଼ କୁ ଧକ୍କା ଦେଇଥିଲା l ଫଳରେ ଗାଡିଟି ସମ୍ପୂର୍ଣ୍ଣ ଦୁର୍ଘଟଣାଗ୍ରସ୍ତ ହୋଇଥିବା ବେଳେ ଚାଳକ ଅଳ୍ପକେ ବଡ଼ ଦୁର୍ଘଟଣା ରୁ ବର୍ତ୍ତୀ ଯାଇଛନ୍ତି l ସଂଗେସଂଗେ ସ୍ଥାନୀୟ ଲୋକେ ହରଭଙ୍ଗା ପୋଲିସ ଏବଂ ଆମ୍ବୁଲାନ୍ସ କୁ ଡକାଇ ପୁରୁଣା କଟକ ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ର ରେ ଭର୍ତି କରାଯାଇ ଚିକିତ୍ସା କରାଯାଇଥିବା ଜଣାପଡିଛି ଘଟଣା ସ୍ଥଳରେ ପୋଲିସ ପହଂଚି ଦୁର୍ଘଟଣା ର ଅଧିକ ତଥ୍ୟ ପାଇଁ ତଦନ୍ତ ଚଳାଇଛି l