ସରକାରୀ ଉଦାସୀନତାର ଶିକାର ଥୁଆମୂଳ ଗୁଣପୁର ରାସ୍ତା ,ସଂକୀର୍ଣ୍ଣ ରାସ୍ତା ସାଜିଛି ଦୁର୍ଘଟଣା ର କାରଣ

23 0

ଭବାନୀପାଟଣା  : (ନରେନ୍ଦ୍ର ନେଗୀ ଙ୍କ ସହ ଅର୍ଜୁନ ପଟ୍ଟନାୟକ) କଳାହାଣ୍ଡି ଜିଲ୍ଲାର ସୁନ୍ଦର ପ୍ରାକୃତିକ ପ୍ରାଚୁର୍ଯ୍ୟ ଭରା ଓ କଳାହାଣ୍ଡି ର କଶ୍ମୀର ବୋଲାଉଥିବା ଆଦିବାସୀ ଅଧ୍ୟୁଷିତ ଥୁଆମୂଳ ରାମପୁର ବ୍ଲକ କିନ୍ତୁ ଅନ୍ୟାନ୍ୟ କ୍ଷେତ୍ରରେ ବହୁ ପଛୁଆ ଏବଂ ଅବହେଳିତ ଅଞ୍ଚଳ ବୋଲି ପ୍ରମାଣିତ କରିସାରିଛି ପ୍ରଶାସନ।ଉଭୟ କେନ୍ଦ୍ର ଓ ରାଜ୍ୟ ସରକାର ଙ୍କ ବିକାଶ ନାରା ଏହି ବ୍ଲକ୍ ପାଇଁ ମରିଚିକା ସଦୃଶ। ଜିଲ୍ଲା ସଦର ମହୂକୁମାରୁ ପ୍ରତ୍ୟେକ ବ୍ଲକକୁ ରାଜ୍ୟ ରାଜପଥ ଯୋଜନା ମାଧ୍ୟମରେ ଦୀର୍ଘ ଓସାରିଆ ରାସ୍ତା ନିର୍ମାଣ ଲକ୍ଷ୍ୟ ରଖାଯାଇଥିବା ବେଳେ ସବୁବେଳେ ପଛରେ ରହୁଥିବା ଏହି ବ୍ଲକ ଏହି ରାସ୍ତା ନିର୍ମାଣ ପାଇଁ ମଧ୍ୟ ପଛରେ ରହିଛି। ସ୍ବାଧୀନତାର ଦୀର୍ଘ ଦଶନ୍ଧି ପରେ ମଧ୍ଯ ଥୁଆମୂଳ ରାମପୁର ଅଞ୍ଚଳକୁ ଗମନାଗମନ ବ୍ୟବସ୍ଥା ଆଜି ମଧ୍ଯ ଅପହଞ୍ଚ ।ସ୍ଵାଧୀନତା ର ଦୀର୍ଘ ୩୦ ବର୍ଷ ପରେ ଏଠିକାର ଅଞ୍ଚଳବାସୀ ପାଇ ପାରିଥିଲେ ବସ୍ ସେବା।ଜିଲ୍ଲା ସଦର ମହକୁମାକୁ ଗମନାଗମନର ସୁବିଧା ପାଇପାରିଥିଲେ। ବର୍ତ୍ତମାନ ଅଧିକାଂଶ ଅଞ୍ଚଳକୁ ପ୍ରଧାନମନ୍ତ୍ରୀ ସଡକ ନିର୍ମାଣ ହୋଇସାରିଛି ଏବଂ ଏବେବି ଅନ୍ୟ ଅଞ୍ଚଳ ଗୁଡିକୁ ଏହି ସଡକ ନିର୍ମାଣ କାର୍ଯ୍ୟ ଚାଲିଅଛି।କିନ୍ତୁ ଭବାନୀପାଟଣା ଠାରୁ ଥୁଆମୂଳ ରାମପୁର ସଦର ମହକୁମାକୁ ଗମନାଗମନର ସୁବ୍ୟବସ୍ଥା ହୋଇପାରିନି।

ଭବାନୀପାଟଣା ଠାରୁ ଭାୟା ଗୁଣପୁର ଦେଇ ରାୟଗଡା ଜିଲ୍ଲା କାଶୀପୁର ପର୍ଯ୍ୟନ୍ତ ଯେଉଁ ରାଜ୍ୟ ରାଜପଥ ନିର୍ମାଣ କରାଯାଇଛି ତାହା ସିଧାସଳଖ ଭାବେ ଥୁଆମୂଳ ରାମପୁର ସହିତ ସଂଯୋଗ କରାଯାଇନି।ଫଳରେ ଗୁଣପୁର ଠାରୁ ଥୁଆମୂଳ ରାମପୁର ୨୮ କିଲୋମିଟର ଏବଂଥୁଆମୂଳ ରାମପୁର ଠାରୁ ଡୁମେରପଦର ୧୪ କିଲୋମିଟର ପର୍ଯ୍ୟନ୍ତ ରାସ୍ତା ସେଇ ପୂର୍ବ ଭଳି ରହିପଡିଛି।ବର୍ତ୍ତମାନ ଏହା ରାଜ୍ୟ ରାଜପଥ ଯୋଜନାରେ ଟେଣ୍ଡର ହୋଇଥିବା ବେଳେ ସେଇ ଅଣ ଓସାରିଆ ରାସ୍ତା ଉଭୟ ପାର୍ଶ୍ଵର ଅନାବନା ଲଟାବୁଦାରେ ସଂକୀର୍ଣ୍ଣ ହେବାରେ ଲାଗିଛି।ଏହି ରାସ୍ତାର ଅନେକ ସ୍ଥାନ ଖାଲଖମାରେ ଭର୍ତ୍ତି ଯୋଗୁଁ ବିଭିନ୍ନ ସମୟରେ ଦୁର୍ଘଟଣା ମାନ ଘଟୁଥିବା ନଜିର ରହିଛି।ଏହି ରାସ୍ତା ଦେଇ ବଡବଡ ପ୍ରଶାସନିକ ଅଧିକାରୀ,ରାଜନେତା ଏବଂ ବିଭାଗୀୟ ଅଧିକାରୀ ମାନେ ଗସ୍ତ କରୁଥିଲେ ମଧ୍ୟ ସଡକ ପ୍ରତି କାହାରି ଦୃଷ୍ଟି ପଡ଼ୁନାହିଁ ।ଟେଣ୍ଡର ହେଲେ ରାସ୍ତା କାମ ଆରମ୍ଭ ହେବ ବୋଲି କ’ଣ ସେଇ ଦିନ ପର୍ଯ୍ୟନ୍ତ ରାସ୍ତା ମରାମତି ଏବଂ ଉଭୟ ପାର୍ଶ୍ଵର ସେଇ ଅନାବନା ଗଛ ସଫା କରାଯିବ ନାହିଁ ବୋଲି ସାଧାରଣରେ ପ୍ରଶ୍ନ ଉଠୁଛି। ପ୍ରଶାସନର ଏଭଳି ଅବହେଳା ଯୋଗୁଁ ଥୁଆମୂଳ ରାମପୁର ବ୍ଲକ ସବୁବେଳେ ପ୍ରତ୍ୟେକ କ୍ଷେତ୍ରରେ ପଛରେ ପଡିଛି।ଜିଲ୍ଲା ପ୍ରଶାସନ ଏଥିପ୍ରତି ସ୍ଵତନ୍ତ୍ର ଦୃଷ୍ଟି ଦେଇ ଜନସାଧାରଣ ଙ୍କୁ ସର୍ବନିମ୍ନ ମୌଳିକ ସୁବିଧା ସୁଯୋଗ ଯୋଗାଇଦେବା ପାଇଁ ସର୍ବସାଧାରଣ ରେ ଦାବୀ ହେଉଛି।

Related Post

ସ୍ଥାୟୀ ଜମି ପଟ୍ଟା ଦାବୀରେ ବିନିକା ବ୍ଲକ ଅନୁସୂଚିତ ଜାତିର ୨୦ଟି ପରିବାର ଉପ ଜିଲ୍ଲାପାଳଙ୍କ କାର୍ଯ୍ୟଳୟ ଘେରାଉ କରିଛନ୍ତି

Posted by - May 17, 2022 0
ସୋନପୁର :(ଅଜିତ କୁମାର ପୂଜାହାରି) ସ୍ଥାୟୀ ଜମି ପଟ୍ଟା ଦାବୀରେ ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ମହଦା ପଂଚାୟତ ବାବୁପାଲି ମନରଞ୍ଜନପୁର ଗାଁର ଅନୁସୂଚିତ ଜାତିର ୨୦ଟି…

ବାଲିଆପାଳ ବ୍ଲକ ରେ ସୂଚନାକର୍ମୀଙ୍କ ଅନିର୍ଦିଷ୍ଟ କାଳ ପର୍ଯ୍ୟନ୍ତ ଗଣ ଧାରଣା

Posted by - January 7, 2022 0
ବାଲେଶ୍ଵର :ବାଲିଆପାଳ ବ୍ଲକରେ ଦିନକୁ ଦିନ ଦୁର୍ନୀତି ବଢ଼ିବାରେ ଲାଗିଛି। ବିଭିନ୍ନ ବିଭାଗରେ ଦୁର୍ନୀତି ବଢ଼ି ବଢ଼ି ମହାଦୁର୍ନୀତ ର ରୂପ ନେଲାଣି। ଏହି ମହାଦୁର୍ନୀତ ର…

୨୦ଜଣ ଅସହାୟ ମାନଙ୍କୁ କମ୍ବଳ ବଣ୍ଟନ

Posted by - December 22, 2021 0
ବଙ୍ଗୋମୁଣ୍ଡା :(ଅଭିମନ୍ୟୁ ବହିଦାର) ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ସିନ୍ଧେକେଲା ବାଣୀଭଗାର ହୁଡାରେ ନବନିର୍ମିତ ଗ୍ରାମ୍ୟ ପାର୍କ ଠାରେ ସମାସ ସେବୀ ଭୋଳାନାଥ ବେହେରା ନିଜସ୍ୱ…

ଚ୍ଥତିଆ ଡ୍ରାଇଭିଂ ଇନିଷ୍ଟିଚ୍ୟୁଟର ବିକାଶ ପାଇଁ ୩ କୋଟିରୁ ଉର୍ଦ୍ଧ୍ୱ ଟଙ୍କା ମଞ୍ଜୁର

Posted by - July 22, 2020 348
ଯାଜତ୍ପର ଅଫିସ : ଯାଜପୁର ଜିଲ୍ଳ୍‌ାର ଚ୍ଥତିଆ ସ୍ଥିତ ହେଭି ମୋଟର ଭେହିକିଲ ଡ୍ରାଇଭିଂ ଟ୍ରେନିଂ ଇନିଷ୍ଟିଚ୍ୟୁଟ୍ (HMVDTI) କୁ ବାଣିଜ୍ୟ ଓ ପରିବହନ ବିଭାଗ ପକ୍ଷରୁ…

ବିଧାୟକଙ୍କ ଦ୍ୱାରା ଅନାଥ ଓ ଦିବ୍ୟାଙ୍ଗ ମାନଙ୍କୁ ଶୁଖିଲା ଖାଦ୍ୟ ବଣ୍ଟନ

Posted by - May 21, 2022 0
କୋରାପୁଟ :(ଏସ୍ ସୁନ୍ଦରମ୍) କୋରାପୁଟ ଜିଲ୍ଲା ବୋରିଗୁମ୍ମା ସ୍ଥିତ ଦୋରା କଲ୍ୟାଣ ମଣ୍ଡପ ଠାରେ ୱାର୍ଲର୍ଡ ଭିଜନ ଏନଜିଓ ତରଫରୁ ଏକ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ…