ଦୁର୍ନୀତି ହଟାଇ ମୂଲ୍ୟବୋଧଭିତ୍ତିକ ସେବା ଯୋଗାଇ ଦେବା ପାଇଁ ସଚେତନତା କର୍ମଶାଳା ଅନୁଷ୍ଠିତ

Posted on September 23, 2019 at 8:05 am by Aei Odisha

3759 456

ଅନୁଗୋଳ – ସମାଜର ପ୍ରତ୍ୟେକ ସ୍ତରରୁ ଦୁର୍ନୀତି ହଟାଇ ଲୋକ ମାନଙ୍କ ମୂଲ୍ୟବୋଧଭିତ୍ତିକ ସେବା ଯୋଗାଇ ଦେବା ପାଇଁ ସରକାର ଓଡିଶା ଲୋକଯୁକ୍ତ ଅଧିନିୟମ ୨୦୧୪କୁ ଗତବର୍ଷ ଜୁଲାଇ ୭ ତାରିଖରେ କାର୍ଯ୍ୟକାରୀ କରିଛନ୍ତି । ଏହି ନୂତନ ଆଇନ ସମ୍ପର୍କରେ ଜଣ ସଚେତନତା ସୃଷ୍ଟି ଉଦ୍ୟେଶରେ ଓଡିଶା ହାଇକୋର୍ଟର ପୂର୍ବତନ ବିଚାରପତି ବିଜୟ କୁମାର ନାୟକଙ୍କ ଅଧ୍ୟକ୍ଷତାରେ ଅନୁଗୋଳ ଜିଲ୍ଲାରେ ଆଜି ସଚେତନତା କର୍ମଶାଳା ଅନୁଷ୍ଠିତ ହୋଇ ଯାଇଛି । ଦୁର୍ନୀତି ଓ ଭ୍ରଷ୍ଟାଚାରର ମୂଳତ୍ପାଟନ ଲକ୍ଷ୍ୟରେ ଏହି ଆଇନ ପ୍ରଣୟନ କରା ଯାଇଛି ।

କାର୍ଯ୍ୟକ୍ରମରେ ଉପସ୍ଥିତ ଅତିଥି ମାନେ ଏହି ଲୋକାଯୁକ୍ତ କଣ ଓ ଏହା କିପରି କାର୍ଯ୍ୟକାରୀ ହେବା ସହ ସାଧାରଣ ଲୋକ ଏହା ଦ୍ୱାରା କଭଳି ସୁଫଳ ପାଇ ପାରିବେ ସେ ନେଇ ଆଲୋକପାତ କରିଥିଲେ । ମୂଖ୍ୟତଃ ସରକାରୀ କର୍ମଚାରୀଙ୍କ ଦୁର୍ନୀତି ବିରୁଦ୍ଧରେ ଏହା ବେଶ ସହାୟକ ହେବ । ରାଜ୍ୟରେ ପୂର୍ବରୁ ଭିଜିଲାନ୍ସ , କ୍ରାଇମବ୍ରାଞ୍ଚ ଭଳି ସଂସ୍ଥା ଥିବା ସତ୍ୱେ ଦୁର୍ନୀତି ବଢି ବଢି ଚାଲିଛି । ଏହାକୁ ଆଖି ଆଗରେ ରଖି ଲୋକାଯୁକ୍ତ କାର୍ଯ୍ୟକାରୀ କରା ଯାଇଛି । ଏପରିକି ମୁଖ୍ୟମନ୍ତ୍ରୀ , ମନ୍ତ୍ରୀ , ବିଧାୟକଙ୍କ ସହ ଯେ କୌଣସି ଲୋକ ପ୍ରତିନିଧି ଏହି ଲୋକାଯୁକ୍ତ ମାଧ୍ୟମରେ ତଦନ୍ତ ପରିସରଭୁକ୍ତ ହୋଇ ପାରିବେ । ଓଡ଼ିଶା ଲୋକାୟୁକ୍ତ ଆଇନ ଅନ୍ତର୍ଗତ ଦୁର୍ନୀତି ସଂକ୍ରାନ୍ତ ଅଭିଯୋଗକୁ ଲୋକାଯୁକ୍ତ ଗ୍ରହଣ କରିପାରିବେ ଯାହାକି ଦୁର୍ନୀତି ନିବାରଣ ଆଇନ-୧୯୮୮ରେ ଦଣ୍ଡନୀୟ ହୋଇଥିବ । ଅଭିଯୋଗ ମିଳିବା ପରେ ତା’ର ଯଥାର୍ଥତାକୁ ଉପଲବଧ କରି ଲୋକାୟୁକ୍ତ ନିଜର ତଦନ୍ତାକାରୀ ୱିଙ୍ଗ୍ କିମ୍ବା ଅନ୍ୟ ସଂସ୍ଥା ମାଧ୍ୟମରେ ପ୍ରାଥମିକ ତଦନ୍ତ ପାଇଁ ନିର୍ଦ୍ଦେଶ ଦେଇପାରିବେ ବୋଲି ଲୋକାୟୁକ୍ତ କହିଛନ୍ତି। ଦୁର୍ନୀତିର ଶିକାର ନହେବା ପାଇଁ ଲୋକାୟୁକ୍ତ ଓଡ଼ିଶାର ଲୋକମାନଙ୍କୁ ଆହ୍ୱାନ କରିଛନ୍ତି.