ସୋନପୁର:(ଅଜିତ କୁମାର ପୁଝାରୀ)ସୋନପୁର ମହାବିଦ୍ୟାଳୟର ଯୁକ୍ତ ଦୁଇରେ ଅଧ୍ୟୟନ କରି ପଂଚାଅଶୀ ମସିହାରୁ ବନ୍ଧୁତ୍ବ ଅତୁଟ ରଖିଥିବା ପୁରୁଣା ବଂଧୁମାନେ ଦୀର୍ଘ ସଇଁତିରିଶ ବର୍ଷ ପରେ ସୋନପୁର ସହରର ସୁବର୍ଣ୍ଣମେରୁ ମନ୍ଦିରରେ ଏକତ୍ରିତ ହୋଇଥିଲେ ।ଶ୍ରୀ ସୁଦାମ ଚରଣ ସାହୁ ଓ ଶ୍ରୀ ଗୋପାଳ ଚରଣ ସାହୁଙ୍କ ନେତୃତ୍ବରେ ଅନୁଷ୍ଠିତ ଏଇ ବନ୍ଧୁମିଳନ ଉତ୍ସବରେ ଏକ ସଭାକାର୍ଯ୍ୟ ଅନୁଷ୍ଠିତ ହୋଇଥିଲା l ଇତି ମଧ୍ୟରେ ଇହଧାମ ତ୍ୟାଗ କରି ସାରିଥିବା ଦିବଂଗତ ବନ୍ଧୁ ମହେନ୍ଦ୍ର କୁମାର ମିଶ୍ର , ଭାସ୍କର ଦାଶ ଓ ନୀଳେନ୍ଦ୍ରି ସାହୁଙ୍କ ଆତ୍ମାର ସଦଗତି ନିମନ୍ତେ ଏକ ମିନିଟ ନୀରବ ପ୍ରାର୍ଥନା କରାଯାଇଥିଲା l ବହୁବର୍ଷ ପରେ ମିଳିତ ହୋଇଥିବା ବନ୍ଧୁମାନେ ନିଜନିଜ ପରିବାର ବିଷୟରେ ପରସ୍ପର ଅବଗତ ହେବା ସହ ପୁରୁଣା ଦିନର ସ୍ମୃତିକୁ ମନେ ପକାଇ ଭାବ ଗଦଗଦ ହୋଇଥିଲେ l
ପରେ ଗୀତ ବାଦ୍ୟ ନୃତ୍ୟ ଓ ଅଭିନୟର ଆସର ଓ ଭୋଜିଭାତର ସ୍ବତନ୍ତ୍ର ପର୍ବ ଅନୁଷ୍ଠିତ ହୋଇଥିଲା l ଏହି ବନ୍ଧୁ ମିଳନ ପର୍ବରେ ରାଜ୍ୟ ସରକାରଙ୍କର ପ୍ରୋଜେକ୍ଟ ଏଡମିନିଷ୍ଟ୍ରେଟର ଭାବେ ଭବାନି ପାଟଣାରେ ଅବସ୍ଥାପିତ ଶ୍ରୀ ବିରଂଚି ନାରାୟଣ ଦରୁୱାନ , ଡକ୍ଟର ପୁରୁଷୋତ୍ତମ ମିଶ୍ର , ଡକ୍ଟର ସୌରଭ ରଂଜନ ଖମାରୀ , ବାଉଁଶୁଣୀ ମହାବିଦ୍ୟାଳୟ ଅଧ୍ୟକ୍ଷ ଶ୍ରୀ ଅନିରୁଦ୍ଧ ମହାକୁଡ , ଶ୍ରୀ ରବୀନ୍ଦ୍ର ଠେଟୁଆଲ୍ , ଶ୍ରୀ ପ୍ରବୀର ରଥ , ଶ୍ରୀ ବସନ୍ତ କୁମାର ଦାଶ , ଅଧ୍ୟାପକ ପ୍ରକାଶ ମହାକୁଡ , ଅଧ୍ୟାପିକା ଭାରତୀ ଦର୍ଜି , ଅଧ୍ୟାପିକା ସଂଜୁରାଣୀ ସିଂ ଆଦି ପୁରୁଣା ବନ୍ଧୁମାନେ ଉତ୍ସବରେ ଅଂଶଗ୍ରହଣ କରିଥିଲେ l
