ଭୁବନେଶ୍ବର :(ନରେନ୍ଦ୍ର ନେଗୀ ଙ୍କ ସହ ଅର୍ଜୁନ ପଟ୍ଟନାୟକ) କୋରାପୁଟ ଜିଲ୍ଲା ଅନ୍ତର୍ଗତ ବୋରିଗୁମ୍ମା ସ୍ଥିତ ଭୈରବ ଡିଗ୍ରୀ ମହାବିଦ୍ୟାଳୟ ପରିସରରେ ଆଜି ଅତିରିକ୍ତ ନୂତନ ଶ୍ରେଣୀ ଗୃହ ଉଦଘାଟିତ ହୋଇଯାଇଛି।ବିଇଡିଟି ର ସଭାପତି ରାମଚନ୍ଦ୍ର ପାଢ଼ୀ ଙ୍କ ସଭାପତିତ୍ୱ ରେ ଆୟୋଜିତ ଉଦଘାଟନି ସଭାରେ ମୁଖ୍ୟ ଅତିଥି ଭାବେ ଜୟପୁର ବିଧାୟକ ତାରାପ୍ରସାଦ ବାହିନୀପତି ଯୋଗ ଦେଇଥିଲେ।ବୋରିଗୁମ୍ମା ଅଞ୍ଚଳ ର ଶିକ୍ଷାର ଉନ୍ନତି ପାଇଁ ସେ ପ୍ରତିଶୃତିବଦ୍ଧ ବୋଲି ନିଜ ବକ୍ତବ୍ୟରେ କହିଥିଲେ।ଯଦି କଲେଜ ରେ ଏନସିସି ହେଲେ ସେ ନିଜ ପ୍ରଚେଷ୍ଟା ରେ ଅତିରିକ୍ତ ଶ୍ରେଣୀ ନିର୍ମାଣ ପାଇଁ ଚେଷ୍ଟା କରିବେ ବୋଲି କହିଥିଲେ।
ଭୈରବ ଡିଗ୍ରୀ ମହାବିଦ୍ୟାଳୟ ରେ ହୋମ ସାଇନ୍ସ ବିଷୟ ଖୋଲିବା ଉପରକୁ ଗୁରୁତ୍ୱ ଦିଅନ୍ତୁ ବୋଲି କହିଥିଲେ।ଅନ୍ୟ ମାନଙ୍କ ମଧ୍ୟରେ ବିଇଡିଟି ସମ୍ପାଦକ କେ.ନାଗରାଜ ଦୋରା ନିଜ ବକ୍ତବ୍ୟ ରେ କହିଥିଲେ ଯେ ବିଧାୟକ ଙ୍କ ଉଦ୍ୟମ ଯୋଗୁଁ ଆଜି ଡିଗ୍ରୀ ମହାବିଦ୍ୟାଳୟ ର ଉନ୍ନତି ହୋଇପାରିଛି।ସବୁବେଳେ ବିଧାୟକ ଡିଗ୍ରୀ ମହାବିଦ୍ୟାଳୟ ର ଉନ୍ନତି କାମନା କରିଥିବାରୁ ବିଧାୟକ ଶ୍ରୀ ବାହିନୀପତି ଙ୍କୁ ଧନ୍ୟବାଦ ଅର୍ପଣ କରିଥିଲେ।
ଅନ୍ୟ ମାନଙ୍କ ମଧ୍ୟରେ ବିଇଡିଟି ର ଯୁଗ୍ମ ସମ୍ପାଦକ ସୁବାସ ଚନ୍ଦ୍ର ନାୟକ,ସଭ୍ୟ ପି.ଗଣପତି ରାଓ,ଶିକ୍ଷାବିତ ଲଷ୍ମୀ ନାରାୟଣ ପଟନାୟକ, ବ୍ଳକ ଉପାଧ୍ୟକ୍ଷ ରାଧାକାନ୍ତ ସାମନ୍ତରାୟ, ସମିତି ସଭ୍ୟା ପ୍ରିୟଙ୍କା ରଥ ପ୍ରମୁଖ ଉପସ୍ଥିତ ଥିଲେ।ଡିଗ୍ରୀ ମହାବିଦ୍ୟାଳୟ ର ଅଧ୍ୟକ୍ଷ ଭି.ଚିରଞ୍ଜିବି ପଟନାୟକ ଓ ଅଧ୍ୟାପକ ଡ଼.ସଦାଶିବ ତ୍ରିପାଠୀ ଉଦଘାଟନ କାର୍ଯ୍ୟକ୍ରମ କୁ ପରିଚାଳନା କରିଥିବା ବେଳେ ଅଧ୍ୟାପକ ସୌମେନ୍ଦ୍ର କୁମାର ସ୍ବାଇଁ, ଅଧ୍ୟାପିକା ସନ୍ତୋସିନୀ ପାଢ଼ୀ,ଅନୁପ୍ରିୟା ବାଲା, କର୍ମଚାରୀ ଜଗଦୀଶ ପାଣିଗ୍ରାହୀ, ଦେବେନ୍ଦ୍ର ନାଥ ପଣ୍ଡା, ପି.ଗୁପ୍ତେଶ୍ଵର ରାଓ ଓ ଲଷ୍ମୀ ପଣ୍ଡା ସହଯୋଗ କରିଥିଲେ।
