ଭୁବନେଶ୍ବର:ବଢି ଚାଲିଛି ବିଜେଡ଼ିରେ ଆଶାୟୀ ଙ୍କ ଭିଡ। ତାକୁ ନେଇ ଚିନ୍ତା ରେ ବିଜେଡ଼ି।ସାଧାରଣ ନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ ପାଇଛି। ଏଥିପାଇଁ ବିଭିନ୍ନ ରାଜନୈତିକ ଦଳ ସେମାନଙ୍କର ରଣକୌଶଳ ପ୍ରସ୍ତୁତି କରିସାରିଲେଣି। ଏପରିକି ରାଜନେତାମାନେ ମଇଦାନକୁ ଲମ୍ଫ ମାରିବାକୁ ସଜବାଜ ହେଲେଣି। ହେଲେ ଚଳିତବର୍ଷ ରାଜନୀତିକ ଦଳ ଗୁଡ଼ିକ ପାଇଁ କାଳ ହୋଇପାରେ ଆଶାୟୀ ପାର୍ଥୀ ଙ୍କ ଅସନ୍ତୋଷ।ବିଭାଗୀୟ ନେତା ଙ୍କଠାରୁ ଆରମ୍ଭ କରି ଯୁବନେତା ଓ ମନ୍ତ୍ରୀଙ୍କ ପାଖରେ ଗୁହାରି କରି କରି ଥକି ଗଲେଣି। ମାତ୍ର ଏମାନଙ୍କ କଥା କାହା କାନରେ ପଡୁନହି ସେହି ଦୃଷ୍ଟିରୁ ଏଥର ଭୋଟ ହେଲେ ଅସନ୍ତୁଷ୍ଠ ବିଜେଡ଼ି ନେତା ଙ୍କ କୋପ ପଡିପାରେ ବିଜେଡ଼ି ଉପରେ।ପୂର୍ବ ରୁ ମଧ୍ୟ ଆଭାସ ପାଇ କିଛି ନେତା ବିଜେଡ଼ି ରୁ ଓହରି ଗଲେଣି ଆଉ କିଛି ଟିକେଟ ନପାଇଲେ ଓହରିବା ନିଶ୍ଚିତ। କିଛି ନେତା ଯେଉଁ ମାନେ ବିଜେଡ଼ି ରୁ ଇସ୍ତଫା ଦେଇଛନ୍ତି ସେମାନେ ସିଧାସଳଖ ବିଜେଡ଼ି କୁ ଟାର୍ଗେଟ କଲେଣି।
ନବରଙ୍ଗପୁର ସାଂସଦ ବଳଭଦ୍ର ମାଝୀ ବିଜେଡିରୁ ଇସ୍ତଫା ଦେଇଛନ୍ତି।ବିଜେଡିରୁ ଇସ୍ତଫା ଦେବା ନେଇ ଏଇ ଓଡିଶା ବଳଭଦ୍ରଙ୍କ ପ୍ରତିକ୍ରିୟା ନେବାକୁ ଚାହିଁଥିଲା। ସାକ୍ଷାତକାର ଦେଇ ବଳଭଦ୍ର କହିଛନ୍ତି, “ବିଜେଡି ଆଉ ଗଣତାନ୍ତ୍ରିକ ପଦ୍ଧତିରେ ଚାଲୁନାହିଁ। ଦଳୀୟ କାର୍ଯ୍ୟକର୍ତ୍ତା ନିର୍ବାଚିତ ହେବା ବଦଳରେ ସେମାନଙ୍କୁ ମନୋନୀତ କରାଯାଉଛି।”ସେହିପରି ଭାବରେ ତୁଙ୍ଗ ନେତା ତଥାଗତ ଶତ୍ପଥୀ ମଧ୍ୟ ବିଜେଡ଼ି ରୁ ଏକପ୍ରକାର ଟିକେଟ ଲାଇନରୁ ଓହରି ଯାଇଛନ୍ତି ।ସେହିପୟ ନୀଳଗିରି ବିଧାୟକ ଇଂ.ସୁକାନ୍ତ ନାୟକ ଇସ୍ତଫା ଦେଇଛନ୍ତି,ତାଙ୍କ ଇସ୍ତଫା ପତ୍ର ରେ ସେ ଲେଖିଛନ୍ତି ମୋ ବିରୋଧରେ ଷଡ଼ଯନ୍ତ୍ର କରାଯାଇଛି।ଏହି ପରି ଭାବରେ ଯଦି ଅସନ୍ତୁଷ୍ଟ ଙ୍କ ସଂଖ୍ୟା ବଢେ ତେବେ ନିର୍ବାଚନ ରେ ବିଜେଡ଼ି ବହୁ ଅସୁବିଧାର ସମୁଖୀନ ହୋଇପାରେ ଏବଂ ପଞ୍ଚାଯତ ନିର୍ବାଚନ ଭଳି ଅନ୍ୟ ପାର୍ଥୀ ଙ୍କୁ ଭୋଟ ଯାଇପାରେ ବୋଲି ବିଭିନ୍ନ ମହଲ ରେ ମତ ପ୍ରକାଶ ପାଉଛି।
