ଓଡ଼ିଶାରେ ଲଢ଼ିବ ଟିଡିପି : ୫୨ ବିଧାନସଭା, ୫ ଲୋକସଭା ଆସନ ଚୂଡ଼ାନ୍ତ,ସମସ୍ତ ବିଧାନସଭା ଓ ଲୋକସଭା ଆସନରେ ଚାଲିଛି ସର୍ଭେ

937 0

କୋରାପୁଟ : ତେଲଗୁ ଦେଶମ ପାର୍ଟି (ଟିଡିପି) ଓଡ଼ିଶା ରାଜନୀତିରେ ପ୍ରବେଶ କରିବ। ଆସନ୍ତା ସାଧାରଣ ନିର୍ବାଚନରେ ଦଳ ଏଠାରୁ ପ୍ରାର୍ଥୀ ଦେଇ ପ୍ରତ୍ୟକ୍ଷ ରାଜନୀତିରେ ସାମିଲ୍‌ ହେବ। ଏଥିନେଇ ଦଳ ପକ୍ଷରୁ ପ୍ରାଥମିକ ସର୍ଭେ ଚାଲିଛି। ଏଥିରୁ ୫୨ଟି ବିଧାନସଭା ଓ ୫ଟି ଲୋକସଭା ଆସନରେ ପ୍ରାର୍ଥୀ ଦେବାକୁ ଦଳ ଚୂଡ଼ାନ୍ତ କରିଥିବା ଦଳର ଓଡ଼ିଶା ପର୍ଯ୍ୟବେକ୍ଷକ ରାଜେଶ ପୁତ୍ରା ସୂଚନା ଦେଇଛନ୍ତି।

ପଡ଼ୋଶୀ ଆନ୍ଧ୍ରରେ ଟିଡିପି ସରକାରରେ ଥିଲାବେଳେ ଏହାର ସଭାପତି ଚନ୍ଦ୍ରବାବୁ ନାଇଡୁ ଜାତୀୟ ରାଜନୀତି ଉପରେ ଆଖି ପକାଇଛନ୍ତି। ଏଭଳି ସ୍ଥିତିରେ ଓଡ଼ିଶା ଉପରେ ନଜର ପକାଇଛି ଦଳ। ବିଶେଷକରି ଅବିଭକ୍ତ କୋରାପୁଟ ଓ ଗଂଜାମରେ ତେଲଗୁ ଭାଷାଭାଷୀ ଲୋକ ରହୁଥିବାରୁ ଏହି ଅଂଚଳକୁ ଦଳ ଫୋକସ୍‌ରେ ରଖିଛି। ତେଣୁ ଆନ୍ଧ୍ରର ଯେଉଁଭଳି ବିକାଶ ହୋଇଛି ସେହିକଥା କହି ଓଡ଼ିଶାର ଭୋଟରଙ୍କ ନିକଟକୁ ଦଳ ଯିବ ବୋଲି ନିଷ୍ପତ୍ତି ନେଇଛି। ଏ ସଂପର୍କରେ ଦଳର ଓଡ଼ିଶା ପର୍ଯ୍ୟବେକ୍ଷକ ରାଜେଶ ପୁତ୍ରା କହିଛନ୍ତି ଯେ, ଓଡ଼ିଶାର ଲୋକ ବିକାଶ ଚାହୁଁଛନ୍ତି। ତେଣୁ ଟିଡିପି ଓଡ଼ିଶା ରାଜନୀତିରେ ପ୍ରବେଶ କରିବାକୁ ନିଷ୍ପତ୍ତି ନେଇଛି। ଏଥିପାଇଁ ରାଜ୍ୟ ସାରା ସର୍ଭେ କରାଯାଉଛି। ତେଲଗୁ ଭାଷାଭାଷୀ ଅଂଚଳକୁ ଅଧିକ ଗୁରୁତ୍ବ ଦିଆଯାଇଛି। ଏବେ ସୁଦ୍ଧା ୫୨ଟି ବିଧାନସଭା ଓ ୫ଟି ଲୋକସଭା ନିର୍ବାଚନ ମଣ୍ଡଳୀରେ ଦଳ ଲଢ଼ିବା ଚୂଡ଼ାନ୍ତ ହୋଇଛି। ବାକି ଆସନ ଗୁଡିକରେ ସର୍ଭେ ରିପୋର୍ଟ ପରେ ନିଷ୍ପତ୍ତି ନିଆଯିବ। କୋରାପୁଟ, ନବରଙ୍ଗପୁର, ବ୍ରହ୍ମପୁର, ଆସ୍କା ସମେତ ଏକ ଉପକୂଳ ଜିଲ୍ଲାରେ ଦଳ ଲୋକସଭା ପ୍ରାର୍ଥୀ ଦେବାକୁ ସ୍ଥିର ହୋଇଥିବା ରାଜେଶ କହିଛନ୍ତି। ଅବିଭକ୍ତ କୋରାପୁଟକୁ ଟିଡିପି ଅଧିକ ଫୋକସ୍‌ରେ ରଖିଥିଲାବେଳେ ଖୁବଶୀଘ୍ର ଦଳର ସଭାପତି ଏଥିନେଇ ଘୋଷଣା କରିବେ। ଏଠାରେ ଉପଯୁକ୍ତ ପ୍ରାର୍ଥୀ ଖୋଜା ଚାଲିଛି। ବିକାଶକୁ ପ୍ରାଥମିକତା ଦେଉଥିବା ସ୍ବଚ୍ଛ ଭାବମୂର୍ତ୍ତିର ଲୋକଙ୍କୁ ଦଳ ପ୍ରାର୍ଥୀ କରିବ ବୋଲି ସେ କହିଛନ୍ତି।
ଓଡ଼ିଶାରେ ଟିଡିପି ଲଢ଼ିବାକୁ ଘୋଷଣା କରିବା ପରେ ଏହାର ପ୍ରଭାବ କୋରାପୁଟ ରାଜନୀତିରେ ପଡ଼ିବା ନିଶ୍ଚିତ ବୋଲି ଅନୁମାନ କରାଯାଉଛି। କାରଣ ଏଠାରେ ବହୁ ତେଲଗୁ ଭାଷାଭାଷୀ ଲୋକ ରହୁଛନ୍ତି। ତେଲଗୁ ଲୋକମାନେ ଟିଡିପି ଆଡ଼କୁ ଆକୃଷ୍ଟ ହେବାର ଯଥେଷ୍ଟ ସମ୍ଭାବନା ରହିଛି। ଏହାକୁ ନେଇ ଜିଲ୍ଲାରେ ଏବେ ଠାରୁ ଚର୍ଚ୍ଚା ଆରମ୍ଭ ହୋଇଗଲାଣି

Related Post

ବସ୍ତା ବ୍ଲକ ଅଞ୍ଚଳରେ କଂଗ୍ରେସର ପ୍ରଚର ଜୋରଦାର

Posted by - February 12, 2022 0
ବସ୍ତା:ବସ୍ତା ରେ ପ୍ରଚାର ମଇଦାନ ସରଗରମ ହୋଇଛି। କଂଗ୍ରେସର ପ୍ରଚାର ଜୋର ହୋଇଛି ବିଭିନ୍ନ ଜୋନ୍ ଗସ୍ତ କରିଛନ୍ତି ଦଳର ମଙ୍ଗୁଆଳ ତଥା ସାଂସଦ ପ୍ରାର୍ଥୀ ନବଜ୍ୟୋତି…

ବୀରନରସିଂପୁର ଠାରୁ କରଡ଼ି ରାସ୍ତାର ନବୀକରଣ ପାଇଁ ଦାବୀ ଜଣାଇଲା କଂଗ୍ରେସ

Posted by - November 27, 2021 0
ବୌଦ୍ଧ :(ସମରେଶ ମିଶ୍ର )ହରଭଙ୍ଗା ବ୍ଲକ ଅନ୍ତର୍ଗତ ବୀରନର ସିଂ ପୁର NH-57 ରୁ କରଡ଼ି ଗ୍ରାମକୁ ଯିବା ପାଇଁ ଏକ ନିତିଦିନିଆ ରାସ୍ତା ରହିଛି, ଏହି…

କେନ୍ଦ୍ର ର ମୋଦି ସରକାର ବିରୋଧରେ ଯାଜପୁର ଜିଲା କଂଗ୍ରେସ ପକ୍ଷରୁ ବିକ୍ଷୋଭ ଓ ଧାରଣା

Posted by - June 17, 2022 0
ଯାଜପୁର:(ଆନନ୍ଦ ଚନ୍ଦ୍ର ସାହୁ )କେନ୍ଦ୍ର ର ମୋଦି ସରକାର ବିରୋଧରେ ଯାଜପୁର ଜିଲା କଂଗ୍ରେସ ପକ୍ଷରୁ ବିକ୍ଷୋଭ ଓ ଧାରଣା । ମୋଦି ସରକାର ପ୍ରବର୍ତନ ନିର୍ଦ୍ଧେଶାଳୟ…

ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ସମର୍ଥନ ଦେଇଛି ବିଜେଡି

Posted by - February 4, 2019 0
ଗତକାଲି ସିବିଆଇ ଯେଭଳି ଭାବେ କୋଲକାତା ପୁଲିସ କମିସନରଙ୍କ ବାସଭବନରେ ପଶିବାକୁ ଉଦ୍ୟମ କରିଥିଲା, ତାହା ଠିକ ନୁହେଁ। ସିବିଆଇ ଏକ ରାଜନୈତିକ ଅସ୍ତ୍ର ପାଲଟି ଯାଇଛି।…

Leave a comment

Your email address will not be published.