କାଶୀପୁର:(ଅଞ୍ଜନ କୁମାର ନାଏକ)ରାୟଗଡା ଜିଲ୍ଲା କାଶୀପୁର ବ୍ଲକ ଅନ୍ତର୍ଗତ ବିଭିନ୍ନ ସରକାରୀ କାର୍ଯ୍ୟାଳୟରେ କାର୍ଯ୍ୟରତ ପାଖାପାଖି 50 ଜଣ ଆଉଟ-ସୋର୍ସିଙ୍ଗ ଠିକା କର୍ମଚାରୀ ମାନେ ଆଜି ସ୍ଥାନୀୟ BDO ଶ୍ରୀମତୀ ମନୀଷା ଦାସଙ୍କୁ ମୁଖ୍ୟମନ୍ତ୍ରୀଙ୍କ ଉଦେଶ୍ୟ ରେ ଏକ ଦାବୀ ପତ୍ର ପ୍ରଦାନ କରିଛନ୍ତି lପ୍ରକାଶ ଥାଉକି ରାଜ୍ୟ ସରକାର ନିୟମିତ ଚାକିରୀ ବଦଳ ରେ ୨୦୦୮/୯ ମସିହାରେ ସରକାରୀ କାର୍ଯ୍ୟଳୟ ରେ ସହଯୋଗ ନିମନ୍ତେ କିଛି ବେ-ସରକାରୀ ଠିକା ସଂସ୍ଥା ଦ୍ୱାରା ରାଜ୍ୟର ଶିକ୍ଷିତ ବେକାର ଯୁବପିଡ଼ିଙ୍କୁ ଅସ୍ଥାୟୀ ଭାବେ ବିଭିନ୍ନ କାର୍ଯ୍ୟଳୟ ରେ ନିଯୁକ୍ତି ପ୍ରଦାନ କରିଥିଲେ।ଏହି କର୍ମଚାରିନାମାନେ ବ୍ଲକ ଓ ଜିଲ୍ଲାର ବିଭିନ୍ନ କାର୍ଯ୍ୟାଳୟରେ ରହି ପ୍ରଶାସନ ର 70% ଶତକଡା କାର୍ଯ୍ୟ ସମ୍ପାଦନ କରିଥାଆନ୍ତି l
ହେଲେ 2022 ରେ ସରକାର ସରକାରୀ କାର୍ଯ୍ୟାଳୟରେ କାର୍ଯ୍ୟରତ ଠିକା କର୍ମଚାରୀ ଙ୍କୁ ନିୟମିତ ଚାକିରୀ ପାଇଁ ଘଷଣା କରିଥିଲେ । କିନ୍ତୁ ରାଜ୍ୟର ଲକ୍ଷାଧିକ ଆଉଟ ସୋର୍ସିଙ୍ଗ କର୍ମଚାରୀ ମାନେ ଅନେକ ଦିନରୁ ସରକାରୀ ସେବାରେ ରହିଆସୁଥିଲେ ସୁଧା ନିୟମିତ ଚାକିରିରୁ ଉପେକ୍ଷା କରାଯାଇଛି ।
ଏଭଳି ପାତର ଅନ୍ତର ନୀତି କୁ ନେଇ ରାଜ୍ୟର ଆଉଟ ସୋର୍ସିଙ୍ଗ ସଂଘ ପକ୍ଷରୁ ଆନ୍ଦୋଳନର ନିଷ୍ପତ୍ତି ନିମନ୍ତେ ଅଣ୍ଟା ଭିଡୁଥିବାବେଳେ ଆଜି ଉକ୍ତ ବିଷୟ ପ୍ରତି କାଶୀପୁର ବ୍ଲକ ର ପ୍ରାୟ ୫୦ ଜଣ ସଦସ୍ୟ ଯୁକ୍ତ ଆଉଟ ସୋର୍ସିଙ୍ଗ କାଶୀପୁର ବ୍ଲକ ସଂଘ ପକ୍ଷରୁ ଚଳିତ ମାସ 25 ତାରିଖରେ ସରକାରଙ୍କୁ ପ୍ରତିବାଦ କରି ରାଜ୍ୟବ୍ୟାପି ଆନ୍ଦୋଳନ ର ପୂର୍ବ ପ୍ରସ୍ତୁତି ରଣନୀତି କୁ ନେଇ ବିସ୍ତୃତ ଭାବେ ସଂଗଠନ କରାଯାଉଛି ବୋଲି କଳାବ୍ୟାଚ ପରିଧାନ କାଶୀପୁର ଆଉଟ -ସର୍ସିଙ୍ଗ ଠିକା କର୍ମଚାରୀ ସଂଘ ପକ୍ଷରୁ ପ୍ରକାଶ କରାଯାଇଛି lସଂଘ ପକ୍ଷରୁ ବ୍ଲକ ସଭାପତି ଅମିତ ନାଏକ,ଶନ୍ତଷ ପଟ୍ଟନାୟକ, ସୁଶାନ୍ତ ପଟ୍ଟନାୟକ, ଗୁପ୍ତ ଗୁରୁ, ପିଙ୍କି ପାତ୍ର, ଦେବକୀ ଲେଙ୍କା ଓ ସଂଘର ଅନ୍ୟ ପ୍ରମୁଖ ଉପସ୍ଥିତ ଥିଲେ l
