କଳାହାଣ୍ଡି:(ନରେନ୍ଦ୍ର ନେଗୀ ଙ୍କ ସହ ଅର୍ଜୁନ ପଟ୍ଟନାୟକ)ଭାରସାମ୍ୟ ହରାଇ ଘାଟି ତଳକୁ ଖସିଲା ଆମ୍ବୁଲାନ୍ସ: ଅଳ୍ପକେ ବର୍ତିଲେ ଡ୍ରାଇଭର। ମାର୍ଚ୍ଚ ଦଶ ତାରିଖ ଅପରାହ୍ନରେ କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ଠାରୁ ବେଦାନ୍ତ ଆମ୍ବୁଲାନ୍ସ ରୋଗୀ ଙ୍କୁ ନେଇ ଭବାନିପାଟଣା ସ୍ଥିତ ଜିଲ୍ଲା ମୁଖ୍ୟ ଚିକିତ୍ସାଳୟରେ ଛାଡ଼ି ଫେରୁଥିବା ସମୟରେ କୁଟରୁ ଘାଟିରେ ଭାରସାମ୍ୟ ହରାଇ ଘାଟି ତଳକୁ ପ୍ରାୟ ଦୁଇ ଶହ ମିଟର ଖସି ପଡିଥିବା ଜଣାପଡିଛି।ଆମ୍ବୁଲାନ୍ସ ଟି ଭବାନିପାଟଣା ରୁ ଭଟାଂପଦର ମୂଷାନାଳ ରାସ୍ତା ଦେଇ ଲାଞ୍ଜିଗଡ଼ ଫେରୁଥିବା ବେଳେ ଦୁର୍ଘଟଣାଗ୍ରସ୍ତ ହୋଇଛି।
ତେବେ, ଅଳ୍ପକେ ବର୍ତ୍ତି ଯାଇଛନ୍ତି ଆମ୍ବୁଲାନ୍ସ ଡ଼୍ରାଇଭର।ସଂଧ୍ୟା ସମୟ ହୋଇଥିବାରୁ ସମ୍ବାଦ ଲେଖା ହେବା ପର୍ଯ୍ୟନ୍ତ ଦୁର୍ଘଟଣା ଗ୍ରସ୍ତ ଆମ୍ବୁଲାନ୍ସ କୁ ଘଟଣାସ୍ଥଳରୁ ଉଦ୍ଧାର କରାଯାଇ ପାରି ନ ଥିବା ସୂଚନା ମିଳିଛି।ସୂଚନାଯୋଗ୍ୟ ଯେ ,ଲାଞ୍ଜିଗଡ଼ ବ୍ଲକ୍ ର ଦୁର୍ଗମ ଅଞ୍ଚଳରେ ରୋଗୀ ପରିବହନ ଓ ଚିକିତ୍ସା ସୁବିଧା ଯୋଗାଇ ଦେବାରେ ବେଦାନ୍ତ ଆମ୍ବୁଲାନ୍ସ ଏକ ଉଲ୍ଲେଖନୀୟ ଭୂମିକା ଗ୍ରହଣ କରିଥିବା ବେଳେ ବର୍ତ୍ତମାନ ଦୁର୍ଘଟଣାଗ୍ରସ୍ତ ହେବାରୁ ଆଦିବାସୀ ଅଧ୍ୟୁଷିତ ଲାଞ୍ଜିଗଡ଼ ବ୍ଲକ୍ ର ଅପହଞ୍ଚ ଇଲାକାରେ ରୋଗୀ ସେବା ବାଧାପ୍ରାପ୍ତ ହେବାର ଆଶଙ୍କା ସୃଷ୍ଟି ହୋଇଛି।
