ଟିଟିଲାଗଡ:(ସଞ୍ଜୟ କୁମାର ନାୟକ)କିଛି ଦିନ ତଳେ ରାଜ୍ୟସଭା ସାଂସଦ ଶ୍ରୀଯୁକ୍ତ ନିରଞ୍ଜନ ବିଶିଙ୍କ ଗାଡି ଧକ୍କାରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଥିଲା। ଦୁର୍ଘଟଣାରେ ପ୍ରାଣ ହରାଇଥିବା ଟଙ୍କଧର ହେଉଛନ୍ତି ସାଂସଦ ଶ୍ରୀ ବିଶୀଙ୍କ ଆତ୍ମୀୟ ସମ୍ପର୍କିୟ। ଏହା ଜାଣିବା ପରେ ସେ ଦୁଃଖ ପ୍ରକାଶ କରିବା ସହ ନିଜେ ଟଙ୍କଧରଙ୍କ ଗ୍ରାମକୁ ଯାଇ ସବ ସତ୍କାର କରିବା ସହ ପରିବାର ସଦସ୍ୟ ତଥା ଜାତି ସମାଜର ବନ୍ଧୁ ବର୍ଗଙ୍କୁ ଭେଟି ମୃତ ଟଙ୍କଧରଙ୍କ ପରିବାରର ସମସ୍ତ ପ୍ରକାର ସୁବିଧା ବୁଝିବେ ବୋଲି ପ୍ରତିଶୃତି ଦେଇ ଫେରିଥିଲେ।
କିନ୍ତୁ ଏହି ଦୈବୀ ଦୁର୍ଘଟଣାକୁ ନେଇ ବିଜେପି ଦଳର ନେତା ଶିବାଜି ମହାନ୍ତି ହିନ ରାଜନୀତି କରୁଥିବାରୁ ତାଙ୍କ ବିରୁଦ୍ଧରେ ଜିଲ୍ଲା ଆଦିବାସି କଲ୍ୟାଣ ସଙ୍ଘ ତରଫରୁ ଏଟ୍ରୋସିଟି କରାଯିବ ବୋଲି ଟିଟିଲାଗଡ ଆଦିବାସି ଭବନ ଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ ଜିଲ୍ଲା ଆଦିବାସି କଲ୍ୟାଣ ସଂଘର ଜିଲ୍ଲା ସଂଗଠକ ଶ୍ରୀ ଥବିର ପୁଝାରୀ ସୂଚନା ଦେଇଛନ୍ତି। ମାନ୍ୟବର ରାଜ୍ୟସଭା ସାଂସଦ ଶ୍ରୀ ନିରଞ୍ଜନ ବିଶିଙ୍କ ଲୋକପ୍ରିୟତାକୁ ସହି ନପାରି ଇର୍ଷା ପରାୟଣ ହୋଇ ଅଯଥା ବଦନାମ ତଥା ନିନ୍ଦା କରୁଥିବା ଯୋଗୁଁ ଏହିଭଳି ହିନ ଚକ୍ରାନ୍ତ କରୁଥିବା ଅଭିଯୋଗ କରିଥିଲେ ବୋଲି ଉପସ୍ଥିତ ସ୍ଥାନୀୟ ନେତୃତ୍ୱ ବୃନ୍ଦ ନିଜ ବକ୍ତବ୍ୟରେ କହିଥିଲେ।
ଗାଡି ଦୁର୍ଘଟଣା ସମୟରେ ରାଜ୍ୟସଭା ସାଂସଦ ଉପସ୍ଥିତ ନ ଥିଲେ, ତାପରେ ପୋଲିସ ପକ୍ଷରୁ ଆଇନ ଅନୁଯାୟୀ ତଦନ୍ତ ଜାରି ରହିଥିବା ବେଳେ ଅଯଥାରେ ମାନ୍ୟବର ସାଂସଦଙ୍କ ବିରୁଦ୍ଧରେ ବିଜେପି ନେତା ଦେଉଥିବା ମନ୍ତବ୍ୟ ମିଥ୍ୟା, ମନ ଗଢା,କପୋଳ କଳ୍ପିତ, ଭିତ୍ତିହୀନ ଏବଂ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ବୋଲି କହିବା ସହ ହିନ ରାଜନୀତିରୁ ନିବୃତ ରହିବାକୁ ଆଦିବାସି ସଙ୍ଘ ତରଫରୁ ଚେତାବନୀ ଦିଆଯାଇଛି, ଯେହେତୁ ଆଦିବାସି ମାନଙ୍କ ହକ ପାଇଁ ସଦା ସର୍ବଦା ଶ୍ରୀ ବିଶି ଲଢେଇ ଜାରି ରଖି ଲୋକଙ୍କ ପ୍ରିୟ ପାତ୍ର ହୋଇପାରିଛନ୍ତି, ସେଥିପାଇଁ ଆମ ରାଜ୍ୟସଭା ସାଂସଦଙ୍କୁ ବଦନାମ କରିବା ଯୋଜନାକୁ ଆମେ ଦୃଢ଼ ନିନ୍ଦା କରିବା ସହ ବିଶାଳ ସଶସ୍ତ୍ର ଆନ୍ଦୋଳନ କରାଯିବ ବୋଲି ସୂଚନା ଦେଇଛନ୍ତି।
