ଟିଟିଲାଗଡ:(ସଞ୍ଜୟ କୁମାର ନାୟକ)ଡିସେମ୍ବର 2012 ମସିହାରେ ଏକ ସାଇ ବାବାଙ୍କ ମୂର୍ତ୍ତି ପ୍ରତିଷ୍ଠା କରି ପୂଜାର୍ଚ୍ଚନା ଆରମ୍ଭ ହୋଇଥିଲା। ଧିରେ ଧିରେ ଭକ୍ତଙ୍କ ସହଯୋଗ କ୍ରମେ ଚାରି ହଜାର ବର୍ଗ କ୍ଷେତ୍ରରେ ଦୁଇ ମହଲା ବିଶିଷ୍ଟ ନୂତନ କୋଠା ନିର୍ମାଣ କାମ ଚାଲିଥିବା ବେଳେ ଗୁରୁବାର ଦିନ ଅପରାହ୍ନରେ ନୂତନ କୋଠାର ଉପର ପାର୍ଶ୍ଵରେ ମନ୍ଦିରର ରତ୍ନ ମୁଦ ପ୍ରତିଷ୍ଠା କରାଯାଇଛି। ଏହି ଅବସରରେ ସହରର ବହୁ ଭକ୍ତ ଯୋଗ ଦେଇ କୁମ୍ଭ ଭରିବାର ସୌଭାଗ୍ୟ ଅର୍ଜନ କରିଥିଲେ।ଏହା ପୂର୍ବରୁ ଛ ତାରିଖରେ ସୋମବାର ସନ୍ଧ୍ୟାରେ କଳସ ଯାତ୍ରା ବାହାରି ସହର ପରିକ୍ରମା କରିଥିଲେ।
ମଙ୍ଗଳବାର ଓ ବୁଧୁବାର ଦୁଇ ଦିନ ମନ୍ଦିର ପରିସରରେ ପାରାୟଣ ପଠନ କରାଯାଇଥିଲା। କର୍ତା ଭାବରେ ଦୀପକ ସୁବୁଦ୍ଧି ଏବଂ ସପତ୍ନି ପ୍ରଭାତୀ ସୁବୁଦ୍ଧି ହୋଇଥିବା ବେଳେ ରତ୍ନ ମୁଦ ପାଇଁ ଚିରାଗ ଜୈନ ଏବଂ ସପତ୍ନୀ ପୂଜାରେ ବସିଥିଲେ। ମନ୍ଦିରର ପୂଜକ ଶ୍ୟାମ ବାବା ଓ ପଣ୍ଡିତ ନେତ୍ରାନନ୍ଦ ମିଶ୍ର, ରୂପକ ନାଏକ,ସିଦ୍ଧାର୍ଥ ମହାପାତ୍ର ପୂଜା ସମ୍ପନ୍ନ କରିଥିଲେ।,ଗୁରୁବାର ଦିନ ପାରାୟଣର ପୂର୍ଣ୍ଣାହୁତି ହେବା ପରେ ରତ୍ନ ମୁଦ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଶେଷରେ ଭକ୍ତଙ୍କ ନିମନ୍ତେ କମିଟି ପକ୍ଷରୁ ପ୍ରସାଦ ବଣ୍ଟନ ହୋଇଥିଲା। ଏହି କାର୍ଯ୍ୟକ୍ରମକୁ ପରିଚାଳନା କରିବାରେ ପ୍ରଦୀପ ମହାନ୍ତି, ପ୍ରକାଶ ମହାନ୍ତି, ମହେଶ ଡୋଡକା, ରଞ୍ଜିତ ଲେଙ୍କା, ଦିନେଶ ଶର୍ମା, ଦୀପକ ସୁବୁଦ୍ଧି, ମନୋଜ ପଟ୍ଟନାୟକ ଏବଂ କମିଟିର ବହୁତ ସଦସ୍ୟ ସହଯୋଗ କରିଥିଲେ।
