ଧର୍ମଗଡ଼:(ହେମନ୍ତ କୁମାର ମାଝୀ)ଗତ କିଛି ଦିନ ତଳେ ରାଜ୍ୟ ସରକାର “ଆମ ଓଡିଶା ନବୀନ ଓଡିଶା ” ନାମରେ ଏକ ନୂଆଁ ଯୋଜନା ଆରମ୍ଭ କରିଛନ୍ତି.ଏହି ଯୋଜନା ଅନୁସାରେ ରାଜ୍ୟର ପ୍ରତ୍ୟେକ ପଂଚାୟତ କୁ ପଚାଶ ଲକ୍ଷ ଲେଖାଏଁ ଟଙ୍କା ବରାଦ କରିଛନ୍ତି. ଏହି ଟଙ୍କାରେ ପଂଚାୟତ ର ବିଭିନ୍ନ ଉନ୍ନୟନ ମୂଳକ କାମ କରିବାକୁ ସରକାର ପଦକ୍ଷେପ ନେଇଛନ୍ତି. ତେଵେ ଏ ସମ୍ବନ୍ଧରେ ଯୋଜନା ସବୁ ସିଧା ଲୋକଙ୍କ ଠାରୁ ତଥା ଲୋକ ପ୍ରତିନିଧି ମାନଙ୍କ ଠାରୁ ପ୍ରସ୍ତାବ ସଂଗ୍ରହ କରିବାକୁ ସରକାରୀ ନିର୍ଦେଶ ରହିଛି.
ତଦନୁସାରେ କିଛି ଦିନ ତଳେ ଧର୍ମଗଡ଼ ବ୍ଲକ ଜୟନ୍ତପୁର ପଂଚାୟତ ପାଇଁ ଏହି ଯୋଜନାରେ କାର୍ଯ୍ୟଖସଡ଼ା ତିଆରି କରାଯାଇଥିଲା. ପଂଚାୟତ ର ସରପଞ୍ଚ, ସମିତି ସଭ୍ୟ, ନାଏବ ସରପଞ୍ଚ, ବିଧାୟକ, ପୂର୍ବତନ ବିଧାୟକ, ୱାର୍ଡ ସଭ୍ୟ ସଭ୍ୟା ତଥା ପଂଚାୟତ ବାସୀ ଙ୍କ ଉପସ୍ଥିତି ରେ ଗ୍ରାମ ସଭା ହୋଇ ସମସ୍ତଙ୍କ ସମ୍ମତି କ୍ରମେ ସରକାରୀ ନିର୍ଦେଶାବଳି ଅନୁସାରେ ପ୍ରକଳ୍ପ ସବୁ ଚୟନ କରା ଯାଇଥିଲା. ତେଵେ ଦୁଃଖର କଥା ଉକ୍ତ ଗ୍ରାମ ସଭାରେ ଜୟନ୍ତପୁର ଧର୍ଣ୍ଣିଗୁଡ଼ି ଓ ଅଲେଖ ମହିମା ମନ୍ଦିର ତିଆରି ପାଇଁ ସର୍ବାଗ୍ରେ ପ୍ରସ୍ତାବ ଥିବାବେଳେ ଅନୁମୋଦନ ତାଲିକାରେ ଏହି ଦୁଇ ପ୍ରସ୍ତାବ କୁ ସମ୍ପୂର୍ଣ୍ଣ କାଟି ଦିଆଯାଇଛି. ଅନ୍ୟ ପକ୍ଷରେ ପଂଚାୟତ ର କିଛି ବ୍ୟକ୍ତିଗତ ଦେବୀ ଗୁଡ଼ି କୁ ଅର୍ଥ ବରାଦ ହୋଇଛି.
ପ୍ରସ୍ତାବିତ ଧର୍ଣ୍ଣି ଗୁଡ଼ି ଗାଁ ପ୍ରତିଷ୍ଠା ସମୟରେ ହୋଇଥିଲା. ଅଲେଖ ମନ୍ଦିର ମଧ୍ୟ ପ୍ରାୟ ଶହେ ବର୍ଷ ତଳେ ନିର୍ମାଣ ହୋଇ ବର୍ତମାନ ଜରାଜୀର୍ଣ୍ଣ ଅବସ୍ଥା ରେ ପଡି ରହିଛି. ଧର୍ଣ୍ଣି ଗୁଡ଼ିରେ ପଂଚାୟତ ବାସୀ ସମସ୍ତେ ପ୍ରତିବର୍ଷ ଶହ ଶହ ସଂଖ୍ୟାରେ ବିହନ ଛିନା ଯାତ୍ରା ପାଳନ କରୁଥିବା ବେଳେ ଅଲେଖ ମହିମା ମନ୍ଦିର ରେ ଏ ଅଂଚଳ ର ପ୍ରାୟ କୋଡିଏ ଖଣ୍ଡ ଗାଁର ଶହ ଶହ ମହିମା ଧର୍ମୀ ସାଧୁ ଭକ୍ତ ମାନେ ବିଭିନ୍ନ ପର୍ବ, ଜାଗ – ଯଜ୍ଞ ଆଦି କରିଥାନ୍ତି. ମନ୍ଦିର ଦୀର୍ଘ ଦିନ ହେଲା ଜରାଜୀର୍ଣ୍ଣ ଅବସ୍ଥା ରେ ପଡି ରହିଥିବା ବେଳେ ଏହାର ନିର୍ମାଣ ପାଇଁ ବାରମ୍ବାର ଧର୍ମଗଡ଼ ବିଧାୟକ,ପୂର୍ବତନ ବିଧାୟକ ସାଂସଦ ଙ୍କୁ ଲିଖିତ ଅନୁରୋଧ କରାଯାଇଛି ହେଲେ ଏ ପର୍ଯ୍ୟନ୍ତ ଟଙ୍କାଟିଏ ମିଳିଲା ନାହିଁ
.ଗତ ନିର୍ବାଚନ ସମୟରେ ମଧ୍ୟ ଆମ ଗାଁ ଆମ ବିକାଶ କାର୍ଯ୍ୟକ୍ରମ ରେ ଅର୍ଥ ବରାଦ କରିବାକୁ ପ୍ରତିଶୃତି ଦେଇ ପ୍ରତିନଧି ମାନେ ଠକି ଦେଉଛନ୍ତି. ତେଣୁ ଏଥିରେ କ୍ଷୁବ୍ଧ ହୋଇ ଆଜି ଏହି ପଂଚାୟତ ର ପଂଚାୟତ ପ୍ରତିନିଧି,ଜନସାଧାରଣ, ମହିମା ଧର୍ମୀ ଭକ୍ତ ମାନେ ଏକ ରେଲିରେ ଆସି ଧର୍ମଗଡ଼ ବିଡ଼ିଓ ଙ୍କୁ ତୁରନ୍ତ ଏହି ଦୁଇ ମନ୍ଦିର କୁ ଆମ ଓଡିଶା ନବୀନ ଓଡିଶା ଯୋଜନାରେ ସାମିଲ କରିବାକୁ ଦାବୀ କରିଥିଲେ. ଦାବୀ ପୂରଣ ନ ହେଲେ ଆସନ୍ତା ୧୧ ତାରିଖ ସୋମବାର ଦିନ ବିଡ଼ିଓ ଙ୍କ କାର୍ଯ୍ୟାଳୟ ସମ୍ମୁଖରେ ଅନଶନ କରିବା ସହିତ ଉଚ୍ଚ ନ୍ୟାୟାଳୟ ର ଦ୍ୱାରସ୍ଥ ହେବାକୁ ଚେତାବନୀ ଦେଇଥିଲେ.
ପୁନଶ୍ଚ ମହିମା ଭକ୍ତ ମାନେ ଉକ୍ତ ଅଲେଖ ମନ୍ଦିର ତିଆରି ପାଇଁ ସ୍ୱତନ୍ତ୍ର ଭାବେ ବିଡ଼ିଓ ଙ୍କ ଜରିଆରେ 5T ସଚିବ vk ପାଣ୍ଡିଆନ ଙ୍କୁ ଅର୍ଥ ବରାଦ କରିବାକୁ ଦାବିପତ୍ର ଦେଇଥିଲେ.ଉକ୍ତ କାର୍ଯ୍ୟକ୍ରମ ରେ ସରପଞ୍ଚ ଜୟନ୍ତୀ ବାଗ, ନାଏବ ସରପଞ୍ଚ ବାଳମତି ପୂଝରୀ, ସମିତି ସଭ୍ୟ ଥବିର ନାଗ, ୱାର୍ଡ ସଭ୍ୟ ମହେଶ୍ୱର ନାଏକ, ଭକ୍ତରାମ ମେହେର, ଜିତେନ୍ଦ୍ରିୟ ନାଏକ, ଲଲାଟ ନାଏକ, ହୀରାଜିତ ନାଏକ,, ଫଳତ ନାଏକ, ଚୈତନ୍ୟ ଦୁରିଆ, ତ୍ରିନାଥ ଭକ୍ତ, ବୈକୁଣ୍ଠ ଭକ୍ତ, ଯୁଧିଷ୍ଠିର ଭକ୍ତ ଦିଗାମ୍ବର ଦୁରିଆ ଆଦି ଯୋଗ ଦେଇଥିଲେ.
