ସୁବର୍ଣ୍ଣପୁର:(ଅଜିତ କୁମାର ପୁଜାହାରୀ)ଚୋରୀ ହୋଇଥିବା ମୂର୍ତ୍ତି ଗୋଟିଏ ଦିନ ପରେ ଉଦ୍ଧାର l ସୂଚନା ଅନୁସାରେ ସୁବର୍ଣ୍ଣପୁର ସହରର ମଧ୍ୟ ଭାଗରେ ରହିଥିବା ପଞ୍ଚରଥ ମନ୍ଦିର ମଧରେ ରହିଥିବା ଧାତୁ ମୂର୍ତ୍ତି ଗୁଡିକ ଶନିବାର ରାତିରେ ଚୋରୀ ହୋଇଥିଲା l ସୋନପୁର ବଲାଙ୍ଗିର ରାସ୍ତାରେ ରହିଥିବା ଝିଙ୍କି ଟିକ୍ରା ଠାରେ ଏକ ରଙ୍ଗ ମିସ୍ତ୍ରୀ କାମ କରୁଥିବା ସମୟ ରେ ଜଣେ ବ୍ୟକ୍ତି କିଛି ସାମଗ୍ରୀ ବିକ୍ରି କରିବାକୁ ଆସିଥିଲେ l
ରଙ୍ଗ ମିସ୍ତ୍ରୀ ସାମଗ୍ରୀ କଣ ବୋଲି ପଚାରିବା ରେ ଯୁବକ ଜଣକ କିଛି ଧାତୁରେ ନିର୍ମିତ ମୂର୍ତ୍ତି ଦେଖାଇଥିଲେ l ମୂର୍ତ୍ତି କୁ ଦେଖି ଚୋରୀ ମୂର୍ତ୍ତି ସନ୍ଦେହ କରି ଯୁବକ ଜଣକ କୁ ଧରି ପକାଇ ଥିଲେ l ହେଲେ ଯୁବକ ଚତୁରତାର ସହ ବେଗ ଛାଡ଼ି ଚମ୍ପଟ ମାରିଥିଲା l ତେବେ ବେଗ ଭିତରେ ଶିବ, ପାର୍ବତୀ, ବିଷ୍ଣୁ, ଗଣେଶ, କଳସ ଓ ଘଣ୍ଟି ରହିଥିଲା l ଏନେଇ ରଙ୍ଗ ମିସ୍ତ୍ରୀ କିରଣ ଚନ୍ଦ୍ର ଦାସ ସୋନପୁର ଥାନା କୁ ଆସି ସାମଗ୍ରୀ ଜମା ଦେଇଥିଲେ l ସୋନପୁର ଥାନା ଅଧିକାରୀ ପଦ୍ମାଶିନୀ ମେହେର ଦେଖିବା ପରେ ଶନିବାର ରାତି ରେ ପଞ୍ଚରଥ ମନ୍ଦିର ରୁ ଚୋରୀ ହୋଇଥିବା ମୂର୍ତ୍ତି ବୋଲି ସୂଚନା ଦେଇଛନ୍ତି l
