ମୁନିଗୁଡା :(ରମାକାନ୍ତ ପୋଢାଳ ) ରାୟଗଡ଼ା ଜିଲ୍ଲା ଆମ୍ବଦଳା ପୋଲିସ ସମିତି ପକ୍ଷରୁ ରକ୍ତ ଦାନ ଶିବିର ଅନୁଷ୍ଠିତ ହୋଇଯାଇଛି। ଅମ୍ବାଦଳା ଥାନା ପରିସରରେ ଅନୁଷ୍ଠିତ ହୋଇଥିବା ଏହି ରକ୍ତଦାନ ଶିବିରକୁ ଅମ୍ବାଦଳା ଥାନା ଅଧିକାରୀ କମଳାକାନ୍ତ ବସନ୍ତ କୁମାର କହଁର ଶୁଭ ଉଦ୍ଘାଟନ କରିଥିବା ବେଳେ ମୁଖ୍ୟ ଅତିଥି ଭାବେ ବିଷମ କଟକ ଏସଡିପିଓ ଆକାଶ ଚନ୍ଦ୍ର ସାହୁ ,ସମ୍ମାନିୟ ଅତିଥି ଭାବେ ମୁନିଗୁଡ଼ା ଥାନା ଅଧିକାରୀ ସୁଗ୍ୟାନି ସାହୁ ଯୋଗଦେଇ ରକ୍ତଦାନ କରିବା ସହ ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ।
ରାଜ୍ୟରେ ରକ୍ତ ହୀନତା ଯୋଗୁ ରୋଗୀମାନଙ୍କ ଙ୍କ ମୃତ୍ୟୁ ହେଉଥିବା ବେଳେ ରକ୍ତ ହୀନତା ଯୋଗୁ କାହାର ଜୀବନ ନଯାଉ ଏଥିପାଇଁ ବିଭିନ୍ନ ସଙ୍ଗଠନ ପକ୍ଷରୁ ଏହିଭଳି ରକ୍ତଦାନ ଶିବିର ଅନୁଷ୍ଠିତ କରାଯାଉ ଥିବା ବେଳେ ଏହି ପରିପ୍ରେକ୍ଷୀରେ ଅମ୍ବାଦଳା ଥାନା ଅଧିକାରୀ ସମସ୍ତ ଯୁବ ବର୍ଗଙ୍କୁ ରକ୍ତଦାନ କରିବା ପାଇଁ ଆହ୍ଵାନ ଦେବା ସହ ରକ୍ତଦାନ ଏକ ମହତ୍ତ୍ଵ କାମ ବୋଲି ଶିବିରରେ ଉପସ୍ଥିତ ଥିବା ସମସ୍ତ ରକ୍ତଦାତା ମାନଙ୍କୁ ଉତ୍ସ୍ରାହିତ କରିଥିଲେ।
ଏହି ଶିବିରରେ ୬୬ ୟୁନିଟ ରକ୍ତ ସଂଗ୍ରହ କରାଯାଇଥିଲା। ଏହି କାର୍ଯ୍ୟକ୍ରମରେ ଅମ୍ବାଦଳା ପ୍ରେସ ୟୁନିୟନର ସଦସ୍ୟ ମାନେ ଉପସ୍ଥିତ ରହି ସହଯୋଗ କରିଥିବା ବେଳେ ବିଭିନ୍ନ ସଙ୍ଗଠନ ଓ ପୋଲିସ ଫୋର୍ସ ଯବାନ ମାନେ ଏହି ରକ୍ତଦାନ ଶିବିରରେ ଯୋଗ ଦେଇ ରକ୍ତଦାନ କରିବା ସହ ସହଯୋଗ କରିଥିଲେ।
