ସୁବର୍ଣ୍ଣପୁର: (ଅଜିତ କୁମାର ପୁଜାହାରୀ) ସୁବର୍ଣ୍ଣପୁର ଜିଲ୍ଲା ଆଇନ ସେବା ପ୍ରାଧିକରଣ ପକ୍ଷରୁ ଆଜି ଏକ ଆଇନ ସଚେତନତା ଶୋଭାଯାତ୍ରା ଆୟୋଜିତ ହୋଇ ଯାଇଛି। ଜିଲ୍ଲାର ବିକଳ୍ପ ବିବାଦ ସମାଧାନ କେନ୍ଦ୍ରରୁ ଏହି ଶୋଭାଯାତ୍ରା ବାହାରି ସହର ପରିକ୍ରମା କରି ଜିଲ୍ଲା ଫୌଜଦାରୀ ଓ ଦେୱାନୀ ଅଦାଲତର ଆଇନ ସେବା ପ୍ରାଧିକରଣ ପରିସରରେ ପହଞ୍ଚିଥିଲା । ଏହି ସଚେତନତା ଶୋଭାଯାତ୍ରାରେ ବିଭିନ୍ନ ବିଦ୍ୟାଳୟ ଓ ମହାବିଦ୍ୟାଳୟର କ୍ୟାଡେ଼ଟ ମାନଙ୍କ ସମେତ ଜିଲ୍ଲା ଅଦାଲତ ଓ ଆଇନ ସେବା ପ୍ରାଧିକରଣର କର୍ମଚାରୀ , ଓକିଲ ,ସ୍ବେଚ୍ଛାସେବୀ ମାନେ ନିଜକୁ ସାମିଲ କରିଥିଲେ। ଏହି ଅବସରରେ ଏକ ସଚେତନତା ସଭା ଆୟୋଜନ କରାଯାଇ ଆଇନ ସଚେତନତା , ସଡ଼କ ସୁରକ୍ଷା ,ଏମଏସିଟି ଓ ଏମଭି ଆକ୍ଟ ସମ୍ପର୍କରେ ଆଲୋଚନା କରାଯାଇଥିଲା । ସେହିପରି ପୋସ୍କୋ ଆଇନର ବିଭିନ୍ନ ଦିଗ ଓ ଅପରାଧ ନିୟନ୍ତ୍ରଣ ଉପରେ ଆଇନଜୀବୀ ଓ ବିଚାରପତି ମାନେ ଆଲୋଚନା କରିଥିଲେ ।
