ଯାଜପୁର:ଯାଜପୁର ଜିଲ୍ଲା ବିଞ୍ଝାରପୁର ବ୍ଲକ୍ ସୟଦପୁର ଗ୍ରାମରେ ବାଲି ପକାଇବା ବିବାଦକୁ କେନ୍ଦ୍ରକରି ହୋଇଥିବା ଆକ୍ରମଣ ଘଟଣାର ତଦନ୍ତ ପାଇଁ ଏସପିଙ୍କୁ ଭେଟିଲେ ଅଭିଯୋଗକାରୀ । ଚଳିତ ମାସ ୧୨ ତାରିଖରେ ସେକ ସରିଫ ବାଲି ପକାଇବାକୁ ନେଇ ଶେଖ ସମଦଙ୍କୁ ପ୍ରବଳ ମାଡ଼ ମାରିବା ସହିତ ତାଙ୍କ ଗୋଡ଼ ହାତକୁ ଆକ୍ରମଣ କରିଥିଲେ ।
ଏ ନେଇ ସମଦଙ୍କ ପତ୍ନୀ ବିଂଝାରପୁର ଥାନାରେ ଲିଖିତ ଅଭିଯୋଗ କରିଥିଲେ ମଧ୍ୟ ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନଥିଲା। ଏନେଇ ଆଜି ଅଭିଯୋଗ ଶୁଣାଣି ପ୍ରକୋଷ୍ଠରେ ଯାଜପୁର ଏସପି ବିନିତ ଅଗ୍ରୱାଲଙ୍କୁ ଭେଟି ଘଟଣାର ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଅଭିଯୋଗ କରିଛନ୍ତି । ଅନ୍ୟପଟେ ଏସପି ଏହି ଘଟଣାର ତଦନ୍ତ କରି ଯଥାଶୀଘ୍ର ଅଭିଯୁକ୍ତ ଉପରେ କାର୍ଯ୍ୟଅନୁଷ୍ଠାନ ଗ୍ରହଣ କରିବେ ବୋଲି ପ୍ରତିଶ୍ରୁତି ଦେଇଛନ୍ତି l
