ଯାଜପୁର:ଯାଜପୁର ଦଶରଥପୁର ଶିକ୍ଷାମଣ୍ଡଳ ଅନ୍ତର୍ଗତ ହିରାପୁର ପ୍ରାଥମିକ ବିଦ୍ୟାଳୟ ଦିବଙ୍ଗତ ପ୍ରଧାନଶିକ୍ଷୟିତ୍ରୀ କୁଞ୍ଜଲତା ଷଢ଼ଙ୍ଗୀଙ୍କ ବିୟୋଗରେ ଏକ ସ୍ମୃତିଚାରଣ ସଭା ଅନୁଷ୍ଠିତ ହୋଇଯାଇଛି ।
ବିଦ୍ୟାଳୟ ପରିସରରେ ଅନୁଷ୍ଠିତ ଏହି ସ୍ମୃତିଚାରଣ ସଭାରେ ବିଦ୍ୟାଳୟ ବୟୋଜେଷ୍ଠ ଅବସରପ୍ରାପ୍ତ ପ୍ରଧାନଶିକ୍ଷକ ଦୈତାରୀ ଦାସ ମୁଖ୍ୟ ଅତିଥିଭାବେ ଯୋଗଦେଇଥିଲେ ।
ପ୍ରାଥମିକ ଶିକ୍ଷକ ସଂଘର ସମ୍ପାଦକ ପ୍ରମୋଦ କୁମାର ପାଣିଗ୍ରାହୀ ମୁଖ୍ୟବକ୍ତା ଓ ତପନ କୁମାର ଦାସ ସମ୍ମାନିତ ଅତିଥିଭାବେ ଯୋଗଦେଇଥିଲେ ।ଶିକ୍ଷୟିତ୍ରୀ ଶୈଳବାଳା ଦାସ, ସୁଧାନିଧି ମିଶ୍ର ପ୍ରମୁଖ ଉକ୍ତ ସ୍ମୃତିଚାରଣ ସଭାରେ ଯୋଗଦେଇ କୁଞ୍ଜଲତା ଷଢ଼ଙ୍ଗୀଙ୍କ ସମୟାନୁବର୍ତ୍ତିତା, କର୍ତ୍ତବ୍ୟପରାୟଣତା ବିଷୟରେ ବକ୍ତବ୍ୟ ରଖିଥିଲେ ।
ଅନୁଷ୍ଠିତ ଏହି ସ୍ମୃତିଚାରଣ ସଭାରେ ପୁରାତନ ଛାତ୍ର, ବୁଦ୍ଧିଜିବି ଓ ବିଦ୍ୟାଳୟ କମିଟିର ପୁରାତନ ସଭାପତି, ସଭ୍ୟ ସଭ୍ୟା ଓ ଛାତ୍ରଛାତ୍ରୀମାନେ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ ।
