ଖପ୍ରାଖୋଲ : (ତାପସ ରଞ୍ଜନ ବେହେରା) ଖପ୍ରାଖୋଲ ବ୍ଲକ ବିଜୁ ଜନତା ଦଳ ତରଫରୁ କେନ୍ଦ୍ର ସରକାର ଗରିବ ଲୋକଙ୍କ ୫ କିଲୋ ଚାଉଳ କାଟି ଦେଇଥିବା ଅଭିଯୋଗ କରି ଗୁରୁବାର ବ୍ଲକ ଘେରାଓ ହୋଇଯାଇଛି । ପ୍ରଥମେ ସ୍ଥାନୀୟ ପେଟ୍ରୋଲ ପମ୍ପ ଠାରୁ ବିଧାୟକ ପ୍ରତିନିଧି ରମେଶ ପ୍ରଧାନ ଙ୍କ ଙ୍କ ନେତୃତ୍ୱରେ ଶତାଧିକ ମହିଳା ପୁରୁଷ କର୍ମୀଏକତ୍ରିତ ହୋଇ ବିକ୍ଷୋଭ ଶୋଭାଯାତ୍ରାରେ ବାହାରି ବ୍ଲକ କାର୍ଯ୍ୟାଳୟ ସମ୍ମୁଖରେ ପହଞ୍ଚିଥିଲେ । ବ୍ଲକ୍ ଫାଟକ ସମ୍ମୁଖରେ ଦଳ ତରଫରୁ ପ୍ରତିବାଦ ସଭା ଅନୁଷ୍ଠିତ ହୋଇଥିଲା।
ପ୍ରତିବାଦ ସଭାରେ ପାଟଣାଗଡ ବିଧାୟକ ସରୋଜ ମେହେର , ବ୍ଲକ୍ ଅଧ୍ୟକ୍ଷା ନିରୁପମା ପଟେଲ , ଜିଲ୍ଲା ପରିଷଦ ସଭ୍ୟ ସଂଯୁକ୍ତ ମେହେର , ପ୍ରମିଳା ପାଥର , ପବିତ୍ର ପଟେଲ , ଗୋବିନ୍ଦ ବାରିକ , ମୋହନ ସୁନା , ସତ୍ୟନାରାୟଣ ମେହେର ପ୍ରମୁଖ କେନ୍ଦ୍ର ସରକାର ଉପରେ ବର୍ଷିଥିଲେ । ପରେ ଏକ ଦାବି ପତ୍ର ରାଷ୍ଟ୍ର ପତିଙ୍କ ଉଦେଶ୍ୟରେ ବିଡ଼ିଓ ରଶ୍ମିରଞ୍ଜନ ରାଉତ ଙ୍କୁ ପ୍ରଦାନ କରିଥିଲେ । ଏହି ଅବସରରେ ଅନ୍ୟମାନଙ୍କ ମଧ୍ୟରେ ଇନ୍ଦ୍ରମଣି ସାହୁ , କନ୍ଦର୍ପ ସୁଆର , ରାଜକିଶୋର ମେହେର , ବଂଶିଧର ବେହେରା , ରମେଶ ପାଢ଼ୀ , ସନ୍ତୋଷ ତାଣ୍ଡି , ଜୟବର୍ଧନ ପଧାନ, ରଞ୍ଜିତା ସୁନା , ଲଳିତ ସୁନା ପ୍ରମୁଖ ଶତାଧିକ ମହିଳା ପୁରୁଷ କର୍ମୀ ସାମିଲ ଥିଲେ ।
