ସୁବର୍ଣ୍ଣପୁର:(ଅଜିତ କୁମାର ପୁଜାହାରୀ)ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକର ସୁବଳୟା ଉନ୍ନୟନ କ୍ରିୟାନୁଷ୍ଠାନ କମିଟି ପକ୍ଷରୁ ୧୨ ଘଣ୍ଟିଆ ସୁବଳୟା ବନ୍ଦ ଓ ରାଜ ରାସ୍ତା ଅବରୋଧ। ଜିଲ୍ଲା ପ୍ରଶାସନ ଦ୍ବାରା ଧର୍ମଶାଳା ଭାୟା ସୁବଳୟା ଦେଇ ଗରିଆମୁଣ୍ଡା ଯାଇଥିବା ରାଜ୍ୟ ରାଜ ପଥକୁ ଚକ୍ରାନ୍ତ କରି ଗୋବିନ୍ଦପୁର ପଟୁ କରାଯାଉଛି । ଏହାକୁ ବିରୋଧ କରି ସୁବଳୟା ଉନ୍ନୟନ କ୍ରିୟାନୁଷ୍ଠାନ କମିଟି ପକ୍ଷରୁ ଜିଲ୍ଲା ପ୍ରଶାସନ ର ଦୃଷ୍ଟି ଆକର୍ଷଣ କରିଥିଲେ।
ହେଲେ ପ୍ରଶାସନ ତରଫରୁ କୌଣସି ପ୍ରକାର ପଦକ୍ଷେପ ନେଇ ନାହାନ୍ତି। ଫଳରେ ଆଜି କମିଟି ପକ୍ଷରୁ ୧୨ ଘଣ୍ଟିଆ ବନ୍ଦ ଡାକରା ଦେବା ସହ ରାସ୍ତା ଅବରୋଧ କରିଛନ୍ତି। ରାସ୍ତା ଉପରେ ଟାୟାର ଜାଳି ରାସ୍ତା ଅବରୋଧ କରିବା ସହିତ ଦୋକାନ ବଜାର ସରକାରୀ ଓ ବେସରକାରୀ କାର୍ଯ୍ୟାଳୟ ସବୁ ବନ୍ଦ୍ ରହିଛି। ରାସ୍ତା ଅବରୋଧ ଫଳରେ ଶତାଧିକ ଯାନ ବାହନ ଅଟକି ରହିଛି।
