ଯାଜପୁର:ଓଡ଼ିଶା ଡ୍ରାଇଭର ମହାସଂଘ ପକ୍ଷରୁ ସାରା ଓଡ଼ିଶାରେ ଅନିର୍ଦ୍ଦିଷ୍ଟ କାଳ ଯାଏଁ ଅଖ ଚକ ବନ୍ଦ ଓ ଷ୍ଟିୟରିଂ ଛାଡ଼ ଆନ୍ଦୋଳନ କରାଯାଇଛି l ସେହି କ୍ରମରେ ଯାଜପୁର ବ୍ଲକ ମକେଇପୁର ଛକରେ ଯାଜପୁର ପୋୖରପାଳିକା ଓ ବ୍ଳକ ଡ୍ରାଇଭର ମହାସଂଘ ତରଫରୁ ଧର୍ମଘଟ କରାଯାଇଛି। ଶତାଧିକ ଡ୍ରାଇଭର ମାନେ ରାଜରାସ୍ତାକୁ ଆସି ସେମାନଙ୍କ ଦାବି ଉପସ୍ଥାପନ କରି ଧାରଣା ଦେଇଛନ୍ତି।
ଡ୍ରାଇଭରଙ୍କ ସମସ୍ୟା ନେଇ ବାରମ୍ବାର ରାଜ୍ୟ ସରକାରଙ୍କ ଦୃ୍ଷ୍ଟି ଆକର୍ଷଣ କରିଥିଲେ ମଧ୍ୟ ସରକାର ଏଥିପ୍ରତି ଦୃଷ୍ଟି ଦେଇ ନଥିବାରୁ ଏପରି ଧର୍ମଘଟ ପାଇଁ ନିଷ୍ପତ୍ତି ନିଆଯାଇଛି । ଡ୍ରାଇଭର ସଂଘର ଦାବି ପୂରଣ ନ ହେବା ଯାଏଁ ଧର୍ମଘଟ ଜାରି ରହିବ ବୋଲି ଚେତାବନୀ ଦିଆଯାଇଛି l
ଏହି ଧର୍ମଘଟ ଶାନ୍ତିପୂର୍ଣ୍ଣ ଭାବେ ହେଉଥିବା ବେଳେ ଆମ୍ବୁଲାନ୍ସ, ଫାୟାର ବ୍ରିଗେଡ, ସ୍କୁଲ ଏବଂ ନାମଲେଖା ପାଇଁ ଯାଉଥିବା ଗାଡିକୁ ବନ୍ଦ କରାଯିବ ନାହିଁ ବୋଲି ସଂଘ ପକ୍ଷରୁ କୁହାଯାଇଛି । ମାତ୍ର ଏହି ଧର୍ମଘଟ ପାଇଁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ସାଧାରଣ ଜନତା।
