ବୌଦ୍ଧ:୧୯ା୩(ଚିତ୍ତରଞ୍ଜନ ସିଂ)ଓଡ଼ିଶା ସରକାରଙ୍କ ଦକ୍ଷତା ବିକାଶ ପ୍ରାଧିକରଣ ଓ ବୌଦ୍ଧ ଜିଲା ପ୍ରଶାସନ ର ମିଳିତ ସହଯୋଗରେ ଜିଲାର ତିନୋଟି ବ୍ଲକ ପରିସରରେ ବ୍ଲକସ୍ତରୀୟ ବୈଷୟିକ ଶିକ୍ଷା ଓ ନିଯୁକ୍ତିଭିତ୍ତିକ ତାଲିମ ପରାମର୍ଶ ଶିବିର ଅନୁଷ୍ଠିତ ହେବାକୁ ସ୍ଥିର କରାଯାଇଛି । ମିଳିଥିôବା ସୂଚନା ମୁତାବକ ହରଭଙ୍ଗା ବ୍ଲକ କାର୍ଯ୍ୟାଳୟଠାରେ ୨୧ ତାରିଖ ବୌଦ୍ଧ ବ୍ଲକ କାର୍ଯ୍ୟାଳୟଠାରେ ୨୨ ତାରିଖ ଓ କଣ୍ଟାମାଳ ବ୍ଲକ କାର୍ଯ୍ୟାଳୟ ପରିସରରେ ୨୩ ତାରିଖ ଦିନ ଏହି ପରାମର୍ଶ ଶିବିର ଅନୁଷ୍ଠିତ ହେବ ।
ଏହି ଶିବିରରେ ସରକାରୀ ଶିଳ୍ପ ତାଲିମ କେନ୍ଦ୍ର,ଡିପ୍ଲୋମା ପାଠ୍ୟକ୍ରମ ବିଶ୍ୱ ଦକ୍ଷତା କେନ୍ଦ୍ର ଭୁବନେଶ୍ୱରରେ ୨୦୨୩ ଶିକ୍ଷାବର୍ଷ ପାଇଁ ଶିକ୍ଷା ଗ୍ରହଣ କରିବାକୁ ଚାହୁଁଥିବା ଛାତ୍ରଛାତ୍ରୀମାନେ କିମ୍ବା ସେମାନଙ୍କ ଅଭିଭାବକମାନେ ପହଞ୍ଚି ଆବେଦନ କରିପାରିବେ ।
ଏଥିସହିତ ଶିବିରରେ ଜିଲାର ସମସ୍ତ ବ୍ଲକ ଓ ସହରାଞ୍ଚଳର ୧୮ ବର୍ଷରୁ ଉର୍ଦ୍ଧ୍ୱ ବେକାର ଯୁବକ ଯୁବତୀମାନେ ଅଂଶଗ୍ରହଣ କରି ସରକାରୀ ଅନୁବନ୍ଧିତ ଅନୁଷ୍ଠାନ ଗୁଡିକରେ ମାଗଣାରେ ତାଲିମ ନେଇ ବେସରକାରୀ କ୍ଷେତ୍ରରେ ଯୋଗାଇଦିଆଯାଉଥିବା କର୍ମ ନିଯୁକ୍ତିର ସୁଯୋଗ ନେବାକୁ ଜିଲା ପ୍ରଶାସନ ପକ୍ଷରୁ ଅନୁରୋଧ କରାଯାଇଛି ।
