ଯାଜପୁର :୧୫/୦୪ ଯାଜପୁର ସଂସଦୀୟ କ୍ଷେତ୍ରର ସାତଗୋଟି ବିଧାନସଭା ଆସନ ମଧ୍ୟରୁ ଯାଜପୁର ନିର୍ବାଚନମଣ୍ଡଳୀ ଉପରେ ଏବେ ସମସ୍ତଙ୍କ ନଜର । ଏହି ଆସନରେ ଏଥର ୭ଜଣ ପ୍ରାର୍ଥୀ ହୋଇଥିବା ବେଳେ ପ୍ରତିଦ୍ୱନ୍ଦିତାରେ ଅଛନ୍ତି ବିଜେଡି ପ୍ରାର୍ଥୀ ପ୍ରଣବ ପ୍ରକାଶ ଦାସ (ବବି), ବିଜେପିରୁ ଜିଲ୍ଲା ସଭାପତି ଗୌତମରାୟ ଓ କଂଗ୍ରେସରୁ ସନ୍ତୋଷ ନନ୍ଦ । ତେବେ ଏଥର ବବି ଓ ଗୌତମ ରାୟଙ୍କ ମଧ୍ୟରେ କଡା ଟକ୍କର ହେବ ବୋଲି ରାଜନିତିକ ପାଣିପାଗରୁ ଜଣାପଡୁଛି ।
ବିଜେଡିର ଗଡ କୁହାଯାଉଥିବା ଯାଜପୁର ବିଧାନସଭା ଆସନକୁ ଏଥର ହାତେଇବା ଲାଗି ଖୁବ ଦମଲଗାଇଛି ବିଜେପି । ଜିଲ୍ଲାରେ ନିର୍ବାଚନକୁ ଆଉ ମାତ୍ର ୧୫ ଦିନ ବାକି ରହିଥିବା ବେଳେ ଗୌତମ ନିଜର ପ୍ରଚାରକୁ ଯୋରଦାର କରିଛନ୍ତି । ନିଜ ସମର୍ଥକଙ୍କ ସହିତ ବିଭିନ୍ନ ଗାଁକୁ ଯାଇ ଘରେ ଘରେ ବୁଲି କେନ୍ଦ୍ରସରକାରଙ୍କ ୫ ବର୍ଷର ଶୁଶାସନ ସମ୍ପର୍କରେ ଭୋଟରମାନଙ୍କୁ ବୁଝାଇ ବିଜେପି ପ୍ରାର୍ଥୀ ଭାବେ ନିଜ ସପକ୍ଷରେ ମତଦାନ କରିବାକୁ ନିବେଦନ କରୁଛନ୍ତି । କିନ୍ତୁ ଅପର ପକ୍ଷରେ ଭୋଟର ମାନଙ୍କ ମଧ୍ୟରେ କୌଣସି ପରିବର୍ତନ ହେବ ନାହି ବୋଲି ବିଜେଡ଼ି ର ପ୍ରାର୍ଥୀ ପ୍ରଣବ ପ୍ରକାଶ ଦାସ ଙ୍କ ସମର୍ଥକ ମାନେ କହିଛନ୍ତି ।
