ଟିଟିଲାଗଡ:(ସଞ୍ଜୟ କୁମାର ନାୟକ)ଶିକ୍ଷା ଗ୍ରହଣ ଦ୍ଵାରା ହିଁ ଆଜି ମଣିଷ ସଂସାରରେ ସବୁ କିଛି କରିପାରୁଛି। ଦିନକୁ ଦିନ ଦୁନିଆ ଯେତେ ଉନ୍ନତି କରୁଛି ବିଭିନ୍ନ ପାଠ୍ୟକ୍ରମ ମଧ୍ଯ ବାହାରୁଛି, ଯଦ୍ଵ।ରା ଚାକିରି ପାଇବା ପାଇଁ ସୁବିଧା ହେଉଛି। ଛାତ୍ର ଛାତ୍ରୀ ମାନଙ୍କୁ ରୋଜଗାରକ୍ଷମ କରାଇବା ପାଇଁ ଏବେ ସରକାର ସ୍କିଲ ଡେଭଲପମେଣ୍ଟ କାର୍ଯ୍ୟକ୍ରମ ହାତକୁ ନେଇଛନ୍ତି, ଏହି ଶିକ୍ଷା ମାଧ୍ୟମରେ ଯୁବ ପିଢିଙ୍କୁ ଶିକ୍ଷା ପ୍ରଦାନ କରାଯାଉଛି।
ଏହି ପରିପ୍ରେକ୍ଷୀରେ ଆଇସେକ୍ଟ୍ କେନ୍ଦ୍ରର ପରିଚାଳକ ଶ୍ରୀ ଶିବାନନ୍ଦ ଦୀକ୍ଷିତ ନିଜ ଅନୁଷ୍ଠାନର ଛାତ୍ରଛାତ୍ରୀଙ୍କୁ ଧରି ଟିଟିଲାଗଡର ଅଗ୍ରଣୀ ବ୍ୟବସାୟ କେନ୍ଦ୍ର ଖେମିସତି ଇଣ୍ଟର ପ୍ରାଇଯେଶ (ସ୍ବିଟି ବ୍ରେଡ)କୁ ମଙ୍ଗଳବାର ଦିନ ପରିଦର୍ଶନରେ ନେଇଥିଲେ। ସଂସ୍ଥାର ପରିଚାଳକ ଶ୍ରୀ ପ୍ରକାଶ ଗୋଏଲ ସମସ୍ତ ଛାତ୍ର ଛାତ୍ରୀଙ୍କୁ ନିଜ ଫେକ୍ଟ୍ରି ବୁଲାଇ କିପରି ବିଭିନ୍ନ ସାମଗ୍ରୀ ପ୍ରସ୍ତୁତ କରାଯାଏ ବୁଲାଇ ଦେଖାଇବା ସହ ସେମାନଙ୍କ ପ୍ରଶ୍ନର ଉତ୍ତର ମଧ୍ଯ ଦେଇଥିଲେ।
ଗୋଟିଏ ବ୍ୟବସାୟ ଆରମ୍ଭ କରିବାକୁ ହେଲେ କଣ କଣ ଦରକାର ? ସରକାରି ସୁବିଧା କଣ କଣ ରହିଛି ? ନିଜେ ବ୍ୟବସାୟ କିପରି କରିପାରିବେ ସେ ବିଷୟରେ ଛାତ୍ରଛାତ୍ରୀଙ୍କୁ ପୁଙ୍ଖାନୁପୁଙ୍ଖ ଭାବେ ବୁଝାଇଥିଲେ। ଆଇସେକ୍ଟର ପରିଚାଳକ ଶିବାନନ୍ଦ ଦିକ୍ଷିତ ଖେମି ସତି ଇଣ୍ଟର ପ୍ରାଇଯେଶ ଜିଲ୍ଲା, ରାଜ୍ୟ ତଥା କେନ୍ଦ୍ରୀୟ ସ୍ତରରୁ ପୁରସ୍କୃତ ସଂସ୍ଥା ବୋଲି କହିବା ସହ ଶ୍ରୀ ଗୋଏଲଙ୍କ କିପରି ପରିଶ୍ରମ କରି ଆଜି ଏହି ସଫଳତା ପାଇ ଛନ୍ତି ସେହି ସଫଳତାର ବିଷୟରେ ବର୍ଣ୍ଣନା କରିଥିଲେ।
