କୁସଙ୍ଗ ବନ୍ୟପ୍ରାଣୀ ପଦ୍ମତୋଳା ଅଭ୍ୟାରଣ୍ୟରୁ ସମ୍ବର ଶିକାର

ବୌଦ୍ଧ:(ଚିତ୍ତରଞ୍ଜନ ସିଂହ)ବନ୍ୟ ପ୍ରାଣୀ ଙ୍କ ସୁରକ୍ଷା ନେଇ ସରକାର ସବୁବେଳେ ଚିନ୍ତିତ ଓ ତତ୍ପର l ଏପରିକି ତାଙ୍କ ସୁରକ୍ଷା ପାଇଁ ବିଭାଗୀୟ କର୍ମଚାରୀ ଙ୍କୁ ଦିଆଯାଉଛି ତାଲିମ, ରହିଛି କଡା ନିର୍ଦେଶ l କିନ୍ତୁ ବନ୍ୟ ପ୍ରାଣୀ କର୍ମଚାରୀ ଙ୍କ ଅବହେଳା ହେତୁ ନିରୀହ ବନ୍ୟଜନ୍ତୁ ପ୍ରାଣୀ ଙ୍କ ଜୀବନ ଯାଉଛି l ଏପଟେ ବନ୍ୟପ୍ରାଣୀ ଅଭ୍ୟାରଣ୍ୟ ଭିତରେ ସାଧରଣ ଲୋକଙ୍କୁ ବାରଣ ଥିବା ବେଳେ ବନ୍ୟ ଜନ୍ତୁ ଙ୍କ ସୁରକ୍ଷା ନେଇ ଉକ୍ତ ଅଭ୍ୟାରଣ୍ୟ ଭିତରେ 11 ବିଟ ରେ ବିଭିନ୍ନ କର୍ମଚାରୀ ନିୟୋଜିତ ଅଛନ୍ତି l କିନ୍ତୁ ଜଙ୍ଗଲ ଭିତରକୁ ଶିକାରୀ ପ୍ରବେଶ କରି ନିୟୋଜିତ କର୍ମଚାରୀ ଙ୍କ ଆଖିରେ ଧୂଳି ଦେଇ ବନ୍ୟ ଜନ୍ତୁ ଶିକାର କରୁଥିବା ବେଳେ କେମିତି ପ୍ରକୃତ ଶିକାରୀ କୁଜାଣି ପାରୁନାହିଁ ବିଭାଗ l

ଏହାକୁ ନେଇ ସାଧରଣ ରେ ଏକ ପ୍ରଶ୍ନ ଉଠୁଛି l ଉକ୍ତ ଅଭ୍ୟାରଣ୍ୟ ଭିତରେ ଶିକାରୀ ହାତରେ ଯିବ ଜନ୍ତୁ ଙ୍କ ଶିକାର ହେଉଥିଲେ ମଧ୍ୟ ବିଭାଗ ଜାଣି ପାରୁ ନାହିଁ ନା ଏସବୁ ଜାଣିଶୁଣି ନୀରବ ରହୁଛି ବୋଲି ସାଧରଣ ରେ ଏକ ପ୍ରଶ୍ନ ବାଚୀ ଉଠୁଛି l ସୂଚନା ଥାଉକି ଶନିବାର ବିଳମ୍ବିତ ରାତିରେ କୁସଙ୍ଗ ରେଞ୍ଜ ଶ୍ରୀପଜୁ ବିଟ ପଦ୍ମତୋଳା ଅଭ୍ୟାରଣ୍ୟ ଜଙ୍ଗଲ ଭିତରେ ଶିକାରୀ ହାତରେ ଏକ ସମ୍ବର ଶିକାର ହୋଇଥିଲା l ଉକ୍ତ ସମ୍ବର ମାଂସ କୁ ଲୁକାୟତ ଭାବରେ ବିକ୍ରି କରିବା ପାଇଁ ଯୋଜନା ରହିଥିବା ବେଳେ ହରଭଙ୍ଗା ଥାନା ମହାଳିକପଡା ପଞ୍ଚାୟତ ର ପୂର୍ବତନ ସମିତି ସଭ୍ୟ ସଂଜୟ ସେନାପତି ସେହି ଗ୍ରାମକୁ ଯାଇ 2କେଜି ଓଜନ ର ମାଂସ କିଣି ବାଇକ ଯୋଗେ ଫେରୁଥିଲେ l

ପୂର୍ବରୁ ବିଭାଗୀୟ କର୍ମଚାରୀ ଖବର ପାଇ ସେମିଗୁଡା ଫାଟକ ରେ ଜଗି ବସି ରହିଥିଲା l ପରେ ଉକ୍ତ ବାଇକ ଡ଼ିକି ରେ 2କେଜି କଞ୍ଚା ମାଂସ ଥିବା ବେଳେ ଅଭିଯୁକ୍ତ ଓ ମାଂସ ଏବଂ ବାଇକ କୁ ଜବତ କରାଯାଇଥିଲା l ଏନେଇ କୁସଙ୍ଗ ବନ୍ୟ ପ୍ରାଣୀ ରେଞ୍ଜ ପକ୍ଷରୁ 2/23ରେ ଏକ ମାମଲା ରୁଜୁ ହୋଇ ଅଭିଯୁକ୍ତ କୁ ଗିରଫ କରି କୋର୍ଟ ଚାଲାଣ କରାଯାଇଥିବା ନେଇ ବନ୍ୟ ପ୍ରାଣୀ ରେଞ୍ଜ ଅଧିକାରୀ ସୂଚନା ଦେଇଛନ୍ତି l ଏହି ଚଢ଼ାଉ ସମୟ ରେ ରେଞ୍ଜ ଅଧିକାରୀ ଲକ୍ଷ୍ମୀ ନାରାୟଣ ପଣ୍ଡା, ଫୋରେଷ୍ଟର ପ୍ରଶାନ୍ତ ଗୁରୁ, ଅଜୟ ସ୍ୱାଇଁ, ସାଥୁଆ ବାବୁ ଓ ସ୍କୁଆଡ଼ କର୍ମଚାରୀ ମାନେ ଉପସ୍ଥିତ ଥିଲେ l

ପ୍ରକାଶ ଥାଉକି ଉକ୍ତ ଅଭ୍ୟାରଣ୍ୟ ଭିତରେ ଶିକାରୀ ଙ୍କ ଦ୍ୱାରା ବନ୍ୟ ଜନ୍ତୁ ଶିକାର ହେଉଥିବା ଏବଂ ପ୍ରକୃତ ଶିକାରୀ କୁ ବିଭାଗ ଧରିବାରେ ବିଫଳ ହେଉଥିବା ବେଳେ ସାଧରଣ ଲୋକ ପଡୁଛି ହାବୁଡ଼ରେ l ଆଗାମୀ ଦିନ ରେ ବନ୍ୟ ପ୍ରାଣୀଙ୍କ ସୁରକ୍ଷା ଦିଗରେ କର୍ମଚାରୀ ଏଥିପ୍ରତି ତତ୍ପର ରହିବା ସହ ପ୍ରକୃତ ଆସାମୀ କୁ ଧରିବା ପାଇଁ ସାଧାରଣ ରେ ଦାବି ହେଉଛି l ଅନ୍ୟପଟେ ଏଭଳି ଅଭିଯୋଗ ସାମ୍ମା କୁ ଆସୁଥିଲେ ମଧ୍ୟ ବନ୍ୟପ୍ରାଣୀ ବିଭାଗ ଗଣ ମାଧ୍ୟମକୁ ତଥ୍ୟ ଦେବାକୁ ଅନିଚ୍ଛା ପ୍ରକାଶ ରହୁଥିବାରୁ ବିଭାଗର ସ୍ୱଚ୍ଛ କାର୍ଯ୍ୟପ୍ରତି ଏକ ସନ୍ଦେହ ପ୍ରକାଶ ପାଉଛି l