କେସିଙ୍ଗା:(ପ୍ରୀଟେଶ ପଟେଲ୍ ) କଳାହାଣ୍ଡି ଜିଲ୍ଲା କେସିଙ୍ଗା ଏନ୍ ଏ ସି ପାଖ କଲ୍ୟାଣ ମଣ୍ଡପ ରେ ମହା ଆଡ଼ମ୍ବରରେ ସ୍ୱାୟତ୍ତ ଶାସନ ଦିବସ ପାଳନ ହୋଇ ଯାଇଛି।ଗୁରୁବାର ଭୋର ୪ଟା ରୁ ରାମଧୁନ କରାଯାଇଥିବା ବେଳେ ୭.୩୦ ମିନିଟ ସମୟରେ ପରିଷଦ କାର୍ଯ୍ୟାଳୟ ପ୍ରାଙ୍ଗଣରେ ନଗର ପାଳ ଙ୍କ ଦ୍ଵାରା ପତାକା ଉତ୍ତୋଳନ କରାଯାଇ ଥିଲା।
ସେହିପରି ପ୍ରାୟ ୮ ଟା ବେଳେ ବିଭିନ୍ନ ସ୍କୁଲ ଛାତ୍ର ଛାତ୍ରୀ ମାନେ ଓ ପରିଷଦ କର୍ମଚାରୀ ମାନେ ସମସ୍ତ କାଉନସିଲର, ନଗର ପାଳ, ଉପ ନଗରପାଳ ଙ୍କ ସହିତ ମାନ୍ୟବର ରାଜ୍ୟ ସଭା ସଦସ୍ୟ ସୁଜିତ ସେଠ୍ ମଧ୍ୟ ଯୋଗ ଦେଇ ନଗର ପରିକ୍ରମା କରି ସଫେଇ ସଚେତନତା ବିଷୟ ରେ ଜନସାଧାରଣ ଙ୍କୁ ସଚେତନ କରାଇ ଥିଲେ।ପରେ ଦିନ ୧୦ ଟା ସମୟରେ କେସିଙ୍ଗା ଏନ୍ ଏ ସି ତରଫରୁ ନବ ନିର୍ମିତ ଆହାର କେନ୍ଦ୍ର ର ରୋଷେଇଶାଲା ୱାର୍ଡ଼ ନ 11ଓ କେସିଙ୍ଗା ମିନିଷ୍ଟାଡ଼ିଅମ୍ ରେ ଖୋଲାମୁକ୍ତ ବ୍ୟାୟାମଶାଲା ଉଦ୍ଘାଟନ କରାଯାଇ ଥିଲା।
ତା ପରେ ପରେ ଏକ ସାଧାରଣ ସଭା ଆୟୋଜନ ହୋଇ ଥିଲା ଏଥିରେ ମୁଖ୍ୟ ଅତିଥି ଭାବରେ ନର୍ଲା ବିଧାୟକ ଭୂପିନ୍ଦର ସିଂ ଯୋଗଦାନ କରି କେସିଙ୍ଗା ଏନ୍ ଏ ସି ର ପ୍ରଗତି ଉପରେ ଆଲୋକପାତ କରିଥିଲେ ପରେ କେସିଙ୍ଗା ନଗର ପାଳ ନୃପ ରାଜ ଯାଦବ ତାଙ୍କ ଭାଷଣରେ ସରକାର ଙ୍କ ଦ୍ଵାରା ହେଉଥିବା ବିଭିନ୍ନ ଉନ୍ନତିମୂଳକ ପଦକ୍ଷେପ ଉପରେ ଆଲୋକପାତ କରି ସମସ୍ତ ଜନସାଧାରଣ ଙ୍କୁ ସରକାରୀ ଲାଭ ଉଠାଇବା ପାଇଁ ଅନୁରୋଧ କରିଥିଲେ।ଏଥିରେ ଅନ୍ୟ ତମ ସମ୍ମାନିତ ଅତିଥି ଭାବରେ ଯୋଗଦେଇ ଥିଲେ କେସିଙ୍ଗା ପଞ୍ଚାୟତ ସମିତି ଅଧକ୍ଷ ଚନ୍ଦନ ସେନାପତି ଅନ୍ୟ ମାନଙ୍କ ମଧ୍ୟରେ ଉପସ୍ଥିତ ଥିଲେ ଉପନଗର୍ ପାଳ ସରସ୍ଵତୀ ସାହା କାର୍ଯ୍ୟନିର୍ବାହୀ ଅଧିକାରୀ କିରଣ ବେହେରା ସମସ୍ତ ୱାର୍ଡ କାଉନସିଲର ଙ୍କ ସମେତ ପରିଷଦ କର୍ମଚାରୀ ମାନେ ଉପସ୍ଥିତ ଥିଲେ।
