Breaking News
8:48 amକେନ୍ଦ୍ରାପଡ଼ା ବାଲିଆ ବାଣ ବିସ୍ଫୋରଣ ଘଟଣାରେ ଚିକିତ୍ସାଧୀନ ଅବସ୍ଥାରେ ଜଣେ ମୃତ, ୩ ଜଣ ପୂଜା କମିଟି ସଦସ୍ୟଙ୍କୁ ଗିରଫ କଲା ପୁଲିସ 8:45 amକେନ୍ଦ୍ରମନ୍ତ୍ରୀ ଅଶ୍ବିନୀ ବୈଷ୍ଣବଙ୍କ ଓଡିଶା ଗସ୍ତ, ସମୀକ୍ଷା କରିବେ ରେଳ ପ୍ରକଳ୍ପ, 8:38 amଡିସେମ୍ବର ପହିଲା ସୁଦ୍ଧା ହିତାଧିକାରୀଙ୍କୁ ଶୀତ ସହାୟତା ଦେବାକୁ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ। ମଧୁବାବୁ ପେନ୍‌ସନ ଓ ଜାତୀୟ ପେନ୍‌ସନ ଯୋଜନା ହିତାଧିକରୀଙ୍କୁ ମିଳିବ ଏହି ସହାୟତା 8:36 amଅର୍ଚ୍ଚନା ମାମଲାରେ ଶ୍ରଦ୍ଧାଞ୍ଜଳି ଓ ଚନ୍ଦନଙ୍କୁ ଇଡିର ଜେରା। ୧୪ ଘଣ୍ଟାର ଜେରା ପରେ ଇଡି ଅଫିସରୁ ବାହାରିଲେ ଶ୍ରଦ୍ଧାଞ୍ଜଳି, ଚନ୍ଦନଙ୍କୁ ୯ ଘଣ୍ଟା ଜେରା କଲା ଇଡି 8:34 amଆଠଗଡ଼ ଥାନା ରାଜନଗର ନିକଟ ଡାଳଖାଇ ଠାକୁରାଣୀ ମନ୍ଦିର ନିକଟରେ ଚର୍ଚ୍ଚିତ ଯାତ୍ରା ଅଭିନେତ୍ରୀ ରାଣୀ ପଣ୍ଡାଙ୍କ କାର୍‌ ଓ ଏକ ବାଇକ୍‌ ମଧ୍ୟରେ ମୁହାଁମୁହିଁ ଧକ୍କା,ଦୁର୍ଘଟଣାରେ ବାଇକ୍‌ ଚାଳକଙ୍କ ମୃତ୍ୟୁ

୨୬ ରୁ ଭିଏସ୍‌ଏସ୍‌ରେ କୁଚବେ​ହାର ଟ୍ରଫି

18 0

ସମ୍ବଲପୁର: ୨୪/୧୧( ରମାକାନ୍ତ ବିଶ୍ବାଳ) ଆସନ୍ତା ୨୬ରୁ ୨୯ ତାରିଖ ପର୍ଯ୍ୟନ୍ତ ସମ୍ବଲପୁରର ବୀର ସୁରେନ୍ଦ୍ର ସାଏ ଷ୍ଟାଡିୟମ୍‌ରେ ଓଡ଼ିଶା ଓ ହରିଆଣା ମଧ୍ୟରେ ୧୯ ବର୍ଷରୁ କମ୍ କୁଚବେହାର ଟ୍ରଫି ମ୍ୟାଚ୍ ଖେଳାଯିବ I ଓଡ଼ିଶା ନିଜ ପ୍ରଥମ ମ୍ୟାଚ୍‌ରେ ବିହାର ବିପକ୍ଷରେ ପାଳି ଆଗୁଆ ହୋଇଥିଲାବେଳେ ଦ୍ବିତୀୟ ମ୍ୟାଚ୍‌ରେ ମଣିପୁର ବିପକ୍ଷରେ ପାଳି ବିଜୟ ଲାଭ କରିଥିଲା I କିନ୍ତୁ, ଗତ ସପ୍ତାହରେ ଅନୁଷ୍ଠିତ ନିଜ ତୃତୀୟ ମ୍ୟାଚ୍‌ରେ ଆନ୍ଧ୍ର ପ୍ରଦେଶଠାରୁ ଗୋଟିଏ ପାଳି ଓ ୬୪ ରନ୍‌ରେ ଶୋଚନୀୟ ଭାବେ ପରାଜିତ ହୋଇଥିଲା I

ତେଣୁ ପ୍ରତିଯୋଗିତାରେ ତିଷ୍ଟି ରହିବା ନିମନ୍ତେ ଘରୋଇ ଦଳ ପାଇଁ ସମ୍ବଲପୁର ମ୍ୟାଚ୍‌ ଗୁରୁତ୍ବପୂର୍ଣ୍ଣ ସାବ୍ୟସ୍ତ ହେବ I ବୁଧବାର ରାତିରେ ଓଡ଼ିଶା ଦଳ ସମ୍ବଲପୁର ପହଞ୍ଚିଥିବାବେଳେ ଗୁରୁବାର ହରିଆଣା ଦଳ ଆସିବ। ଓଡ଼ିଶା ଦଳ ହୋଟେଲ୍‌ ଗ୍ରାଣ୍ଡ ଶିବା ଓ ହରିଆଣା ଦଳ ହୋଟେଲ୍‌ ରିଜେଣ୍ଟା ଇନ୍‌ରେ ଅବସ୍ଥାନ କରିବେ I କରୋନା ପାଇଁ ୨ ବର୍ଷ ଧରି କୌଣସି ବଡ଼ ଖେଳ ହୋଇ ନଥିବା ସମ୍ବଲପୁରରେ ଏହି ମ୍ୟାଚ୍‌ ପାଇଁ ଉତ୍ସାହ ଦେଖାଦେଇଛି I ଏଥି ପାଇଁ ସମସ୍ତ ପ୍ରସ୍ତୁତି ଶେଷ ହୋଇଥିବା ସମ୍ବଲପୁର ଜିଲ୍ଲା କ୍ରୀଡ଼ା ସଂଘ ପକ୍ଷରୁ ଏକ ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି I ବୁଧବାର ସଂଧ୍ୟାରେ ଭିଏସ୍‌ଏସ୍‌ ଷ୍ଟାଡିୟମ୍‌ରେ ଆୟୋଜିତ ସାମ୍ବାଦିକ ସମ୍ମିଳନୀରେ ଏହି ମ୍ୟାଚ୍ ସଂପର୍କରେ ସୂଚନା ଦେଇ ଜିଲ୍ଲା କ୍ରୀଡ଼ା ସଂଘର ଉପସଭାପତି ଦୁଲାଲ ଚନ୍ଦ୍ର ପ୍ରଧାନ କହିଲେ, ଝାରସୁଗୁଡ଼ାରେ ବିମାନ ବନ୍ଦର କାର୍ଯ୍ୟକ୍ଷମ ହୋଇଥିବାରୁ ଏଥର ସମ୍ବଲପୁରକୁ ରଣଜୀ ସମେତ ସବୁ ବୟସ ବର୍ଗର ମ୍ୟାଚ୍ ଦେବାକୁ ଆମେ ଓଡ଼ିଶା କ୍ରିକେଟ୍ ସଂଘକୁ ଅନୁରୋଧ କରିଥିଲୁ I

ଆମ ଅନୁରୋଧ ରକ୍ଷା କରି ଓସିଏ ପ୍ରଥମେ ହରିଆଣା ବିପକ୍ଷ କୁଚବେହାର ଟ୍ରଫି ମ୍ୟାଚ୍ ଆୟୋଜନର ସୁଯୋଗ ଦେଇଛି। ମ୍ୟାଚ୍‌ ପାଇଁ ପିଚ୍‌, ପଡ଼ିଆ ଓ ପ୍ୟାଭିଲିୟନ୍‌ର ଆବଶ୍ୟକ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି I ଏହି ମ୍ୟାଚ୍‌ ପାଇଁ ସମ୍ବଲପୁରର ଯୁବ ବ୍ୟାଟ୍‌ସମ୍ୟାନ୍ ଅଭିନବ ନନ୍ଦ ପ୍ରଥମ ଥର ଓଡ଼ିଶା ଦଳରେ ସାମିଲ ହୋଇଥିବାବେଳେ ସମ୍ବଲପୁରର ବରିଷ୍ଠ ଖେଳାଳି ତଥା ଅମ୍ପାୟାର୍‌ ଅବିନାଶ ନନ୍ଦ ମ୍ୟାନେଜର୍‌ ଭାବେ ସୁଯୋଗ ପାଇଛନ୍ତି। ଝାରସୁଗୁଡ଼ାର ପୂର୍ବତନ ରଣଜୀ ତାରକା ଶୋଭନ ଦେବ ଓଡ଼ିଶା ଦଳର କୋଚ୍ ଅଛନ୍ତି। ପିଚ୍‌, ପଡ଼ିଆ ସହ ବର୍ତ୍ତମାନ ପାଗ ଭଲ ଥିବାରୁ ୪ ଦିନ ଧରି ଭଲ କ୍ରିକେଟ୍ ଦେଖିବାକୁ ମିଳିବ ବୋଲି ସେ ଆଶାବ୍ୟକ୍ତ କରିଥିଲେ I ଜିଲ୍ଲା କ୍ରୀଡ଼ା ସଂଘ ସଂପାଦକ ସୁନୀଲ ସାହୁ ପ୍ରାରମ୍ଭିକ ସୂଚନା ଦେଇଥିବା‌େ‌ବଳେ ଉପସଭାପତି ସାବିର ଅହମ୍ମଦ ଧନ୍ୟବାଦ ଦେଇଥିଲେ I ସାମ୍ବାଦିକ ସମ୍ମିଳନୀରେ କ୍ରିକେଟ୍ ସଂପାଦକ ଅବିନାଶ ନନ୍ଦ, ଦୌଡ଼କୁଦ ସଂପାଦକ ବିକାଶ ମିଶ୍ର, କାର୍ଯ୍ୟକାରିଣୀ ସଦସ୍ୟ ରତିକାନ୍ତ ମହାନ୍ତି, ଶାନ୍ତନୁ ନନ୍ଦ, ବିଭୂତି ମିଶ୍ର, ମହମ୍ମଦ ଇସାକ୍ ଏବଂ ପଦ୍ମନାଭ ନାଏକ ପ୍ରମୁଖ ଉପସ୍ଥିତ ଥିଲେ I

Related Post

ବୋରିଗୁମ୍ମା ଠାରେ କୋରାପୁଟ ଓଡ୍ରାଫ ବିଭାଗ ତରଫରୁ ସଚେତନତା କାର୍ଯ୍ୟକ୍ରମ ଅନୁଷ୍ଠିତ

Posted by - May 20, 2022 0
ଜଯପୁର:(ଏସ ସୁନ୍ଦରମ)କୋରାପୁଟ ଜିଲ୍ଲା ବୋରିଗୁମ୍ମା ବିଜାପୁର ପଞ୍ଚାୟତ ବଣ୍ଡାଗୁଡା ନିକଟରେ ଓଡ୍ରାଫ ବିଭାଗ ଦ୍ୱାରା ଗ୍ରାମବାସୀଙ୍କୁ ନିଆଁ ଦାଉରୁ ନିଜକୁ ରକ୍ଷା କରିବା ବିଭିନ୍ନ ପ୍ରକାରର ଆତ୍ମରକ୍ଷା…

ଓଡିଶା ସରକାରଙ୍କ ଦ୍ବାରା ଜୁରାବନ୍ଧ କପିଳେଶ୍ୱର ଯୁବକ ସଂଘ କୁ ପ୍ରକୃତି ମିତ୍ର ପରସ୍କାର ପ୍ରଦାନ

Posted by - June 6, 2022 0
ବଙ୍ଗୋମୁଣ୍ଡା :(ଅଭିମନ୍ୟୁ ବହିଦାର) ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଳକ ରଜୁରାବନ୍ଦ ଗ୍ରାମ କପିଳେଶ୍ୱରଯୁବକ ସଙ୍ଘ କୁ ବିଶ୍ୱ ପରିବେଶ ଦିବସ ଉପଲକ୍ଷେ ଭୁବନେଶ୍ୱର ସ୍ଥିତି ରବୀନ୍ଦ୍ର ମଣ୍ଡପ…

ଭୁବନେଶ୍ୱର ମହାନଗର ନିଗମ “ଶିକ୍ଷା ଶିଖର” ଅନଲାଇନ ସଭା

Posted by - October 15, 2020 0
ଭୁବନେଶ୍ୱର:ଗତ ଅକ୍ଟୋବର ୮ ତାରିଖରେ  ମହାନଗର ନିଗମ ସ୍ତରୀୟ ମନୋନୀତ ଉଚ୍ଚ ବିଦ୍ୟାଳୟ ମାନଙ୍କ ର ପ୍ରଧାନ ଶିକ୍ଷକ ଶିକ୍ଷୟତ୍ରୀ ଅଭିଜ୍ଞ ଶିକ୍ଷକ ଶିକ୍ଷୟିତ୍ରୀ ଓ ଆଞ୍ଚଳିକ…

ସ୍ବର୍ଗତ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ 37 ତମ ଶ୍ରାଦ୍ଧବାର୍ଷିକୀ ପାଳନ

Posted by - November 1, 2021 0
ବୌଦ୍ଧ(ସାମରେଶ ମିଶ୍ର)ବୌଦ୍ଧ ଜିଲ୍ଲା କଂଗ୍ରେସ ର ଆଇନ ସେବା କାର୍ଯ୍ୟାଳୟରେ ସ୍ବର୍ଗତ ଭାରତରତ୍ନ ମହିଳା ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ 37 ତମ ଶ୍ରାଦ୍ଧବାର୍ଷିକୀ ପାଳନ ହୋଇ ଯାଇଛି…

ଜମି ଜାଲିଆତି ମାମଲାରେ ୫ ଗିରଫ୍ : ସାମ୍ବାଦିକ ସମ୍ମିଳନୀ ରେ କଳାହାଣ୍ଡି ଅତିରିକ୍ତ ଏସ୍ ପି ଙ୍କ ସୁଚନା

Posted by - July 7, 2022 0
କଳାହାଣ୍ଡି :(ନରେନ୍ଦ୍ର ନେଗୀ ଙ୍କ ସହ ଅର୍ଜୁନ ପଟ୍ଟନାୟକ)  କଳାହାଣ୍ଡି ଜିଲ୍ଲାରେ ବୃଦ୍ଧି ପାଇବାରେ ଲାଗିଛି ଜମି ମାଫିଆଙ୍କ ପ୍ରାଦୁର୍ଭାବ l ନିରିହ ଲୋକଙ୍କ ଜମିକୁ ଜାଲିଆତି…