Breaking News
10:57 pmଜାତୀୟ ସେବା ଯୋଜନା ପୁରସ୍କାର ପ୍ରଦାନ କଲେ ରାଷ୍ଟ୍ରପତି; ବିଭିନ୍ନ ବର୍ଗରେ ଓଡ଼ିଶାରୁ ୩ ଜଣ ସାମିଲ 10:56 pmଖୋର୍ଦ୍ଧା: ଖୋର୍ଦ୍ଧା ଜିଲ୍ଲା କୃଷି ବିଭାଗ କାର୍ଯ୍ୟାଳୟ ନିକଟରେ ଅବକାରୀ ବିଭାଗ ପକ୍ଷରୁ ଚଢ଼ଉ,୨ଲକ୍ଷ ଟଙ୍କାର ବ୍ରାଉନସୁଗାର ଜବତ, ମହିଳା ଗିରଫ 10:54 pmପୁରୀ ଜିଲ୍ଲା ପରିଷଦ ଜୋନ ୧୧ର ସଦସ୍ୟ ଧର୍ମେନ୍ଦ୍ର ସାହୁ ଆତ୍ମହତ୍ୟା ଘଟଣା,ଖୋଲିବ ଗୁମର, ହଜିଲା ମୋବାଇଲ ଫୋନ୍‌ ମିଳିଲା 10:53 pmକୋରାପୁଟ: କୋଟିଆ ସୀମାନ୍ତ ଆନ୍ଧ୍ରପ୍ରଦେଶର ଜଙ୍ଗଲରେ ବୁଲୁଛି ବାଘ। ବନ ବିଭାଗ ପକ୍ଷରୁ ନିଆଯାଇଛି ଆବଶ୍ୟକ ପଦକ୍ଷେପ। କୋରାପୁଟ ଜିଲ୍ଲାପାଳଙ୍କ ସୂଚନା 10:52 pmକୋରାପୁଟ: କୋରାପୁଟ ଜିଲ୍ଲା ଲମତାପୁଟ ବ୍ଲକ ଜଲାପୁଟ ଗାଁ ନିକଟ ମାହାରାଗାଁ ଓ ପଲାମୁଗାଁ ନିକଟ ଜଙ୍ଗଲରେ ବିସ୍ଫୋରକ ସାମଗ୍ରୀ ଠାବ କରି ନିଷ୍କ୍ରିୟ କଲା ବିଏସଏଫ୍‌

ସୁଭଦ୍ରା ଆର୍ଟ ଗ୍ୟାଲେରୀ ଦ୍ଵାରା ଦିଲ୍ଲୀରେ ଗାନ୍ଧୀ ଚିତ୍ରକଳା ପ୍ରଦର୍ଶନୀ

42 0

ନୂଆଦିଲ୍ଲୀ: ତା ୧୧.୦୮ଭୁବନେଶ୍ୱର ସ୍ଥିତ ସୁଭଦ୍ରା ଆର୍ଟ ଗ୍ୟାଲେରୀ ଆନୁକୁଲ୍ୟରେ ଦିଲ୍ଲୀ ଠାରେ ଗାନ୍ଧୀ ଚିତ୍ରକଳା ପ୍ରଦର୍ଶନୀ ଅନୁଷ୍ଠିତ ହୋଇଯାଇଛି। ଭାରତବର୍ଷର ସ୍ବାଧିନତାର ୭୫ ବର୍ଷ ପାଳନ ଉପଲକ୍ଷେ ବନା ଯାଉଥିବା, ”ଆଜାଦିକା ଅମୃତ ମହୋତ୍ସବ” ଅବସରରେ ଆୟୋଜିତ ଏହି ଚିତ୍ରକଳା ମହାକୁମ୍ଭରେ ଜାତୀୟ ରାଜଧାନୀରେ ଅବସ୍ଥାପିତ ଏବଂ ଓଡ଼ିଶାରୁ ସ୍ବତନ୍ତ୍ର ନିମନ୍ତ୍ରଣ କ୍ରମେ ଆସିଥିବା ବିଶିଷ୍ଟ ଚିତ୍ରଶିଳ୍ପୀ ମାନେ ଅଂଶ ଗ୍ରହଣ କରିଥିଲେ। ଏଠାକାର କନଷ୍ଟିଚ୍ୟୁସନ୍ କ୍ଲବ ସ୍ଥିତ ଐତିହାସିକ ସ୍ପିକର ହଲ୍ ଠାରେ ଗାନ୍ଧୀଙ୍କର ଜୀବନ ଓ ଦର୍ଶନ ଉପରେ ପ୍ରଦର୍ଶିତ ଚିତ୍ରକାର ମାନଙ୍କର ବିରଳ କଳା କଳାକୃତି ଗୁଡ଼ିକୁ ଦିଲ୍ଲୀର ବହୁ ବରେଣ୍ୟ ବ୍ୟକ୍ତି, ପ୍ରବାସୀ ଓଡ଼ିଆ ନେତୃବୃନ୍ଦ ଓ ବୁଦ୍ଧିଜୀବି ମାନେ ବୁଲି ଦେଖିବା ସହିତ ଏହି ଅନନ୍ୟ ଆୟୋଜନକୁ ଭୁରୀ ଭୁରୀ ପ୍ରଶଂସା କରିଥିଲେ।

ଉତ୍ସବରେ ପୌରହିତ୍ୟ କରି ସୁଭଦ୍ରା ଆର୍ଟ ଗ୍ୟାଲେରୀର ଅଧକ୍ଷ ତଥା ମୁଖ୍ୟ ଆୟୋଜକ ଡଃ ସୂର୍ଯ୍ୟ ରଥ, ମହାତ୍ମା ଗାନ୍ଧୀଙ୍କର ମହାନ୍ ଜୀବନ ଓ ମହତ୍ ଦର୍ଶନ ଦ୍ଵାରା ଚଳିତ ପିଢ଼ିର ଚିତ୍ରଶିଳ୍ପୀ ମାନେ ଅନୁପ୍ରାଣିତ ହେବାକୁ ଆହ୍ବାନ ଜଣାଇଥିଲେ। ଭବିଷ୍ୟତରେ ଦିଲ୍ଲୀର ପ୍ରବାସୀ ଓଡ଼ିଆ ଚିତ୍ରକାରଙ୍କ ସହଯୋଗରେ ତାଙ୍କର ଗ୍ୟାଲେରୀ ବହୁ ଦେଶାତ୍ମକବୋଧକ ଏବଂ ସୃଜନଶୀଳ କଳାତ୍ମକ କାର୍ଯ୍ୟକ୍ରମ ମାନ ଆୟୋଜନ କରିବାକୁ ଯାଉଥିବା ଡଃ ରଥ ଘୋଷଣା କରିଥିଲେ।

ଅନ୍ତର୍ଜାତୀୟ ଖ୍ୟାତିସମ୍ପନ୍ନ ଭାସ୍କର୍ଯ୍ୟ ଶିଳ୍ପୀ ରବି ନାରାୟଣ ରଥଙ୍କ ଦ୍ଵାରା, “ବୈଷ୍ଣବ ଜନ ତୋ…”ଭଜନର ତାଳେ ତାଳେ ମାତ୍ର ୧୦ ମିନିଟ ମଧ୍ୟରେ ଗାନ୍ଧୀ ମୂର୍ତ୍ତି ନିର୍ମାଣ, ପ୍ରଦର୍ଶନୀର ମୁଖ୍ୟ ଆକର୍ଷଣ ଥିଲା। ପ୍ରସିଦ୍ଧ ଶିଳ୍ପୀ ସୁଧାଂଶୁ ସୂତାର, ଗାନ୍ଧୀବାଦୀ ଚିନ୍ତାଧାରା ତାଙ୍କର କଳା କଳ୍ପନା ଓ ସର୍ଜନକୁ କିଭଳି ବିଶେଷ ଭାବେ ପ୍ରଭାବିତ କରିଛି, ତାହା ବେଶ୍ ପ୍ରାଞ୍ଜଳ ଭାବେ ବର୍ଣ୍ଣନା କରିଥିଲେ।

ସମାବେଶରେ ସୁନାମଧନ୍ୟ କବି ଶଙ୍କର୍ଷଣ ପରିଡ଼ା, ପ୍ରତିଷ୍ଠିତ ଲେଖିକା ଡଃ ସୁନିତୀ ମୁଣ୍ଡ ଓ ପ୍ରବାସୀ ଓଡ଼ିଆ ସମାଜସେବୀ ରିତା ପାତ୍ର ପ୍ରମୁଖ ଅତିଥି ଭାବରେ ଯୋଗ ଦେଇଥିଲେ। ସିଲଭର ଗାନ୍ଧୀ ଭାବେ ପ୍ରସିଦ୍ଧି ହାସଲ କରିଥିବା ମୋହନ ମହାପାତ୍ର, ମହାତ୍ମାଙ୍କ ବେଶରେ ଛିଡ଼ା ହୋଇ ତାଙ୍କର ସ୍ଵଭାବ ସୁଲଭ ଢଙ୍ଗରେ ଆଗନ୍ତୁକ ମାନଙ୍କୁ ହାର୍ଦ୍ଦିକ ସ୍ୱାଗତ ଜଣାଇବାର ଦୃଶ୍ୟ ବେଶ୍ ମର୍ମସ୍ପର୍ଶୀ ଥିଲା। ପ୍ରଦର୍ଶନୀରେ ଭାଗ ନେଇଥିବା ଚିତ୍ରଶିଳ୍ପୀ ଯଥା ସୁଧାଂଶୁ ସୂତାର, ପ୍ରବୋଧ ସ୍ବାଇଁ, ସଜଲ୍ ପାତ୍ର, ପ୍ରବୋଧ କୁମାର ସାହୁ, ତପନ ଦାସ, ଅନୁପ ଚାନ୍ଦ, ଶୁଭ୍ରା ଚାନ୍ଦ, ଡାଇନା ମହାପାତ୍ର, ମମତା ସାମନ୍ତରାୟ,ନିବେଦିତା ପଟ୍ଟନାୟକ, ଶଶିକାନ୍ତ ରାଉତ, ଟୁଟୁ ପଟ୍ଟନାୟକ, ମାନସ ରଂଜନ ଜେନା, ମନୋଜ ମହାନ୍ତି, ସ୍ଥିତାଧି ରଥ, କୁମୁଦ ଦାସ, ବନୋଜ ମହାନ୍ତି,ବିକ୍ରମ ନାୟକ, ସୌଭାଗ୍ୟ ମହାପାତ୍ର, ଜଗନ୍ନାଥ ମହାପାତ୍ର, ଚିନ୍ତାମଣି ବିଶ୍ଵାଳ, ଆଶିଷ ପାଣ୍ଡେ ଓ ସୁବାସ ପୂଜାରୀ ପ୍ରମୁଖଙ୍କୁ ଅତିଥି ମାନେ ସମ୍ବର୍ଦ୍ଧନା ଜ୍ଞାପନ କରିଥିଲେ। ପ୍ରାରମ୍ଭରେ ଉଦୀୟମାନ ଓଡ଼ିଶୀ ନୃତ୍ୟାଙ୍ଗନା ଅଭିପ୍ସା ଦାଶ ଗଣେଶ ବନ୍ଦନା ପରିବେଷଣ କରି ଦର୍ଶକ ମାନଙ୍କୁ ମନ୍ତ୍ରମୁଗ୍ଧ କରିଦେଇଥିଲେ।ସମଗ୍ର କାର୍ଯ୍ୟକ୍ରମକୁ ସୁଭଦ୍ରା ଆର୍ଟ ଗ୍ୟାଲେରୀର ନିର୍ଦ୍ଦେଶକ ଅଶୋକ ନାୟକ ସୁଚାରୁ ରୂପେ ପରିଚାଳନା କରିବା ସହିତ ଆନୁଷ୍ଠାନିକ ଭାବେ ଧନ୍ୟବାଦ ଅର୍ପଣ କରିଥିଲେ। ଉପସ୍ଥିତ ମାନ୍ୟଗଣ୍ୟ ବ୍ୟକ୍ତିଙ୍କ ମଧ୍ୟରେ ଉତ୍କଳ ଭାରତୀର ମୁଖ୍ୟ ସଂପାଦକ ଡଃ ନିର୍ମଳ ପଟ୍ଟନାୟକ, କଳିଙ୍ଗ ଭାରତୀ ଫାଉଣ୍ଡେସନର ପ୍ରତିଷ୍ଠାତା ସଭାପତି ଇଂ ଅକ୍ଷୟ ସାମଲ ଏବଂ ସୂର୍ଯ୍ୟକ୍ଷେତ୍ର ଫାଉଣ୍ଡେସନର ସଭାପତି ଡଃ ବିପିନ ମିଶ୍ର ପ୍ରମୁଖ ଅନ୍ତର୍ଭୁକ୍ତ ଥିଲେ।

Related Post

ସବୁଦିନ ପାଇଁ ନିଜ ସଙ୍ଗୀତ ମାଧ୍ୟମରେ ବଞ୍ଚି ରହିବେ ଲତା ମଙ୍ଗେସକର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

Posted by - February 6, 2022 0
ଭୁବନେଶ୍ୱର:( ନରେନ୍ଦ୍ର ନେଗୀ ଙ୍କ ସହ ଅର୍ଜୁନ ପଟ୍ଟନାୟକ )ଆର ପାରି ରେ କୋକିଳ କଣ୍ଠି ସ୍ୱର ସାମ୍ରା ଜ୍ଞୀ ଲତା ମଙ୍ଗେସକର।ନୀରବି ଯାଇଛି ତାଙ୍କ ସ୍ୱର।ଫେବୃୟାରୀ…

ସୁରଟ ରେ କୋଚିଂ ସେଣ୍ଟରରେ ନିଆଁ,୧୬ ଛାତ୍ରଛାତ୍ରୀ ମୃତ

Posted by - May 25, 2019 47
ସୁରତ: ଗୁଜରାଟର ସୁରତସ୍ଥିତ ସର୍ଥାନାଠାରେ ଥିବା ଏକ କୋଚିଂ ସେଣ୍ଟରରେ ନିଆଁ ଲାଗିବା କାରଣରୁ ୧୬ ଜଣ ଛାତ୍ରଛାତ୍ରୀ ପ୍ରାଣ ହରାଇଛନ୍ତି। ବିଲ୍ଡିଂର ତୃତୀୟ ଏବଂ ଚତୁର୍ଥ…

ସାବଧାନ! ମହିଳାଙ୍କ ସାଧାରଣ ଫଟୋଗ୍ରାଫକୁ ଅଶ୍ଳୀଳ ଫଟୋରେ ପରିଣତ କରୁଛି ସଫ୍ଟୱେୟାର

Posted by - October 22, 2020 0
ନୂଆ ଦିଲ୍ଲୀ:ବମ୍ବେ ହାଇକୋର୍ଟ ସୂଚନା ଏବଂ ପ୍ରସାରଣ ମନ୍ତ୍ରଣାଳୟରୁ ଆର୍ଟିଫିସିଆଲ ଇଣ୍ଟେଲିଜେନ୍ସି (କୃତ୍ରିମ ବୁଦ୍ଧିମତା/AI) ଭିତ୍ତିକ ସଫ୍ଟୱେୟାର (DEEP FAKE) ବିଷୟରେ ସୂଚନା ମାଗିଛନ୍ତି, ଯାହା ମହିଳାଙ୍କ…

ଏହା ଦେଶର କୃଷି କ୍ଷେତ୍ରକୁ ବଦଳାଇବାର ଏକ ରୋଡମ୍ୟାପ: ବଜେଟକୁ କହିଲେ ମୋଦି

Posted by - July 6, 2019 0
ନୂଆଦିଲ୍ଲୀ,୫।୭: ମୋଦି ସରକାରଙ୍କ ଦ୍ୱିତୀୟ ପାଳିର ପ୍ରଥମ ପୂର୍ଣ୍ଣାଙ୍ଗ ବଜେଟ ଶୁକ୍ରବାର ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ ଉପସ୍ଥାପନ କରିଛନ୍ତି। ତେବେ ଏହି ବଜେଟକୁ ନେଇ ପ୍ରଧାନମନ୍ତ୍ରୀ କହିଛନ୍ତି…