ଆଜିଠାରୁ ତୃତୀୟ ସମ୍ବଲପୁର ମହୋତ୍ସବ

22 0

ସମ୍ବଲପୁର ୨୦/୧୧ (ରମାକାନ୍ତ ବିଶ୍ବାଳ) ଆଜି ଠାରୁ ସମ୍ବଲପୁର ଅଇଁଠାପାଲି ପିଏଚ୍‌ଡ଼ି ପଡ଼ିଆ ବିର୍ସା ମଇଦାନରେ ତୃତୀୟ ସମ୍ବଲପୁର୍‌ ମହୋତ୍ସବ ଆରମ୍ଭ ହେବ I ଏହି ମହୋତ୍ସବରେ ୪୫ ଲକ୍ଷ ଟଙ୍କା ଖର୍ଚ୍ଚ ହେବ ବୋଲି ଆୟୋଜକ ସମ୍ବଲପୁର ସାଂସ୍କୃତିକ ପରିଷଦ ପକ୍ଷରୁ ସୂଚନା ଦିଆଯାଇଛି I ଏହି ମହୋତ୍ସବରେ ଆସନ୍ତା ୨୦ରୁ ୨୪ ତାରିଖ ପର୍ଯ୍ୟନ୍ତ ରଂଗାରଂଗ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବ I ଏହି ୪ ଦିନ ଧରି ନୃତ୍ୟଗୀତର ଆସର ସହିତ ଆଲୋଚନାଚକ୍ର ମଧ୍ୟ ଆୟୋଜନ କରାଯାଇଛି I

ତେବେ, ‘ମନହରି ହାଟ’ ୨୦ରୁ ୩୦ ତାରିଖ ପର୍ଯ୍ୟନ୍ତ ଚାଲିବ I ଏହି ହାଟରେ ପ୍ରାୟ ୩୦୦ ଷ୍ଟଲରେ ‌ଦେଶର ବିଭିନ୍ନ ପ୍ରାନ୍ତର ବିଭିନ୍ନ ପ୍ରକାର ସାମଗ୍ରୀ ବିକ୍ରି ପାଇଁ ଉପଲବ୍‌ଧ ରହିବ I ୨୦ ନଭେମ୍ବର ସକାଳ ୮ଟାରେ ସମଲେଇ ଗୁଡ଼ିରେ ପୂଜାର୍ଚ୍ଚନା, ସକାଳ ୯ଟାରେ ବୀର ବିର୍ସା ମଇଦାନରେ ଝୋଟି, ରଙ୍ଗୋଲି ଆଦି ପ୍ରତିଯୋଗିତା, ପୂର୍ବାହ୍ନ ୧୧ଟାରେ ମନହରି ହାଟ, ଚିତ୍ରକଳା ପ୍ରଦର୍ଶନୀ, ଫଟୋ ପ୍ରଦର୍ଶନୀ, ସୁଆଦ୍ ସମ୍ବଲପୁରୀ ଷ୍ଟଲ୍‌କୁ ଯଥାକ୍ରମେ ଆଇଆଇଏମ୍ ସମ୍ବଲପୁରର ନିର୍ଦ୍ଦେଶକ ପ୍ରଫେସର ମହାଦେବ ପ୍ରସାଦ ଜୟସ୍ବାଲ୍‌, ସମ୍ବଲପୁର ବିଶ୍ବବିଦ୍ୟାଳୟର କୁଳପତି ପ୍ରଫେସର ଏନ୍‌.ନାଗରାଜୁ ଓ ଭିସୁଟ୍ କୁଳପତି ପ୍ରଫେସର ବଂଶୀଧର୍‌ ମାଝୀ ପ୍ରମୁଖ ଉଦ୍‌ଘାଟନ କରିବା କାର୍ଯ୍ୟକ୍ରମ ରହିଛି I ସନ୍ଧ୍ୟା ୬ଟାରେ ଭାଗବତ ନନ୍ଦ ମୁକ୍ତମଂଚରେ ସମ୍ବଲପୁର ମହୋତ୍ସବକୁ ଉଦ୍‌ଘାଟନ କରିବେ ପଦ୍ମଶ୍ରୀ ହଲଧର ନାଗ୍‌ I

ଏହି ଅବସରରେ ଲୋକଗୀତ, ଲୋକନୃତ୍ୟ, ସମ୍ବଲପୁରୀ ଫେସନ୍ ସୋ’ ଆଦି କାର୍ଯ୍ୟକ୍ରମ ପରିବେଷଣ କରାଯିବ I ସ୍ଥାନୀୟ କଳାକାରଙ୍କ ସହିତ ରାଜ୍ୟ ଓ ଜାତୀୟ ସ୍ତରର ଲୋକନୃତ୍ୟ ଦଳଗୁଡ଼ିକ ବି ଲୋକନୃତ୍ୟ ପରିବେଷଣ କରିବେ ବୋଲି ଆଜି ସନ୍ଧ୍ୟାରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି I ଚଳିତ ବର୍ଷ ବିଭିନ୍ନ ‌କ୍ଷେତ୍ରରେ ଅବଦାନ ପାଇଁ ସମ୍ବଲପୁର ମହୋତ୍ସବରେ ଦିପାଳି ଚୌଧୁରୀ, ଉରୁକୁଲୁ ଭୋରାସାଗର, ଗରିବ ସୁନା, ପ୍ରଫେସର ଶଙ୍କର ପ୍ରସାଦ ପତି, କବି ଦୁର୍ଗା ପଣ୍ଡା, ନୁର୍ ବେଗମ୍‌, ମଗଶିର ଢୁଲିଆ, ଭରତ ମିଶ୍ର, ଶ୍ରୀନିବାସ ମିଶ୍ର, ଦୁର୍ଗା ପ୍ରସାଦ ନାଥ, ସୁରଥ ଚନ୍ଦ୍ର ନାୟକ ପ୍ରମୁଖ ବ୍ୟକ୍ତିବିଶେଷଙ୍କ ସହିତ ସ୍ବେଚ୍ଛାସେବୀ ଅନୁଷ୍ଠାନ ପ୍ରୟାସ ପରିବାର ଓ ମା’ ଲିମ୍‌ ସରିଏନ୍ ଯୁବକ ସଂଘକୁ ସମ୍ବର୍ଦ୍ଧିତ କରାଯିବ I

ସାଂସ୍କୃତିକ କାର୍ଯ୍ୟକ୍ରମରେ ସୁନୀଲ ମହାନନ୍ଦ, ଓମନୀଶ ଦାଶ, ଉମାକାନ୍ତ ବାରିକ, ଶାନ୍ତନୁ ସାହୁ, ନିବାସ ବେହେରା, ଶଙ୍କର ପ୍ରଧାନ, ରଂଜନ ସାହୁ, ରୁକୁ ସୁନା, ମଣ୍ଟୁ ଛୁରିଆ ପ୍ରମୁଖ ମହୋତ୍ସବରେ ମୁଖ୍ୟ ଆକର୍ଷଣ ହେବେ ବୋଲି ଆୟୋଜକଙ୍କ ପକ୍ଷରୁ ସୂଚନା ଦିଆଯାଇଛି I ପଦ୍ମଶ୍ରୀ ଜିତେନ୍ଦ୍ର ହରିପାଲ, ସପନ ମିଶ୍ର, ଭକ୍ତ ପ୍ରସାଦ ନନ୍ଦ, ଗୋଲବିହାରୀ ମିଶ୍ର, ସଦାନନ୍ଦ ପଣ୍ଡା, ଦୁର୍ଗାପ୍ରସାଦ ଦାଶ, ବନ୍ଦନା ପଣ୍ଡା, ଶିଶିର କର ପ୍ରମୁଖ ସାମ୍ବାଦିକ ସମ୍ମିଳନୀରେ ବିଭିନ୍ନ ସୂଚନା ପ୍ରଦାନ କରିଥିଲେ I

Related Post

ବିଭିନ୍ନ ପ୍ରତିଯୋଗୀତାର କୃତୀ ପ୍ରତିଯୋଗୀଙ୍କୁ ପୁରସ୍କୃତ 

Posted by - August 19, 2021 0
ଯାଜପୁର ଜିଲାପାଳଙ୍କ ସମ୍ମିଳନୀ କକ୍ଷରେ ଜିଲାସ୍ତରୀୟ ଓଡିଆ ସହିତ୍ୟ ଏକାଡେମୀ ପ୍ରତିଷ୍ଠା ଦିବାସ ଏବଂ ସ୍ୱାଧିନତା ଦିବସ ଅବସରରେ ଆୟୋଜିତ ବିଭିନ୍ନ ପ୍ରତିଯୋଗୀତାର କୃତୀ ପ୍ରତିଯୋଗୀଙ୍କୁ ପୁରସ୍କୃତ କରାଯାଇଛି । କୋଭିଡ କଟକଣା ଯୋଗୁଁ ସ୍ୱାଧିନତା ଦିବସ ଦିନ ପ୍ରତିଯୋଗୀଙ୍କୁ ପୁରସ୍କାର ଦିଆଯାଇନଥିଲା । ଉତ୍ସବରେ ଭାରପ୍ରାପ୍ତ ଜିଲାପାଳ ଅକ୍ଷୟ କୁମାର ମଳ୍ଲିକ,ଜିଲା ସୂଚନା ଓ ଲୋକସଂପର୍କ ଅଧିକାରୀ ସନ୍ତୋଷ କୁମାର ସେଠୀ ପ୍ରମୁଖ ଯୋଗ ଦେଇ କୃତୀ ପ୍ରତିଯୋଗୀ ମାନଙ୍କୁ ମାନପତ୍ର ଓ ଟ୍ରପିଂପ୍ରଦାନ କରିଥିଲେ । ଏଥିସହିତ ରାଜ୍ୟ ସ୍ତରୀୟ ପ୍ରତିଯୋଗୀତା ପାଇଁ ମନୋନୀତ ହୋଇଥିବା ପ୍ରତିଯୋଗୀଙ୍କୁ ଆର୍ଥିକ ପୁରସ୍କାର ମଧ୍ୟ ପ୍ରଦାନ କରାଯାଇଥିଲା ।

ଯାଜପୁର ସହରରେ ଓଡ଼ିଶାର ଐତିହ ପରମ୍ପରା ଉପରେ ଆଧାରିତ ରିଏଲିଟି ଶୋ’ର ଅଡିସନ

Posted by - April 5, 2022 0
ଯାଜପୁର :(ଆନନ୍ଦ ଚନ୍ଦ୍ର ସାହୁ )ଯାଜପୁର ସହରର ଶାନ୍ତି ମଣ୍ଡପରେ ଓଡ଼ିଶାର ଐତିହ ପରମ୍ପରା ଉପରେ ଆଧାରିତ ଏକ ରିଏଲିଟି ଶୋ’ ର ଅଡିସନ ଅନୁଷ୍ଠିତ ହୋଇଯାଇଛି…

ଆହ୍ୱାନ ଅନୁଷ୍ଠାନ ପକ୍ଷରୁ ଓଡ଼ିଆ ଚଳଚ୍ଚିତ୍ର ଆଖି ର ଶୁଭ ମହୁରତ

Posted by - November 9, 2020 0
ଯାଜପୁର:ଯାଜପୁର ସ୍ଥିତ ଜଗନ୍ନାଥ ମନ୍ଦିର ପରିସର ରେ ଆହ୍ୱାନ ଅନୁଷ୍ଠାନ ପକ୍ଷରୁ ଓଡ଼ିଆ ଚଳଚ୍ଚିତ୍ର ଆଖି ର ଶୁଭ ମହୁରତ ହୋଇଯାଇଛି। ଏହି କାର୍ଯ୍ୟକ୍ରମ ରେ ମୁଖ୍ୟ…

ବସ୍ତାରେ କଳା ପ୍ରତିଭା ପକ୍ଷରୁ ସମ୍ମାନ ସମାରୋହ

Posted by - October 26, 2021 0
ବସ୍ତା:(ପ୍ରଭାକର ମଲ୍ଲିକ)ବସ୍ତାରେ କଳା ପ୍ରତିଭା ପକ୍ଷରୁ ସମ୍ମାନ ସମାରହ ସମ୍ଭୁନାଥ ହାଇସ୍କୁଲ ପରିସରରେ ସେଛାସେବି ଅନୁଷ୍ଠାନ ,ସମାଧାନ, ପକ୍ଷରୁ ଶନିବାର ସଂଧ୍ଯାରେ ବସ୍ତା ଅଞ୍ଚଳର ବହୁ ପ୍ରତିଭାଧାରି…

ସୁରଜିତ ସିଂ ମହାରଥା ଙ୍କ କୋସଲୀ କଥାନୀ ମାଲାର ଶୁଭ ଉନ୍ମୋଚନ

Posted by - January 9, 2022 0
ନୂଆପଡା:(ମେଘନାଦ ନାଏକ)ନୂଆପଡା ଜିଲ୍ଲା ଖଡିଆଳ ବ୍ଲକ ଦେଓବାହାଲ ଗ୍ରାମ ଠାରେ ସୁରଜିତ ସିଂ ମହାରଥାଙ୍କ କୋସଲୀ ବହି କୋସଲୀ କଥାନୀ ମାଲା ରବିବାର ଉନ୍ମୋଚିତ ହୋଇଯାଇଛି ।…