Breaking News
8:48 amକେନ୍ଦ୍ରାପଡ଼ା ବାଲିଆ ବାଣ ବିସ୍ଫୋରଣ ଘଟଣାରେ ଚିକିତ୍ସାଧୀନ ଅବସ୍ଥାରେ ଜଣେ ମୃତ, ୩ ଜଣ ପୂଜା କମିଟି ସଦସ୍ୟଙ୍କୁ ଗିରଫ କଲା ପୁଲିସ 8:45 amକେନ୍ଦ୍ରମନ୍ତ୍ରୀ ଅଶ୍ବିନୀ ବୈଷ୍ଣବଙ୍କ ଓଡିଶା ଗସ୍ତ, ସମୀକ୍ଷା କରିବେ ରେଳ ପ୍ରକଳ୍ପ, 8:38 amଡିସେମ୍ବର ପହିଲା ସୁଦ୍ଧା ହିତାଧିକାରୀଙ୍କୁ ଶୀତ ସହାୟତା ଦେବାକୁ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ। ମଧୁବାବୁ ପେନ୍‌ସନ ଓ ଜାତୀୟ ପେନ୍‌ସନ ଯୋଜନା ହିତାଧିକରୀଙ୍କୁ ମିଳିବ ଏହି ସହାୟତା 8:36 amଅର୍ଚ୍ଚନା ମାମଲାରେ ଶ୍ରଦ୍ଧାଞ୍ଜଳି ଓ ଚନ୍ଦନଙ୍କୁ ଇଡିର ଜେରା। ୧୪ ଘଣ୍ଟାର ଜେରା ପରେ ଇଡି ଅଫିସରୁ ବାହାରିଲେ ଶ୍ରଦ୍ଧାଞ୍ଜଳି, ଚନ୍ଦନଙ୍କୁ ୯ ଘଣ୍ଟା ଜେରା କଲା ଇଡି 8:34 amଆଠଗଡ଼ ଥାନା ରାଜନଗର ନିକଟ ଡାଳଖାଇ ଠାକୁରାଣୀ ମନ୍ଦିର ନିକଟରେ ଚର୍ଚ୍ଚିତ ଯାତ୍ରା ଅଭିନେତ୍ରୀ ରାଣୀ ପଣ୍ଡାଙ୍କ କାର୍‌ ଓ ଏକ ବାଇକ୍‌ ମଧ୍ୟରେ ମୁହାଁମୁହିଁ ଧକ୍କା,ଦୁର୍ଘଟଣାରେ ବାଇକ୍‌ ଚାଳକଙ୍କ ମୃତ୍ୟୁ

ବେନୁପଡ଼ା ଗାଦିବ୍ରହ୍ମ ମଠର ନୂତନ ମହନ୍ତ ବାବାଜୀ ଶିଶିର ଦାସଙ୍କର ଦାୟିତ୍ୱ ଗ୍ରହଣ

41 0

ଭୁବନେଶ୍ୱର : (ବ୍ୟୁରୋ) ପୁରୀ ଜିଲ୍ଲାର ଡେଲାଙ୍ଗ ବ୍ଲକ୍‍ସ୍ଥିତ ବେନୁପଡ଼ାଠାରେ ଥିବା ପ୍ରସିଦ୍ଧ ଗାଦିବ୍ରହ୍ମ ପୀଠ ମଠର ନୂତନ ମହନ୍ତ ବାବାଜୀ ଶ୍ରୀଶ୍ରୀ ଶିଶିର ଦାସ ଦାୟିତ୍ୱ ଗ୍ରହଣ କରିଥିବା ଜଣାଯାଇଛି । ଶ୍ରୀଶ୍ରୀ ଅଲେଖ ସ୍ୱାମୀ ପ୍ରଭୁ ପ୍ରଖ୍ୟାତ ମହନ୍ତ ମହାରାଜ ଶ୍ରୀଶ୍ରୀ ଦାଶରଥି ଦାସଙ୍କର ଦେହାନ୍ତ ପରେ ଶ୍ରୀଶ୍ରୀ ଶିଶିର ଦାସଙ୍କୁ ପରବର୍ତ୍ତୀ ମଠାଧୀଶ ଭାବେ ଗାଦିସୀନ କରାଯାଇଛି । ବିଧି ମୁତାବକ ନବନିଯୁକ୍ତ ମହନ୍ତଙ୍କୁ ପୂର୍ବ ମହନ୍ତଙ୍କର ତୁଳସୀ ମାଳ, ଗଣ୍ଠିମାଳ, ବଂଶୀ ଓ ନିଶାଣ ବାଡ଼ି ପ୍ରଦାନ କରାଯାଇଛି । ଶ୍ରୀଶ୍ରୀ ଶିଶିର ଦାସ ଏବେ ଗାଦିବ୍ରହ୍ମ ପୀଠର ସର୍ବମୟ କର୍ତ୍ତା । ମଠର ନୀତି ନିୟମ ଅନୁଯାୟୀ ମହନ୍ତ ମହାରାଜ ପୀଠାସୀନ ହେବାମାତ୍ରେ ତାଙ୍କୁ ପରବର୍ତ୍ତୀ ସାରା ଜୀବନ ମଠ ମଧ୍ୟରେ ହିଁ କଟାଇବାକୁ ପଡ଼ିଥାଏ । ପରମ୍ପରା ଅନୁସାରେ ତାଙ୍କର କାର୍ଯ୍ୟ ପରିଧୀ ମଠର ୨୨ ଗୁଣ୍ଠ ଜମି ମଧ୍ୟରେ ହିଁ ସୀମିତ ରହିଥାଏ । କୌଣସି ପରିସ୍ଥିତିରେ ବି ସେ ମଠ ପରିସରକୁ ଛାଡ଼ି ବାହାରକୁ ଯିବା ନେଇ ଆକଟ ରହିଛି ବୋଲି ମଠର ପରିଚାଳକ ବାବାଜୀ କାଳୁଚରଣ ଦାସ ପ୍ରକାଶ କରିଛନ୍ତି । ପୁରୀ ଜିଲ୍ଲା ତଥା ସାରା ଓଡ଼ିଶାରେ ବ୍ୟାପକ ଭାବେ ଲୋକପ୍ରିୟତା ହାସଲ କରିଥିବା ବେନୁପଡ଼ା ଗାଦିବ୍ରହ୍ମ ପୀଠ ମଠ ଅଧୀନରେ ରାଜ୍ୟର ବିଭିନ୍ନ ଅଞ୍ଚଳରେ ୭୫୨ଟି ଶାଖା ଏବେ କାର୍ଯ୍ୟ କରୁଛି ।

ମଠ କାର୍ଯ୍ୟ ସୂଚାରୁ ରୂପେ ସମ୍ପାଦନା ପାଇଁ ମଠାଧୀଶ ମହନ୍ତଙ୍କୁ ପରାମର୍ଶ ଦେବା ସକାଶେ ଏକ ପରିଚାଳନା କମିଟି ରହିଛି ।ଷୋଢ଼ସ ଶତାବ୍ଦୀରେ ଗାଦିବ୍ରହ୍ମ ମଠର ପ୍ରତିଷ୍ଠା ହୋଇଥିଲା । ଏହାର ପ୍ରତିଷ୍ଠାତା ଓ ପ୍ରଥମ ମହନ୍ତ ଥିଲେ ମହାପୁରୁଷ ବାଇଧର ଦାସ । ପିଲାଟି ବେଳୁ ବାପ ଛେଉଣ୍ଡ ବାଇଧର ଦାସ ମୂଲ ଲାଗି ପରିବାର ପୋଷଣ କରୁଥିବାବେଳେ ହଠାତ୍‍ ଦିନେ ନିକଟବର୍ତ୍ତୀ ଘରମାଣିଆ ତୋଟା ନିକଟରେ ଅଟକି ଯାଇଥିଲେ । ମା’ଙ୍କର କାକୁତି ମିନତୀ ସତ୍ତ୍ୱେ ସେ ଆଉ ଘରକୁ ଫେରି ନଥିଲେ । ସେଠାରେ ଶ୍ରୀ ଦାସ ଏହି ମଠ ନିର୍ମାଣ କରିଥିଲେ । ତାଙ୍କର ଚମତ୍‍କାରିତାର କାହାଣୀ ସର୍ବସାଧାରଣରେ ପ୍ରଚାର ହେବା ପରେ ପ୍ରତ୍ୟେକ ଦିନ ଏହି ପୀଠକୁ ହଜାର ହଜାର ସଂଖ୍ୟାରେ ଭକ୍ତଙ୍କର ସୁଅ ଛୁଟିଲା । ମଠାଧୀଶ ମହାରାଜ ବାଇଧର ଦାସଙ୍କର ମହିମା ଦ୍ୱାରା ଲୋକଙ୍କର ମନୋସ୍କାମନା ପୂରଣ ହେଉଥିବାରୁ, ଗାଦିବ୍ରହ୍ମ ମଠର ପ୍ରସିଦ୍ଧି ଦିନକୁ ଦିନ ବଢ଼ିବଢ଼ି ଚାଲିଲା । ଫଳସ୍ୱରୂପ ଏହି ମଠ ଓ ଏହାର ମହନ୍ତଙ୍କର ସୁନାମ ବିଶ୍ୱବିଖ୍ୟାତ ହେବାକୁ ଲାଗିଲା ।

ମହାରାଜ ଦାଶରଥୀ ଦାସ ମାତ୍ର ୩୦ ବର୍ଷ ବୟସରେ ବହୁ ଚର୍ଚ୍ଚିତ ଗାଦିବ୍ରହ୍ମ ମଠର ଷଷ୍ଠ ମହନ୍ତ ଭାବେ ନିଯୁକ୍ତ ହେବାର ସୌଭାଗ୍ୟ ଅର୍ଜନ କରିଥିଲେ । ଜୀବନ ରାସ୍ତାରେ ଅନ୍ୟ ପିଲାମାନଙ୍କ ଭଳି ପାଠସାଠ ପଢ଼ି ବଡ଼ ହେବା ଲକ୍ଷରେ ଅଗ୍ରସର ହେଉଥିବା ଦାଶରଥୀଙ୍କର ମନରେ ହଠାତ୍‍ ଆଧ୍ୟାତ୍ମିକ ଚେତନା ଜାଗ୍ରତ ହୋଇଥିଲା । ଅଗତ୍ୟା ସେ ଘରଦ୍ୱାର ଛାଡ଼ି ବେନୁପଡ଼ା ମଠକୁ ଯାଇ ସେଠାରେ ବାବାଜୀ ହେବାକୁ ସିଦ୍ଧାନ୍ତ ନେଇଥିଲେ । ପରବର୍ତ୍ତୀ କାଳରେ ତାଙ୍କର ଭଗବତ ସାଧନା ଓ ସିଦ୍ଧି ତାଙ୍କୁ ମଠାଧୀଶ ହେବାର ସୁଯୋଗ ଆଣି ଦେଇଥିଲା । ଆଜିଠୁ ଠିକ୍‍ ୨୫ବର୍ଷ ତଳେ ଶ୍ରୀଶ୍ରୀ ଦାସ ଏହି ଆଧ୍ୟାତ୍ମିକ ଦାୟିତ୍ୱ ଗ୍ରହଣ କରିବା ପରେ ତାଙ୍କର ଜୀବନଯାପନ ଶୈଳୀରେ ଅଭୂତପୂର୍ବ ପରିବର୍ତ୍ତନ ଆସିଥିଲା । ଜଣେ ସାଧାରଣ ମଣିଷରୁ ସେ ପାଲଟି ଯାଇଥିଲେ ଅସାଧାରାଣ ଓ ଅଲୌକିକ ମହାତ୍ମା ।

ମଠ ପରିସରରେ ମାନବ ସମାଜର ସର୍ବକଲ୍ୟାଣ ପାଇଁ ପୂଜାର୍ଚ୍ଚନା, ତପଜପ, ଧ୍ୟାନ ଏବଂ ପ୍ରବଚନ ଆଦିରେ ବାବାଜୀ ଶ୍ରୀଶ୍ରୀ ଦାସଙ୍କର ସମୟ ଅତିବାହିତ ହେଉଥିଲା । ସାରା ଓଡ଼ିଶାରୁ ମଠକୁ ଭ୍ରମଣ ପାଇଁ ଆସୁଥିବା ଭକ୍ତମାନଙ୍କ ପାଇଁ ଏଠାକାର ଅରୁଣ ସ୍ତମ୍ଭ, ସୁଶୋଭିତ ମଦନମୋହନ ମନ୍ଦିର ଏବଂ ଗର୍ଭଗୃହରେ ବିରାଜମାନ ଥିବା ଅଷ୍ଟଧାତୁ ପ୍ରତିମା ମୁଖ୍ୟ ଆକର୍ଷଣର କେନ୍ଦ୍ର ବିନ୍ଦୁ ରହିଆସିଛି । ବାବାଜୀଙ୍କର ଭାଷାରେ “ଯିଏ ମହନ୍ତ ହେଲା ସେ ସମାଜର, ସମାଜ ପାଇଁ ଏବଂ ସମାଜ ଦ୍ୱାରା, ଏଣୁ ସମାଜର ହୀତ ସାଧନ କରିବା ମହନ୍ତଙ୍କର ପ୍ରଧାନ କର୍ତ୍ତବ୍ୟ ।” ମହନ୍ତ ମହାରାଜ ଦାଶରଥୀ ଦାସଙ୍କର ତ୍ୟାଗପୂତ ଜୀବନ, ନିସ୍କାମ ସେବା, ଉତ୍ସର୍ଗୀକୃତ ଭାବନା ଏବଂ ଐଶ୍ୱରୀୟ ପ୍ରତିଭା, ତାଙ୍କୁ ଶ୍ରଦ୍ଧାଳୁମାନଙ୍କ ନିକଟରେ ଅବତାରୀ ମହାପୁରୁଷର ମାନ୍ୟତା ପ୍ରଦାନ କରିଥିଲା । ୬୫ବର୍ଷ ବୟସରେ ଶ୍ରୀଶ୍ରୀ ଦାସ, ଚଳିତ ଅକ୍ଟୋବର ମାସ ୮ ତାରିଖରେ ଇହଲୀଳା ସମ୍ବରଣ କରିଛନ୍ତି ।

Related Post

ଶିକ୍ଷକଙ୍କ ବିରୁଦ୍ଧରେ ସାଂଘାତିକ ଅଭିଯାେଗ ଆଣିଲେ ଯୋଡ଼ିଙ୍ଗା ଗ୍ରାମବାସୀ

Posted by - January 28, 2022 0
ନବରଙ୍ଗପୁର:(ବେଣୁ ଗୋପାଳ ରାଓ)ଲୋକେ ଶିକ୍ଷକଙ୍କୁ ଗୁରୁ ମାନି ସମ୍ମାନ ଦିଅନ୍ତି । ଯାହା କଥାରେ ଅଛି ଗୁରୁ ବ୍ରହ୍ମା ଗୁରୁ ବିଷ୍ଣୁ ଗୁରୁଦେବ ମହେଶ୍ୱର, ଗୁରୁ ସାକ୍ଷାତ…

ଜଳଯୋଗାଣ ଓ ପରିମଳ ବିଭାଗ କନିଷ୍ଠ ଯନ୍ତ୍ରୀଙ୍କ ପଦୋନ୍ନତି

Posted by - November 6, 2022 0
ନର୍ଲା:(ଅମିୟ କୁମାର ଦାସ)କଳାହାଣ୍ଡି ଜିଲ୍ଲା ଜଳଯୋଗାଣ ଓ ପରିମଳ ବିଭାଗର ବିଭିନ୍ନ ବ୍ଳକରେ କାର୍ଯ୍ୟରତ କନିଷ୍ଠ ଯନ୍ତ୍ରୀଙ୍କ ପଦୋନ୍ନତି ଦିଆଯାଇଛି। କନିଷ୍ଠ ଯନ୍ତ୍ରୀରୁ ସହକାରୀ ଯନ୍ତ୍ରୀକୁ ନର୍ଲା,ମ.…

ପି. ଇ.ଓ. ଙ୍କୁ ଅବସର କାଳୀନ ସମ୍ବର୍ଦ୍ଧନା

Posted by - March 2, 2021 0
ନୀଳଗିରି:(ସୌମ୍ୟାସାଇ ବାରିକ)ନୀଳଗିରି ବ୍ଲକ ର ଜଣେ ଦକ୍ଷ, କର୍ତ୍ତବ୍ୟ ନିଷ୍ଟ ଓ ସଚ୍ଚୋଟ ପଞ୍ଚାୟତ ନିର୍ବାହୀ ଅଧିକାରୀ ଙ୍କୁ ଅବସର କାଳୀନ ସମ୍ବର୍ଦ୍ଧନା ପ୍ରଦାନ କରାଯାଇଛି। ସୂଚନା…

ସମ୍ବଲପୁରେ ପାଳିତ ହେଲା ଜଡିବୁଟି ଦିବସ

Posted by - August 6, 2022 0
ସମ୍ବଲପୁର:(ରମାକାନ୍ତ ବିଶ୍ଵାଳ ) ଆୟୁର୍ବେଦ ଶିରୋମଣି ଆଚାର୍ଯ୍ୟ ବାଳକୃଷ୍ଣ ଙ୍କ ଜନ୍ମ ଦିବସ ଉପଲକ୍ଷେ ସାରା ଭାରତ ବର୍ଷରେ ଜଡିବୁଟି ଦିବସ ଭାବେ ପାଳିତ ହୋଇଯାଇଛି l…