କଳାହାଣ୍ଡି:(ନରେନ୍ଦ୍ର ନେଗୀ/ଅର୍ଜୁନ ପଟ୍ଟନାୟକ)ପବିତ୍ର ଶାରଦୀୟ ପାର୍ବଣ ଅବସର ରେ କଳାହାଣ୍ଡି ଜିଲ୍ଲା ଜୟପାଟଣା ବ୍ଲକ ତାଳଗୁଡ଼ ଠାରେ ଅଧିଷ୍ଠିତ ମହୁଲପାଟଣା ଜମିଦାରିର ପ୍ରତ୍ୟକ୍ଷ ଅଧିଷ୍ଠାତ୍ରୀ ଦେବୀ ଡୋକରି ଠାକୁରାଣୀ ଙ୍କ ଦଶହରା ପୂଜା ବିଧି ମୁତାବକ ପାଳିତ ହୋଇଯାଇଛି।
ପ୍ରତିବର୍ଷ ରାଜ୍ଯ ତଥା ରାଜ୍ଯ ବାହାରରୁ ବହୁ ଭକ୍ତ ଶ୍ରଦ୍ଧାଳୁମାନେ ଯୋଗଦେଉଥିବା ବେଳେ କୋଭିଡ କଟକଣା ଯୋଗୁଁ ସଂଖ୍ୟା ହ୍ରାସ ହୋଇଥିଲେ ହେଁ ଲାଠି ଯାତ୍ରା ସମୟରେ ଅସମ୍ଭବ ଭିଡ ଦେଖିବାକୁ ମିଳିଥିଲା।
ମସ୍ତକ ସ୍ଥାପନ ପରେ ସ୍ଥାନୀୟ ପୋଲିସ ପ୍ରଶାସନ ଜନସାଧାରଣଙ୍କ ଦର୍ଶନ ପ୍ରତି କଟକଣା ଅଞ୍ଚଳରେ ଅସନ୍ତୋଷ ସୃଷ୍ଟି କରିଥିଲା, ସର୍ବସାଧାରଣଙ୍କ ଦର୍ଶନ ଅନୁମତି ପରେ ଆଶ୍ୱସ୍ତି ପ୍ରକାଶ ପାଇଥିଲା,ଦୈନିକ ବହୁ ଭକ୍ତ ଓ ଶ୍ରଦ୍ଧାଳୁଙ୍କ ଭିଡ ଦେଖିବାକୁ ମିଳିଥିଲା ।
ବିଧି ଅନୁଯାୟୀ ଅଷ୍ଟମି ଦିନ ବାନେର ସମେତ ବିଭିନ୍ନ ଦେବୀ ପିଠରେ ଅବସ୍ଥାପିତ ମାଁଙ୍କ ଭଉଣୀ ମାନଙ୍କ ପ୍ରତୀକ ଲାଠି ତାଳ ଗୁଡ଼ ପିଠକୁ ପହଞ୍ଚିବା ପରେ ମାନସିକଧାରୀ ଙ୍କ ପଶୁ ପକ୍ଷୀ ବଳି ପରେ ମହାବଳୀ ପ୍ରଦାନ କରାଯାଇଥିଲା।ବାନେର ଦେବୀ ଯିବା ସମୟରେ ମାନସିକଧାରୀ ଙ୍କ ପଶୁ ପକ୍ଷୀ ବଳି ସଡକ କୁ ରକ୍ତ ରଂଜିତ କରିଥିବା ବେଳେ ସହ ସହ ସଂଖ୍ୟାରେ ରାସ୍ତା ର ଉଭୟ ପାର୍ଶ୍ୱରେ ଦର୍ଶନ କରିଥିଲେ।
