ମୁନିଗୁଡା :(ରମାକାନ୍ତ ପୋଡାଲ)ଲୋକଙ୍କ ଜମି ନେଇ ଠକି ଦେଲା ଗାଲୁଆ ବେଦାନ୍ତ। ଅମ୍ବାଦଳା ଅଞ୍ଚଳରୁ ୨୦୦୬ ମସିହାରୁ ବେଦାନ୍ତ କରିଥିଲା ଜମୀ ଅଧିଗ୍ରହଣ। ଜମି ନେବା ସମୟରେ ବିଭିନ୍ନ ପ୍ରତିଶ୍ରୁତି ରେ ପୋତି ପକାଇ ଥିଲା। ହେଲେ ଆଜି ପର୍ଯ୍ୟନ୍ତ ଜମିହରାଙ୍କୁ ନ୍ୟାୟ ମିଳି ପାରିନାହିଁ।
ନ୍ୟାୟ ନପାଇ ବାଧ୍ୟ ହୋଇ ଆଯି ଗୋଟିଏ ଜମିହରା ପରିବାର ବେଦାନ୍ତ ମାଲବାହି ଟ୍ରେନ ଅଟକାଇବା ସହ ଆତ୍ମହତ୍ୟା କରିବାର ଧମକ ଦେଇଛନ୍ତି। ଦୀର୍ଘ ସମୟ ଧରି ବେଦାନ୍ତ ଟ୍ରେନ ଅଟକି ରହିଥିଲେ ସୁଦ୍ଧା ଗାଲୁଆମି କରୁଛି ବେଦାନ୍ତ। ଘଟଣା ସ୍ଥଳରେ ରେଲୱେ ପୋଲିସ୍ ଓ ଅମ୍ବାଦଳା ପୋଲିସ ପହଞ୍ଚି ପରୀବାର ଲୋକଙ୍କୁ ବୁଝା ସୁଝା ଆରମ୍ଭ କରିଦେଇଛନ୍ତି।
ସେପଟେ ପରିବାର ଲୋକ ନିଜର ମାସକିଆ ୨୦୦୦ ଟଙ୍କା ପେନସନ ଓ ଜଣଙ୍କୁ ଜମି ଯାଇଥିବା ଟ୍ରାକ ରେ କାମ ନଦେଲେ ଟ୍ରେନ ଲାଇନ୍ ଉପରୁ ଉଥିବୁ ନାହିଁ ବୋଲି ଜଣାଇଛନ୍ତି। ଏହି ଘଟଣା ଉପରେ ବେଦାନ୍ତ କି ପ୍ରକାର ସମାଧାନ କରୁଛି ତାହା ଦେଖିବାକ ବାକି ରହିଲା
